التجمع 13 لـِ أمهات " مآيو وَ يونيو 2018

صباح الخير ..
كيفكم جميعا متابعتكم بصمت من فترة لفترة أدخل التجمع وأشوف أخباركم وودي أشارك معاكم لكن بجد مرة مشغولة في دراسة الماجستير من أختبارات وابحاث وضغط ربي يعديها على خير
ولما شفت كلام دلع عن المغوص والطلوق تذكرتها وما قدرت ما أرد وأفيدكم
أنا من بعد الطفل الثالث ولله الحمد أخذ تحاميل فولتارين قوة ٥٠ اللهم لك الحمد تخفف الالم وترتاحي ولا تحسي بإي شي من هذه الطلوق والمغوص واسأل الله أن ينفع بها.. كتبتها لي دكتورة
والله يقومنا جميعا بصحة وعافية وأجنتنا .

سعوديه من قلب
الله يرزقك بتوأم ذكوور ويصلح لك ربي ماعطاك ..
ترى فيه طريقه معروفه وقديمه .. قبل الجماع تغتسلي بغسول بيتادين تخلطينه مع مويه وتغتسلين فيه وتحاولي تدخليه على جوا وباذن الله تحملي وتجبي الولد
هالطريقه من دكتوره..

ويعين الجميع

مرات اطنشها وفعلاً تنام من نفسها
بس مو كل مرة تنجح الطريقة 🤣

يا عمري يا سكرة
ذكرتيني بنفسي قبل ٦ سنوات ولدت ولدي الثاني يوم اللي كمل عمر الأول سنة بالضبط
والله يا هي ايام مدري كيف عدت بس الحمد لله لما اشوفهم الحين كيف يحبوا بعض وقلوبهم على بعض اقول الحمد لله اني جبتهم كذا صاروا كأنهم توأم..
طبعا كنت انومهم الاثنين معاي بنفس الغرفة لما صار عمر الكبير سنتين نقلت سريره على غرفة اخوانه الكبار وصار ينام معاهم..
والثاني بس كمل سنتين ومعاهم بنفس الغرفة على طوووول

حاولي مع بنتك ينتظم نومها لا تعطينها حلويات وسكريات ولا سوائل كثير قبل النوم بساعتين وهيئي لها الاجواء ولازم تخصصي لها روتين يومي يساعدها على النوم

مثلا حمام دافي وكاسة لبن قبل النوم بساعتين تخليها تبدا تسترخي وحتى لو لسه نشيطة يساعدها تهدأ

انا اعتمدت مع اولادي النوم بدري مرة يعني ما تجي الساعة ٧ الا وهم نايمين طبعا هذا الكلام من يكمل عمر الطفل سنتين قبل احسها صعبة شوية

ويصير الليل كله لي انا وابوهم نسوي لنا اجواء حلوة ونسهر شويتين وننام بعدها ومرة ارتحت بهذي الطريقة

لا وصرت انومهم وافقع انا وابوهم نخرج نتمشى ولا عاد اسواق ولا زواجات ولا اي شي المهم نكون لحالنا من غير ازعاج البزارين الله يحفظهم 😅