عضوة معكم و افكر بالطلاق

ما الومك انتي ماغلطتي ولا شي
لكن شوفي اذا هو يحبك صدق وشاريك
قولي له انك مليتي خلاص ما راح تصرفين كثر ماصرفتي على البيت وعليه والأولاد
وانك بتجمعين فلوسك لأنها من تعبك ومن حقك
عاد شوفي ردة فعله ...
لو يحبك راح يفهمك ويوافق على الي قلتيه
واذا لا ف انتي اشتري راحتك

تعوذي من الشيطان
واذا زواجك خسارة الربح في الاولاد
طالما قدمتي تضحيات كثيرة
لاتنسى اولادك تستاهل الحياة ان نضحي من اجلهم

باختصار حتى لو تطلقتي اعرفي انك راح تتطلقي وانتي خسرانه فلوسك من اول ونجاحك وتعبك وكل هذا بعد الطلاق ماراح يرجع لك يعني لو تطلقتي بترجع فلوسك
وغير كذا انا فاهمه شعورك والله ماالومك بس كل المتزوجين يمرون بفترة فتور وملل وانتي ابعدي شوي يمكن ترجعين بطاقه وحيويه
واتوقع انك بفترة اكتئاب اللي تمرين فيها الان
وان شاءالله تعدي على خير
احيانا الانسان يضعف ووده يبتعد عن كل شي ينعزل عن الحياه بأكمله وانتي خلي انعزالك سفر لمكة خوذي لك عمره وادعي ربي يشرح صدرك
وفيه غيرك صابرعلى مصايب عشان الاطفال واحمدي ربي ليل ونهار على النعمه وعلى السراء والضراء وبالشكر تزيد النعم
والله يفرجها عليك وعلي وعلى كل مهموم

شوفي عزيزتي...انتي عايشه بوهم صنعتيه لنفسك وصدقتيه
زوجك مايضرب
محترم اهلك
متمسك فيك
يصرف ويتعب على قدر استطاعته
لايستعمل مخدرات ومسكرات
والله منعم عليكم الله يزيدكم من نعيمه
معنى هذا انك تعاني من شيئ داخلك وتحاولي تشوفي لك شماعه تعلقي عليها احاسيسك
والدليل انك تنسبي الضعف الي اصاب دينك لهذا الزوج المسكين؟؟
وعشان يطيب خاطرك اقترح عليك خذي اجازه من بيتك وعيالك وزوجك وروحي لاهلك لمده اسبوعين او شهر
وتعالي قولي لنا بعد كذا وش كان قرارك
بس حبيت اقول لك ان التراجع الي عندك بسببك انتي ارجعي قوي دينك فوي علاقتك بربك وراح تتحسن امورك بأذن الله

الخلل جواتك حبيبتي ولا الي تقولين عليه من تصرفات ٩٩ ٪ من الشباب شايفين اباحيات الحين البنات تتابع


انتي مشكلتك فكرتي بالفرق الي بينك وبينه كيف انك افضل منه لدرجة انك تشوفينه صفر ..
مافكرتي في الايجابيات الرجل هذا وخلي الرجل هذا اضافه لك مو هم ..
يعني بالله انتي تقولي اشوف رجال الحريم كيف مدلعها كيف يأثث لها
طيب انتي شفتي هوشاتهم .. شفتي الي يرفع يده على زوجته ويضربها ولا يعبرها
اذا قلت لك ان فيه رجال يسفرون زوجاتهم بعد كل شهرين يوديها احلى الاماكن وافضل المطاعم .. بتجلسين تبكين على حظك وتطلبين الطلاق .. هذا رزقها يا بنت اكيد ربي منعم عليك بأشياء كثير ونعم ورازقك باشياء فتشي عنها ممكن صحه عافيه ممكن وظيفه ممكن صديق ممكن زوجك يحبك او محترمك ولا يصرخ عليك ولا يضربك .. لا تناظرين وش عند الناس ناظري ايش انتي تملكين واستمتعي