مااحس بالسعاده ودي اموت او اهاجر 💔

مدري وش لون ابدا مدري وش اقول هذي اول مشاركة لي في المنتدى المفروض تكون مشاركة ايجابيه بس صدق جربت كل الطرق وماارتحت لجأت الى اقرب الناس لي بس ماارتحت يارب القى الراحه والطريق الصحيح تدلوني عليه
....
اولا انا تخرجت من الجامعه بعدها حسيت فيني طاقه مكبوته ابي اطلعها فيني طموح كبير جدا مو قادر يروح من عقلي وفجاه لقيت نفسي في بيت يحطمني ومحد يوقف معي والكل يوقف في وجهي عشان طموحي ويقولون لي مكانك المطبخ والبيت بعدها بسنه ونص زوجوني وكنت انخطب كثير بس كانوا اهم يخططون ويشوفون الموضوع من وجهة نظرهم واذا كان الخاطب مضبوط في اعتقادهم يحاولون يطفشوني من البيت عشان اوافق ويسوون معي تصرفات عشان الجأ لهذا القرار واوافق ومايفكرون فيني وفي اللي في داخلي حتى شروط الزواج يحطونها للخاطب من وجهة نظرهم بعدها وفقدت الامل ان ممكن حياتي تتغير دامني في هذا البيت وعايشه بينهم لاني قاعده ادفن عمري في عيشة مثل كذا
بعدها وافقت على الخاطب اللي جاني واهم طبعا اللي اختاروه واستسلمت فجاه تزوجت بس والله والله من اول ماتملكت لين اليوم هذا مااحس بالسعاده مو الحياة اللي كنت راسمتها اول والله اني ادعي ربي واعتمرت ودعيت ربي اني ارضى بنصيبي بس مااحس بالسعاده في حياتي احس كل شي ناقص يعني فيه شي في شخصيته وفيه ماتخليني مرتاحه واهله جدا يخوفون اخاف اقرب منهم ناس يخوفون من اول ماشفتهم وانا قلبي منقبض منهم احسهم ناس يدورون الزله ناس مهب سهلين وفي اي وقت بيقلبون علي ناس جدا بالنسبه لي يخوفون مر الحين اشهر قليله وانا متزوجه بس والله العظيم فيني شي يخليني ابكي واعصب من دون سبب من جوا قلبي مااحس بالسعاده احس اني تعيسه وودي ابكي احس اني خايفه من الدنيا ودي اموت ودي فجاه اصحى من النوم القى نفسي في دنيا جديده وناس جديدين عالم جديد الحين اكتب الموضوع وانا ابكي مو قادره ورب الكعبه
والله مو بيدي احس بخوف من الدنيا ومن كل شيء فيني شيء مدري وشو والله عجزت افسره




ساعدوني تكفون لو بكلمه وحده
يارب سخر لكم الارض ومن فيها يارب العالمين 💔💔

26 تعليق 7,481 مشاهدة

شاركي في النقاش

سجلي الدخول لإضافة تعليق.

التعليقات

23
  1. الانسان بعد سنوات حافلة بالدراسة والكرف
    بعد التخرج يجيه هبوط وحالة نفسية كيئبة
    بتتعيشين مع وضعك
    غيري روتينك
    اقري قرآن كتب تعلمي حاسب انقليزي فرقشي
    زوجك احسني له لانك محاسبة عنه
    اما اهل زوجك نوعيتهم اذ عرفتيها لاتحتكين فيهم ابدا


    عليك بالأستغفار 5 صلوات 100 تساوي500
    والليل 500 =1000 باليوم
    والحوقلة والصلاة على محمد وسيد الاذكار


    انفضي غبار شخصيتك وسطحي علاقاتك مع الناس ترتاحين
  2. @ohydh890

    الله يفتح على قلبك انتي تزوجتي وانتهي الموضوع وكذا الأهل كلهم خلصت دراسه زوجوها علا العموم اهتمي بنفسك وبزوجك الله يصلحه لك ويسخره يمكن يصير فيه خير واهله خلي علاقتك سطحيه وبس الله يهدي بالك
  3. @ghzyyl_545

    صاحبة الموضوع
    صح كلامكم ربي يسعدكم ي رب بس لحضات الانسان يتعب من الدنيا ومن كل شيء
  4. @am_zyad_71

    كلمي زوجك يمكن ماعنده مانع تتوظفي اشغلي نفسك بشي تحبينه قولي لزوجك عن طموحاتك يمكن يدعمك بالبداية بتحسي انك مو فاهمته بس مع الوقت ومرور السنين بتصيرون روح واحده بس انتي بشطارتك تقدري تخلي زوجك يعيشك ملكه اهم شي ماتهملي واجباتك ناحيته ودلليه وبتشوفي كيف يلبي طلباتك ... وياارب يسخر لك زوجك وتكوني سعيده بحياتك ... ونسيت اهم شي لا تجلسي لحالك حاولي تطلعي روحي زيارات اطلعي مع زوجك لان الجلسه لحالك تزيد الكآبه .

تابعي تجارب أخرى من هذا القسم.