تجمع أمهات الأشبال 💙🤱🏼👼🏼 مرحبا ملايين ولا يسّدن

يلا يا كبكوبة شدي حيلك وجيبيلنا توم ولاد شبة ابني ★ ماعندي سمايلات الزلمة خرب تلفوني من وين اجيت أشكال








الرهيبة وانتي كمان مع كبكوبة يلا شدوو حيلكم وحملو الله يجبر

هلا بنات اخباركم
انا امر على المحادثات واظن اني نسيت والله هالحمل ملخبط حياتي 😂
اللي بشروها بولد💙 مبروك ياقلبي ربي يوصله بالسلامه وتفرحين به في حظنج يارب
وماعليج من فرق العمر بينهم باجر يكبرون ويصيرون ربع
انا زوجي عنده ولد من قبل وفرح يوم عرف اني جبت ولد وزاني فالمستشفى صح الفرق بينهم يمكن ١١ سنه بس بيكبرون وبيكونون ربع ويارب اني هالمره اكون حامل بولد يخاوي اخوه
مع انه بناتي جننهم هالولد الاخير ويقولون ماما نريد بنوته قلت لهم ادعوا انه ولد عشان يلعبون مع بعض ومايسويلكم مشاكل عاد الاولاد دفشين مع انه ولدي بعد بنتين
اللي سألتني ومادري رديت ولامارديت هل اتبعت حميه
حملي بولدي كنت متشفقه ابى بيبي لاني مريت باجهاضات
واللي سويته أساسا كان من ضمن دايت وقريت من المواقع الأجنبيه انه السلطات تخلي الجسم قلوي
والحبوب اللي استخدمتها بس اجتهاد مني حتى يوم قرأت ام اصيل طلع كل اللي اخذته من حبوب للحمل ببنت
بس انا متأكده من وقت التبويض وانه صار الحمل متأخر وهالنقطه مهمه للحمل بالولد حتى انه تأخرت الدوره ومابان حمل بان متاخر لاني كنت اراجع عند دكتور تغذيه وكان منبهني مايكون في حمل اذا بوقف على الجهاز
اما حملي هذا ماكان مخطط له بس الله كتبه لي
اللي اتبعه فهالحمل والله ملخبط الوضع أساسا كنت مريضه كم شهر والشهر الاخير جتني بكتيريا في البلاعيم طيحتني وأخذت بالوريد مضادين وفيتامينات وسترويد لاني كنت محمومه وغير ثلاث اربع ايام بالوريد أعطاني مضاد حبوب
والله اعلم اظني اني دعيت قبل أخذهم عن يضروني بشي
حتى يوم اكتشفت الحمل تميت افكر فهالادويه ربي يحفظ جنيني منها
المهم نرجع للنظام كنت اعزل بكبسوله وقت اسبوع التبويض والحمل صار بعد مش قبل لانه مابان الا خفيف وحتى بالدم بان حمل متأخر
تغذيتي بعد سلطات ومقلله النشويات والسكريات
كبوكوبه
للرجيم كنت مكثره السلطات اكل في كل فتره بعد الفطور وكنت اجهز فليفلة ملونه واكل منها وخيار
وتبوله بالشمندر والكينوا
طبعا سناك الفواكه لج فاكهتين فاليوم
الرز بس ثلاث ملاعق طعام
تبدين يومج باين مجفف حبه وحده وملعقة زيت زيتون تبلعينها
الفطور بيضه مثلا وتوست واحد
السكر ممنوع بس اللي للرجيم مثل ستيفا وأساسا تعودت اقلل السكر حتى اللحين وقت الحمل مخفته
وشرب الماي بمقره قبل كل وجبه
وبعد وجبه الغدا تشربين ماي دافي مع شوي ماي زهر بالليمون بدون سكر بس للتهضيم
جربي هالنظام ان شاء الله يفيدج السلطات تشبع

دايما يخيرون الوحده اذا الوزن مرتفع يخافون تتعسر الولاده سبحان الله

ربي ييسرلج حمل ويهون عليج

انا قيصريات عشان الحوض
والوضع متعب البيبي يتم فوق ويرافس في الظلوع ماينزل تحت الله يهون علينا يارب

ترانيم معقولة ماظبط شكله الله يطمنك ويكون بعونك قريبتك متى نزلت عندها البويضة بأي يوم!؟
وبالنسبة لعمل المرأة انا اؤيد لو كان تعليمها عالي ولاقت وظيفة حكومية براتب 10 وفوق اما غير كدا ماله داعي


امل الحب مشكورة على ذكر تجربتك وانشالله يكون في بطنك اخ لولدك💙💙💙

العفو فديتج

يارب يرزقكم ويرزق كل منتظره

بس في معلومه اشوف البنات يهلكون نفسهم حميه وغسول وأبر تفجيريه وحبوب
والمشكله في الزوج
طبعا أزواجنا تأبى الكرامه انهم يفحصون الخلل

اعرف وحده عندها عيال وبنات ونفسها في بيبي وتحاول وماخلت شي بعدين يوم فحص الزوج طلع عنده لزوجه وماعرف شو

يعني حتى لو انه عندنا عيال ترى يصير خلل في الزوج ولازم ينتبه على نفسه ويخلي كرامته في صوب الوحده تعاني وتكافح

غير الضغوطات النفسيه اللي تواجهها مرات المجتمع مايرحم
مرات ناس غاويه بس حرق قلب الوحده
الله يكفينا ويكفيكم شرهم

قبل تبدون ارجعوا لربكم حطوا ورد يومي من القران واذكروا الأذكار

ورددوا الحوقله والاستغفار قد ماتقدرين
كفاله اليتيم بعد فضيعه بنات اذكر قبل اتزوج كفله بنوته لاني احب البنات بعدين يوم تمنيت احمل قبل ولدي كفلت ولد صغير

البقره كنت ملتزمه فيها يوميا سبحان الله كيف يسرت أموري وانصلحت احوال زوجي معانا

واهم شي دعاء الوالدين كنت اقول لامي ادعيلي ربي يرزقني الولد وكانت تدعيلي

وربي يرزقنا ويرزقكم يارب الولد السليم المعافى ويحفظلنا بناتنا وعيالنا يارب