ماهي اعراض الغده

انا عندي غدة درقيه كسل في الغدة هاشيموتو اسمه ومن اعراضه امساك مزمن ..تورم بالوجه والعيون .. حرارة بالاقدام وقت النوم تشب نار .. برودة الاطراف يعني يدينك ورجلينك دايما باردة .. تحسي بالبرد حتى بالجو الحار.. يصير شعرك كأنه قش ومتقصف وخشن .. اظافرك تصير قاسيه وتتكسر .. جلد وجهك يتقشر خاصه عن الوجنتين والانف والجبين .. حواجبك من البدايه في الحاجب تصير خفيفه جدا او تتساقط .. دايما تكوني حزينة وكئيبه وتبكي بدون سبب .. زيادة وزن .. نوم وخمول وكسب في النهار في الليل ارق .. ما تشتهي الاكل ورغم هالشي وزنك يزيد .. تحسي في الحر يتنفخ جسمك كانك بالونه اصابع يدينك ووجهك . صداع متواصل .. جفاف بالعينين .. لخبطة بالدورة الشهريه او تكون ثقيله وغزيرة ومؤلمة جدا .. انتفاخ البطن خاصه من الاسفل حتى لو كنتي نحيفه مو انتفاخ بسيط انتفاخ واضح ..هذا اللي اذكره من الاعراض اللي قبل ما اكتشف الغدة والتحاليل اللي لازم تعمليها tsh .. و ft4 ..و ft3 وربي يعافيكي ومايكون فيكي غدة يارب .. ولو طلع في غدة لا سمح الله لازم تعملي تحاليل الا جسام المضادة اللي هي anti tpo .. Anti tg .. ولازم تعملي في كل الحالات تحليب فيتامين د لان اعراض فيتامين د مشابهة لكل الاعراض اللي بتعاني منها وحتى لو طلع لا سمح الله عندك غدة فلازم تعمليه لان كل مريضات الغدة بيعانو من نقص فيتامين د وكمان فيتامين ب 12 لو تقدري تعمليه ف ممتاز واي سؤال انا حاضرة وربي يعافيكي

الله يسعدك في الدنيا والاخره ويشفيك ويوفقك❤️

انا الحمد لله مافي كل الاعراض هذي بس بغضها
١ كسل وخمول
٢ حراره بالاطراف
٣ خشونه بالشعر ويابس كانه قشعه هههههه الله يعافينا
٤ وجهي وعيوني تقولين في نوم واضح الكسل في وجهي
٥ الدوره مرتين تجي بدون دم يعني اشوف الدم بس اذا مسحت في منديل وطول الايام هذي يمكن قرابه شهر وزياده كل مامسحت في منديل اشوف دم زي السلك مدري من وين الدم هذا
وانا حصل معي اجهاض قبل ثلاث شهور وفي التهاب بول انا ماحللت بس اعراضه موجوده قبل شهر وهلحين لا مافي اعراضه
سؤالي انتي تعرفين اعراض الغده النشطه وعراض التكيس اذا عندك معلومه قولي لي وشكراً😘😍

بالنسبه للدم اللي تشوفيه ممكن عندك قرحة بعنق الرحم لان انا كان نفس الحال لمن كان عندي قرحة اشوف دم نفس ما تقولي عنه ولازم الدكتورة تفحصك تشوف الرحم ولو في قرحة لاا سمح الله لازم تسويلك مسحة لعنق الرحم تحللها وتشوف العلاج المناسب وممكن يكون الدم من التبويض لكن حتى تطمني اعملي ايكو وفحص نسائي حبيبتي

والغدة النشطه اعراضها نحافه واسهال وانتي بكرامة وشهية مفتوحة وتعرق زيادة وحرارة بالجسم حتى بالجو البارد ارق وعصبيه والم بالعينين والتهاب جحوظ بالعينين هلع وخوف بدون مبرر وسوسة الموت تساقط الشعر خفقان القلب
كثافة الدورة الشهريه او انقطاعها


والتكيسات تسبب سمنه وبثور بالوجه وتساقط شعر والم بالدورة الشهريه وافرازات وصعوبه بالحمل

شكراً 😍😘