صراحتي دمرت علاقتي بالناس

مشكوره حبيبتي انا قصدي صريحه معاهم مثلا يسألوني عن اثاث اقول رايي بصراحه سواء عجبني او لا والاحظ انهم يزعلوا مشكلتي ما اعرف اجامل
لو اجامل اشوف اني كذابه ويبين على وجهي واتلعثم

ويسعدش ي عمري فكره انش تحاولين تتغيرين يبين أن قلبش أبيض كل الي اقوله تجاهليهم انا مثلش ما اعرف اجامل يعني اذا عجبني شي امدح واذا لا اسكت

لاتغيرين طبعك عشانهم لان الطبع يغلب التطبع
ومثل ماردت وحده تقليدك لشخصيه خواتك ذا ضعف

مثال بسيط
لو عكسنا الادوار وانتي اللي طلبتي رأيهم في شي يخصك سواء اثاث او فستان او قصة شعر وقالو لك يععع مو حلو ما اعجبنا وعيبو فيه
انتي وش بتكون ردة فعلك او احساسك لحظتها ؟ اكيد بتتضايقين وتزعلين
قلت لك في شعره رفيعه بين الصراحه والوقاحه يعني مو كل شي في خواطرنا لازم نتكلم فيه لانه ماراح يفيدنا ان تكلمنا فيه او كتمناه فالافضل انك تحتفظين فيه لنفسك اذا كان يجرح .
وش بيضرك لو ما اعجبك شي تسكتين ؟
بالنهايه الناس اذواق مختلفه ولما يفرجونك على اشياء تخصهم انتي هنا لازم تحترمين اذواقهم ومهمتك بس تتفرجين وتباركين لهم . . ابداً ما يعتبر كذب
تجملي قدام الناس بالكلمه الطيبه لان الكلمه الطيبه صدقه

شوفي حبيبتي دامك مو عاجبك وضعك وودك تتغيرين فأنتِ وصلتي 👍🏽
المشكلة اللي تغلط وترد الصاع صاعين وماتشوف انها غلطت ..
بالنسبة لك تصرفك هذا ردة فعل طبيعية لسوء التعامل معك بطفولتك او ما نسميه بالعامية يدقمونك ويكسرون مجاديفك بدل التشجيع والدعم ،،، وهذا للاسف حالنا كلنا حتى مع ابناءنا نكرر غلط اهالينا ،، النفس البشرية حساسة ،، والاهالي ليس علماء نفس ولا خبراء تربية وخاصة الاخوان الكبار في مراهقتهم يسيئون للأصغر منهم ..
وفضل من الله انك قدرتي تتخلصين من الانطوائية وضعف الشخصية لأنها هي الاصعب الان بقي عليك السيطرة على اعصابك ،، وتطوير ذاتك والتغيير يحتاج خطوات
- دربي لسانك على الكلام اللطيف المحبب وعبارات الشكر والتقدير لكل من يقدم لك خدمة حتى لو كانت بسيطة جداا
- عودي نفسك على الاستئذان ووقته وادبه ،،، وفي حال طلبتي شي من احد سبقي طلبك بعبارة تلطف مثل الله يجزاك خير سوي لي كذا ،، الله يسلمك ،، الله لا يهينك الله يرفع قدرك
- اعرضي خدماتك على الاخرين واستعدادك لمساعدتهم ،، خاصة اللي عنده شي مشغله او مناسبه ،، تحتاجون فزعة تراني بالخدمة ،، تامرون بشي ،،، ولو فعلا اسندولك عمل اتقنيه ،،، وفي الغالب مارح يطلبون شي ومع ذلك ترتفع قيمتك عندهم ويزيد حبهم ..
صوتك ،،، فيه كثير بنات سنعات وشقرديات واصواتهم عالية وما ضرهن محبوبات ومفضلات .. ولكن الصوت العالي يعطي دفاشة وخشونه للبنت وما تكون راقية ابد ،،، حاولي وجاهدي نفسك ما يكون صوتك عالي يكفي ان الله سبحانه قال في كتابه ( ان انكر الاصوات لصوت الحمير ) لوصف الصوت العالي فهو ليس من صغة المؤمن ،، خليك وسط ولا تتصنعين النعومة بعض البنات الله يهديهن كلامهم سايح وكله تصنع يجيب الغثيان
- اخيرا طوري ذاتك بالقراءة سواء قراءة كاب خاصة بتطوير الذات وعلم النفس وكتب اجتماعية دينية او بدخول مواقع تطوير الذات بالتويتر او السناب
اهم شي ان قلبك طيب ومحبه للخير