زوجي هاجرني من ٩ ايام ماينام عندنا

مستغربة انه تقولو لها اشتغلي واصرفي على نفسك وتركتوا الشئ المهم في الموضوع الي هو مشكلتها مع زوجها ترا حتى لو عندها وظيفة براتب 20 الف ما بترتاح نفسيا طالما هو منكد عليها لازم تشوف سبب المشكلة بينها وبينه وتحلها سواء هو الغلطان او هي لازم يتفاهموا وينهو الموضوع والعناد مو حلو ونتائجه مو حلوة بكرا لراح لوحدة ثانية تنقهر هذا ابو ولدها المفروض تفكر في ابنها انه يعيش في جو نفسي صحي حتى لو هي مستغنية عنه

مافي اسباب قويه للزعل
زعلان مايبني اطلبه شي لا جو اهله
بيروح ويجي على كيفه
يظن اني لادقيت محتاجه شي وهو طالع معاهم يظن اني بخرب طلعتوه وانا ماني محتاجه شي بس بنكد عليه
واذا طبخت وجا متغدي قلت ليه ماارسلت قبل لاجل مااطبخ وزعل علي
وزعل علي اني قلت بطلع اغير جو من فتره ماطلعت البيت وزعل لاجل كذا مع انه هو واهله يطلعون يوميا
كل اسباب الزعل ماهي منطقيه بس هو بيزعل لاجل يروح ويجي على كيفوه

الله يسخره لك يرب 🤲🏼

حبيبتي طلباتك كلها مشروعة لكن شكلك عصبية يعني لما تغدى وجاء متغدي من جد تقهر لكن اكيد قلتيها بعصبية لو قلتيها بهدوء ما عصب لا تخلي توافه الامور تخرب حياتك متاكدة لو تكتشفي انه في واحدة تحوم حوله بتخافين عليه لانك اكيد تحبينه لا تخلي الشيطان يركب راسك ويخرب حياتك الله يرضى عليك
تخلقين لنفسك مشاكل من لاشئ ترا في حريم ازواجهم راعيين بنات وسفرات وتعارف في النت وشرب وكبائر احمدي ربك من شاف بلوة غيره هانت عليه بلواه في مليون واحدة زوجها فيه بلوى اكبر تتمنى انه عيوب زوجك بدل عيوب زوجها وفي بنات انتهت اعمارهم في البيوت ما فرحوا برجل اصلا
لا تخربين حياتك بيدك يا الغالية عشان اشياء لا قدر الله لو خربتي بيتك بتشوفينها تافهة ولا تققولي مبالغة لا ترا كثرة الزعل والعناد والمكابرة تخرب البيوت وتقدري تسالي المطلقات اذا لقيتي واحدة تطلقت بسبب وجيه انا مستعدة اعتذرلك كل حالات الطلاق كانت اسبابها تافهة بسبب غداء تأخر او ولد انضرب او مشوار حرمها منه ما راحت ما قد سمعت واحد طلق زوجته لانه ظبطها تخونه او لانها ضربت امه بالله عليك شوفي اسباب المشاكل وحليها الله يرضالي عليك على الاقل عشان ابنك وعلى الاكثر عشان ترضي ربك وتذكري حديث رسول الله صلى الله عليه أن المرأة إذا باتت وزوجها غاضب عليها لعنتها الملائكة
اختي تحمليه طاعة لله وترا ولو هو ظالمك الله ما بيسيبه بياخذلك حقك لا تكوني مقفلة راسك على فكرة الين تضعين ايام عمرك في المشاكل مافي مفر من المصالحة هذا ابو ابنك ولازم تنهي المشاكل بسرعة الحين تسع ايام لا تخليها تصير سنة

الله يصلح حالكم... انصحك بسورة البقرة اقريها كل ثلاث ايام ... واسبحي واستغفري . وربي بيفرجها عليك..


وحاولي اذا طلبتي زوجك قبل ماتطلبين ...
ابداي بالسلام عليه واسألي عنه وعن صحته ..
وعن اهله .. كيفهم ... واطلبي حاولي تلطفين الجو بينكم..
واذا طلبتي قولي العيال جيعانين .. او قولي ولدك صحاني من النوم.. يبون اكل..
واذا طلبتيه ركزي عالا ساسيات واطلبي كميه تكفيك..
قولي عشان ما اطفشك بالطلبات اشتر اللي يكفينا لين اخر الشهر...


وبعدها .. اختمي الرساله بكلمه شكر او كلام حلوو..
يعني خليك ودودة معه.
عشان عين تكرم مدينه...وعشان عيالك ونفسك لازم تتحملين وتحلين امورك بشكل افضل ..