¨°o.O (( رابطة المتحزمات)) O.o°"

اخواتي

لن اتعب من التكرار : ابتعدوا عن السكر

تصدقون لي تقريبا 8 اشهر مادخل جوفي اي شي حالي ايسكريم او شيكولاته عموما اي حلى !!

تحياتي يا رشيقات حواء :26:

:angry2: انتي يبالش تزنيييييب يلا اوقفي وشك للحايط و ايديكي فوق يلا.
يومين يالظالمه ليش جذي و احنا قاعدين نتفلسف على البنات و نبح صوتنا و انا على بالي You will back me up خلاااااااااص انزين اه ه ه ه انا قلبي طيب سماح انتي بعد هذي المره بس هاااااااا لا تعيديها ترى احطش انتي و النيه في الحجز الانفرادي و الاكل هناك وع :09: كله سلطه و ماي بسسسسسسسسسسس و بدون صوص بعد :30: خخخخخ.

انا البارحه ما دخل يوفي الا لبن لوفات و شويه فواكه ( عنب و برتقال ), الجو عندنا تغير و حاسه ان البلاعيم وارمه الله يستر و ما اطيح بالفراش في العيد.

تعالي ابا اسألش احيانا يوم انام الجهه الي فيها البورت اليوم الثاني احس بالم فظيييع في هذيك المنطقه هل صار معك مثلي يعني شو رايك اروح و افحص لاني وااااااااايد شكاكه و اقل الم احسب له الف حساب و اظل افكر فيه.


ريم العتيبي عطيهم خليهم يتادبون :22: و الله انش قويه انا ما اقدر على كذه بس اذا اكلت اي شي حلو احاول اخذ اصغر قطعه و تكون ساده ما فيها كريمات و لا صوص او حلويات مالت الريجيم و مرضى السكري او خاصتا مع الكيك اتشارك مع احد من خواتي في نفس القطعه لاني يوم اخذ اول لقمه يكونون هم خلصوا نص القطعه خخخخ خليهن يمتنوا و انا انحف :hahaha: , و اليوم الثاني اسوي رياضه اكثر. طبعا هذا بيكون مرة و الا مرتين في الاسبوع مهب اكثر.


الله يعيننا و نصمد في العيييييييد

الله يسلمش و يجعلك من رواد حوض نبيه عليه الصلاة و السلام قالي الدكتور اني اكيييييد رح احتاج اسوي هذي العمليه لان الجلد يوم يمط و يشييييل 140 كيلو ما رح يرجع مثل ما كان حتى مع الرياضه و المساج خاصتا يوم الواحد ينزل كميه كبيره من الكيلوات بسرعه اي بعد عمليه الربط.
طبعا المساج و الرياضه تساعد وااااااااايد. العمليه حسب كمية الجلد المترهل. بالنسبه لي حاليا انا شايفه ان الكرش عندي مترهل من تحت و فوق السرة لذلك العمليه ما رح تكون هينه بالمرة فيها تخدير عام و يلسه في المستشفى لمدة يوم الى 3 ايام و جرح من الورك للورك بس طبعا جراحه تجميليه يخف لونها بعد فترة بس ما تروح مثل القيصريه. قال لي لازم البس حزام او شورت بعد العمليه مباشرتا لمدة شهر تفاديا للالتهابات و فتق الجرح طبعا طبي هم رح يعطوني اياه و هم رح يحطوه و يشيلوه لي. المشي رح يكون صعب جدا لان العمليه تكون قريبه من الافخاذ. اجازه اقل شي اسبوعين او حسب شفاء الجرح. يعني الربط كوووووووم و هذي العمليه كووووووووم ثاني و الالم طبعا رح يكون اكثر و لازم يعطوني مسكنات علشان اتحمله.
نتائجها رائعه و الواحد رح يحب مظهرة الجديد المشدود و بهذي العمليه رح انقص 10 كيلو من الجلد المترهل. قالي الدكتور و هذا انا بعدي مهب متطمنه منه ان عادي ممكن ( بعد الزواج ) احمل بعد العمليه بدون مشاكل لان الجلد ( سبحان الله ) يظل له خاصيه عجيييبه للمتدد و احتواء الجنين بس لازم اراقب نفسي زييين اذا بحمل علشان ما ازيد عن الحد المسموح.
على اي حال الله يحلها لين اوصل ال 70 يمكن لين هذيك الفتره بتكون هناك عمليات او اجهزه يديده تجنبنا كل هذا العنى.

ان شاء الله اكون افدتك


انتي شطوره الحين عجبتيني كلامك صح اذا بنصوم القضاء و شوال بتكون فرصه ذهبيه عسى الله ينفعنا بيها و ينولنا ثوابها و ننحف بعون الله بصحه و عافيه.

حبيبتي مها سواء كان ربط, بالون او حبوب كلها ادوات مساعده اهم شي هو التوكل ثم النيه ثم الاراده و بعدها التعود بدون هذي الاشياء ما لازم حتى نحلم ان اوزاننا رح تنزل.
يوم الوحده تسوي اي نوع من انواع العمليات لتنزيل الوزن لازم تحط ببالها انها تغير نمط حياتها و تترك عنها الكسل غييييييير هذا للاسف رح يكون ظياع مال و مخاطره ما لها لازمه.
التحوير صحيح ما تحتاجين تسوين ريجيم بس بعد له مخاطره لانك رح تغيرين امعائك و ما فيها رجعه غير هذا انها عمليه جديده غير معروفه اثارها الجانبيه. و لازم الي يسوي تحوير يعيش على الفيتامينات و المغذيات لان الجسم ما رح يستفاد من المواد الغذائيه الداخله فيه.
بس انتي مع المعانات الي عانيتيها ايام البالون طحت على ذهب لا تستغربين نعم لانك تعلمتي ان الريجيم هو الاساس. احسبيها بهذي الطريقه ......... اذا عطيتك مثلا شنطتي و هي ماركه خلى نقول فوغ و الا كريستيان ديور و قلت لك انها ب 2000 درهم و اني بسافر و راده بعد شهر و هذي امانه عندش كيف بتتصرفين معها. اكيييييييد رح تحافظين عليها و تتاكدي انها سليمه و نظيفه و محطوطه في مكان زيين علشان ما تخرب. نفس الشي الله سبحانه و تعالى عطانا هذا الجسم بهذا الكمال و الدقه الي محد يقدر عليها غيره عز و جل و احنا شو سوينا فيه........ اذيناه و خربناه من كثر ما نحشي فيه هذي المواد الظاره من الوان و نكهات صناعيه و كيميائيه........ هذي طريقه حفاظنا على هذي الامانه سبحان الله و رح نحاسب عليه يوم القيامه و انا تعلمت بالطريقه الصعبه و ما احب اشوف احد ينحط في مكاني عدو و الا حبيب.

آسفه عزيزتي على الاطاله و بالتوفيق ان شاء الله.

يابنات الله يخليكم ممكن توقفون حكى عن حبوب التخسيس وتركزون على عملية الربط..لانى لاحظت

ان لما وحده تسالكم اجاباتكم قصيره وبعدين تحولون على الحبوب........................................

الله يسعدكم وينحفكم انكم تعطونى اجابه شافيه تساعدنى على اتخاذ القرار ياحبيباتى...........

1- هل عملية الربط تستاهل ...يعنى تنحف اكثر
2- ماهى سلبياتها
3-هل الدكتور المفتى افضل او عاطف الرصاص اللى فى العسكرى وكيف مواعيده
4- كم تكلف العمليه وهل الفحوصات الاوليه والتضويق من ضمن التكلفه؟
ارجووووووووووووووووووكم تجزلو بالشرح ولالالالالالالالالالالا تجيبون طارى الحبوب :42: :42: