الشوفة بعد كم يوم ...!!

السلام عليكم ورحمة الله وبركاته


زي ما شفتوا في العنوان .. حتكلم عن موضوع الشوفة الي حيكون بعد كم يوم


هو الموضوع مخربط شوية و انا بسببه كمان متخربطة بس ابغى افضفض و شفت ان هذا الموقع متعود على مثل هذه المواضيع فقلت احكي وفضفضي


بعد كام يوم حيجوا أهل خطيب اختي الكبيرة عشان يكملوا موضوعها وتصير الملكة و كذا و في هذا الْيَوْمَ في ناس قرايبهم حيجوا معاهم عشان يشوفوني و يخطبوني لولدهم ،، هم جاين على حسب وصف اهل المعرس اقصد اهل عريس اختي لهم .
امممم على حسب كلام اختي انه مستعجل ويبغى يتزوج بس ما اعرف انا من يوم ما قالولي الخبر و انا ما اعرف ايش صار لي متوترة و ماني قادرة أفكر في شي غير هذا الموضوع انا شفت صورة الولد وعجبني عجبني كثير وارتحت له وعلى حسب كلامهم هو محترم و متدين و مثقف و هو ما شاء الله وسيم و رياضي وطويل ما شاء الله و انا قصيرة و تختوخة بس جسمي حلو وحاسة ان لو الولد هو الي شافني حأعجبه لأني حلوة بس تعرفوا الحريم كيف يعقدوا الأمور ... انا الان ملتزمة بالرجيم .. بالمناسبة انا متعلمة و موظفة وفِي وظيفة محترمة و منصب كمان

بس ليه متوترة وليه هالشخص فارق معايا ومهتمة فيه لهذه الدرجة مع اني عمري ما شفته الا في الصور و مع أني مو اول مرة اتخطب بس حاسة هالمرة الموضوع فارق معايا كثير و لو ما تم يمكن اتأثر و احزن يمكن لأني تجاوزت ال ٣٠ سنة ؟
من جد نفسي يكون عندي بيت وزوج و اولاد ؟

ودايما اسأل نفسي سؤال هل هو الان يفكر فيا زي ما انا أفكر فيه الان و لا الموضوع بالنسبة له عادي خصوصا لو هو معتمد على أهله في موضوع الزواج فحكون زي زي غيري !!
وتدرون ان رقمه عندي لا تسالوا كيف بس انا بعد ما اختي حكتني قدرت اجيب رقمه بس ما ابغى أكلمه لسببين


الاول اخاف اخرب على نفسي لانه واضح انه يبغى يتزوج زواج تقليدي عن طريق أهله ولو تواصلت معاه يمكن يفكر فيا بشكل مو مضبوط و اطيح من حساباته


والثاني انا ابغى كل شي يمر بشكل طبيعي اذا تم فهذا نصيبي وإذا ما تم فنصيبي لسى ما جاء
امممم أدعولي ان الله يتمم لي على خير و يكون هو من نصيبي اذا كان فيه خير ويحبب أهله فيا و يحببني فيهم .. و يريح بالي ويرضيني بالي كتبه لي .

31 تعليق 6,650 مشاهدة

شاركي في النقاش

سجلي الدخول لإضافة تعليق.

التعليقات

29
  1. وليش شايله الدنيا فوق راسك
    خلي الموضوع ياخذ مجراه الطبيعي
    وابدددد لا تفكرين انك تكلمينه لارح اخربين علي نفسك
  2. ماله داعي سوالف رقمه وما رقمه
    اغلب الخليج مهما حاولوا يطلعون من العش نهايتهم يقدرون ويحترمون الزواج التقليدي
    ما ادري عن الاجيال الجايه بس اتكلم عن الشباب الان واللي بعمر الزواج
    واذا لك فيه رزق بيكون من نصيبك ولا تفكرين كثير مثل لو شافني بيوافق علي واهله يمكن يتشرطون
    ترى ممكن العكس هو الصحيح
  3. لا تفكرين مليون بالمية تتواصلين معاه


    بس ليش ما يأجلون شوفتج لين بعد ما يحددون لأختج
    لأن الوضع راح يكون صعب عليج و على أختج و على أهلح بعد
    إحراج كبير
    يا تأجلون الشوفك يوم يا تقدمونها يوم

تابعي تجارب أخرى من هذا القسم.