آه يَ بنات 😔

والله تقهرين تقهرين خير تضربين بنتك وهي ماسوت شي وحتى لو سوت غلط او كسرت ليش تضربينها وش ذنبها انتي اللي بعد جايبتها ، أتمنى انك تعلمتي من هالدرس والمفروض قهرتي هذي صاحبتكم ودلعتي بنتك لان واضح ذابحتها الغيره ولا سكتي عنها وحطيتي الشمعه براسها

لا اله الا انت سبحانك اني كنت من الظالمين ، ربنا يحفظلك بنتك

يعطيكم العافية جميعاً
بنات انا اول مرة اضربها مصدومة من نفسي دايم تخرب و تكسر و اكلمها بهدوء و اقول لها انتي مو شاطرة و تقوم تصلح خرابها ترجع كل شيء مكانه و اصفق لها و اضمها و اقول لها بصوت عالي شاطرة تنبسط و مو من عادتها تقوم من حنبي او تخرب عند الناس بس امس بسم الله عليها مدري وش قلب حالها يعني نروح مطاعم و عند اهلي و اهل زوجي ما تلمس شيء و جالسة جنبي ما تتحرك الا اذا احد قال لها تعالي

الله يسامحك ..استغفري واحتوي بنتك وعوضيها والعبي معها ..انتبهي تضربين لانك انضغطتي من احد ..اجلسي مع بنتك مو لازم تساعدين ...هم عيالهم مو بالجلسه ليش ماقاموا بدالك يساعدون ؟؟؟! الله يصلحك ...انقهرت من حركة الحرمه عقلها صغير والله

استهدي بالله اول شي
ثاني شي اعتبريه درس وتعلمتي منه إذا انتي من النوع اللي تتحسس من تصرفات أطفالها فاالعزايم وماتضبط اعصابها خلاص لاتروحين بلاها أهم شي راحتي وراحة عيالي
ثالثا بنتك الآن عوضيها حنان بوس لعب كلام حلو حتى طريقة رفعة اليد سويها لعبه وتدغدينها نسيها الضربه اشبعيهها حب وحنان وتثقفي عن التعامل مع الأطفال الضرب مو حل عودي بنتك الحلوة على أسلوب الحوار مو كل شي طقتيها على يدها كذا انتي تخلقين التردد والخوف وعدم الثقة فيها علميها الصح من الخطأ بالحوار هي طفلة صحيح وأحس ماسوت غلط حتى يوم شفت الشمع عرفت ان خطر قلبي عليها يعني مبين أنها ذكية عدي هالموقف على خير ولا تخلينه يطبع في ذاكرتها عالجيه بتعويض الثناء على تصرفاتها وتعزيز سلوكها والمدح وكلمات الحب
رابعا الزفته هذي المريضة نفسيا بلاااااا أدنى شك تروح تتعالج اللي حاطه دوبها دوب طفله بس تدرين لو انا منك احقرها ولا اعكر مزاجي والجمعه واخليها تتقطع وتحترق بنارها الوقحة وانتي للأسف بردتي قلبها بس على حساب طفلتك لو أنك حاقرتها قسم بالله شريتي راحة بالك وهي ماتت بغيضها أعوذ بالله منها ومن أشكالها