ودي اتطلق هل من حق زوجي ياخد ابني والبيت

ياقلبي
اسال الله العظيم رب العرش الكريم ان يفرج همك
طيب ماتقدرين تتوظفين يصير كل وقتك خارج المنزل
الين الله يفرجها

ما لقيت وظيفه وهو انسان نفسيا كل شي عنده لا وانتبهي وترا عادي هذي تتسبب بطلاقك ومدري ايش انا اللي مصبرني عليه اني داريه انه بياخد الولد بس اقسم بالله انا ما عادت تفرق معي وفكرت اروح مصر واكمل تعليمي واشتغل بس ماخد بيتركني بحالي تعرفون اذا المره اتطلقت ويش يسووون الناس واهلي من حينهم بيننا مشاكل عاد لو تطلقت خذي شماته الين تشبعين منهم ومن اللي حولك وولدي انا اموووت لو اخذه مني وفكرت اشوف احد يعلمني ايش اسوي يكون فاهم بالقانوون والله تعبت تعبت ندامه اني بيوم اخترته وحاربت الدنيا لاجله شوفوا الحين دخل نام اول ما صحيت ويعاملني كأني خدامه عنده خلاااااص صرت اكرهه ولا عاد يفرق معي بالأول كنت مجنووونه فيه وكان يقولي ابعدي عني لا تلصقين فيني ودي اغسل واذا زعل اروح اراضيه ويحجرني والله تحملت وتعبت تعبت

شوفوا هذا تعليقي ع موضوع بحكي فيه سالفتي انا وياه




انا زوجي عنده قولون عصبي ودائماً يتحجج فيه الين ما جابلي انا القولون وصرت اذا تهاوشنا اصرخ واشق ملابسي واخنق نفسي واحس اني ابي اموووت بس انا ما كنت كذا انا صرت كذا من معاملته معي اذا تهاوشنا ما اخذ معه حق ولا باطل ويجلي ثلاث اربع خمس عشر ايام يعاملني بحقاره واجي اتأسف حتي لو انا مو غلطانه بس عشان يرضي وافتك من النكد ويدخل وينام ويتركني ونتهاوش علي اقل كلمه رغم من كثرررره حبنا وحسد الناس لينا على حبنا وحياتنا بس من اقل كلمه نتهاوش ويصل الموضوع بيننا لطريق مسدود وربي انا تعبااانه مره تعرفون انا اهلي بعيدين عني وعايشه معه لحالي وما كملت تعليمي وتزوجته لأني احبه ولأني اكره اهلي وتصرفاتهم وخصوصاً امي والحين انا ما اشوف احد مالي صديقات مالي اقارب يعني اذا تزاعلنا هو يطلع عند اهله واصدقائه وانا اللي ببلش بعمري وابتل حاليه بالبيت كاني قرد مطلق هههههه يعني مثلاً اليوم انا كان عندي خمول ونمت طول النهار وطبعاً هو راح واستانس عند اهله واول ما انا صحيت هو جاء تعبان ونام وهذاني حالسه طووول الليل لحالي الين الصباح يعني من الاخر ماااالي احد لو اموت محد دري عني حتي اليوم قلت لزوجي انا ودي اسوي اي شي بحياتي اشتغل اكمل تعليمي قالي طيب معليش خلينا من هالموضوع ابيكي بموضوع اهم وبعدها تنفخ لأنه دايم اذا حس مني بالهشي يقول انك مليتي مني بس بداخله لأني يدري ان هذا شي من حقي اروح اجي


يا بناااات كل شي يحذرني منه الصالح والطالح مانعني من التوصل الاحتماعي بكااافه انواااعها حتي الالعاب اللي فيها دردشه مانعني رغم اني اقسمتله اني ماراح اختلط باحد حتي زوجات اخوه كان فيهم واحده تحبني مانعني اني اروحلها بحجه انها تتكلم علي اهله ويمكن اقلدها كل ش كل شي كلش ممنوعه واهلي اكلمهم مره واحد باليوم عشان هم ما يتواجدون الا باليل يعني كل حياااتي له وعندي ولد عمره تسع شهور احس اني انربطت هو عنده 34 سنه وانا عمري 19 يعني فرق السن اللي بيننا هو ملخبط الحياه لأن هو عااااش حياته بالطووول والعمر حب وكره وعاش مراهقته اما انا تزوجته وعمري 14 وخرجت من المدرسه يعني ما امداني يكون لي اصدقاء ما تعلمت مثل العالم ما امداني اعيش اي فتره من حياتي مثل ما ابي ادري طوووولت عليكم بس اقسم بالله انا تعبت تعبت بحس اني ما سويت شي بحياتي الا ولدي الله يحفظه انا زوجي طيب وحنون بس لما نتهاوش يكرهني حياتي ويحسسني انه عمرو ما عرف وش معني الحب والله مره تركني عند اهلي سنه ونص تعذبت واهلي وطوا علي بأوصخ جزمه وجابولي عرسان لأنه كانت ظروفه صعبه ووقفت قدام كل شي عشانه وحملت الهم قبل الاوان مليت مليت اسفه ع الاطاله بس الموضوع جاء بوقته انا مررره تعبانه وما اقدر اتطلق منه لأنه هددني انه بياخد مني الولد وبترمي بالشارع لأني ما ابي اهلي خلااااص مالي احد مالي الا الله سبحانه والله فكرت اروح احلس بمستشفي المجانين لأنه مرتين قالي انتي مريضه نفسياً وبديت اصدق 😭😭😭😭تعبااانه

الله يفرج همك .. ويصلح حالك ..
عليك بالاستغفار وكثرة الصلاة على رسول الله وبإذن الله تنفرج همومك...
وتذكري إن الدنيا تعب .. والراحة في الجنة إن شاء الله ..

امين يارب