بنتي والجوال

الأفضل ما تتعود عليه يوميا ,, لأن بعدها صعب تسحبيه منها

أما اذا قالت إنتي مو مثل ام فلانة , ردي عليها : وانت مو مثل فلانة
كل شخص مختلف عن الآخر
احنا غير و هم غير

تمسكي برأيك

وحتى الجمعة والسبت , خليهم ساعة وحدة فقط باليوم

هذول أطفال , ما يعرفوا يستخدموا الجوالات بشي مفيد
أغلبه لعب او وسائل تواصل اجتماعي

خليهم يشغلوا باقي الوقت بشي مفيد ينمي مهاراتهم
ألعاب , كتب للقراءة , قصص ...


و ربي يعينك على تربيتهم و يعيننا جميعا

رفع

حبيبتي اللي بالمتوسط كبيره ! المفروض تخصصين لها ساعتين باليوم تمسك الجوال زي ماتحب ، البنات اللي بعمرها جوالاتهم معهم ودراسه ويطفشون كيف هي

واستغربت الكومنتات ! البنت بالمتوسط وبعمر مراهقه راح تبدأ بمقارنات مع اللي حولها وممكن يسبب اشياء ماتبينها خليك منصفه لاتحرمينها ولا تعطينها بزياده وانتي تقدرين تشيكين على كل شيء !

ليه تستغربي ياقلبي؟
فيه كثير عوايل مايعطو عيالهم جوالات الا بعد التخرج من الثانوي ليه هذولا ماقارنا نفسنا فيهم؟؟؟
وايش بيصير لها اذا مااخذت جوال وفلانه عندها جوال؟؟ تتعب نفسيتها او انفصام شخصيه والا تصير مو متحضره مثلاً؟؟
لو بنقعد على مقارنات البنات نجيب لهم كل شي كان ماخلينا شي بتقارن نفسها بفلانه معاها جول وتقارن نفسها بفلانه ليه تسافر واحنا لا وتقارن نفسها بعلانه ليه تطلع مولات وكفيهات لحالها وانا لا وليه فلانه تعمل عيد ميلاد وانا لا
لازم الام يكون دورها حازم وبنفس الوقت قريبه على بناتها وتفهمهم ايش الحكمه من استخدام الجوال وبيتفهموا
لو بيقعدو يقارنو نفسهم باللي في يد غيرهم ماراح نخلص غير انهم مايعرفو مصلحة نفسهم

بناتي مسؤوليتي وهذا اللي اربيهم عليه وماشفنا من ورا الجوالات بيد المراهقين والمراهقات الا البلاوي وضياع الوقت
بدل لايتعلمو شي يفيدهم والا يقومو يتحركو لا روسهم نازله في الجوال لاشغله ولاعمله اتكاليين وكسوليين