التجمع ال ٣٨ لأجمل حوامل وأمهات التوائم ❤️❤️

مبروك ام سعد عقبال مايطلعون معك بخير وسلامه

الحمدلله على سلامتكم والله يطمن قلبك ع بناتك ويبشرك فيهم بخير
وتطلعون بالسلامه ياارب

...

فين بإي مستشفى اخذتيها الله يسعدك
والاختبار كان عباره عن ايش اللي عملتوه لك
تحليل او ايش بالضبط

مشكورين حبايبي ماقصرتوا الله يجزاكم خير
شوشو لا تخافين منه أبد مافيه شي بس انا نفسياً ماكنت متهيئة ورايحه مب مأكله شي ومت ضما ابي ماي عطوني شوي والضغط كان مرتفع يعني احس نفسيتي ماساعدتني ولا كان كل شي تمام الأكسجين ونبض القلب بس اختج في الله هولت بالموضوع شافني الدكتور اذيتهم عطاني مخدر قال نامي 😂😂😂
وماعاد حسّيت بشي وخذيت نومه عميقه وجميله لليوم الثاني بعد العمليه كان كله مسكنات تدروووخ وتدخلج عالم ثاني 😍😍
والقسطره شلوها اليوم الثاني الحمدلله كان كل شي تمام
تحركوا بعد ماتطلعون من العنايه انا الاحظ اني اذا طولت وانا منسدحه وقَعَدت الالم يذبحني ماقولكم انه يختفي بس يخف شليت أنس شالوا البلاستر ونظفوا الجرح كان الحمدلله تمام وسبحت عادي بس جففته اهم شي مايكون رطب
نزل الحليب اليوم الحمدلله شفطته وعطيته اللي وزنها صغير لانه جاها بصفار بِسْم الله عليها الثانيه من امس موقفين الحليب عنها جاها إسهال الله يعزكم وننطر النتيجه بكره بيرخصوني باْذن الله قلبي معورني ماقدر أخليهم 💔💔