مشورتكم

السلام عليكم
بختصار بشاوركم بموضوع على الطاير
قبل تقريبا سنتين احترق بيتي وتدخل ببداية الحريق شخص من جيرانا ونط من فوق سور الحوش بعد ماشاف الدخان كثيف ودخل وحنا في حاله يرثى لها والدخان حاجب الرويا بيني وبين بنتي وولدي ودخل واشرتله وانا اصارخ ودخل وطلعهم والحمدلله كلنا طلعنا الرجال من البيت وبداو الناس يتجمهرون وحط علي شماغه وودانا لبيتهم
وتنومت بنتي ثلاثة ايام
جماعتي وابوي وزوجي عزمو الرجال ورفض العزيمه وحلف عن اي شي
^^
والبارح سمعت انه يأثث شقه قريبه منا بيتزوج بعد شهرين وابغى اهديه هديه كلمت زوجي قلت بنهديه هديه قال اوكيه وافكر اجيب هديه اما نعطيه فلوس في زواجه وحيانا اقول لزوجي نفصله المطبخ
او نجيب المكيفات مثلا
انا تعرفت على امه بعد الي صار وافكر اروح واقولها
ونحلف عليهم
ايش رايكن

12 تعليق 1,802 مشاهدة

شاركي في النقاش

سجلي الدخول لإضافة تعليق.

التعليقات

11
  1. وعليكم السلام ورحمة الله وبركاته

    والحمدالله على سلامتكم

    ويجزاه الفردوس الاعلى

    ويوفقه ويسعده ويرزقه ويبارك بعمره وعمله

    والله يسعدكم انتي روحي لها وسولفي معها وباركيلها

    وقولي لها فصلت مطبخ عادبتقولك
    كل الي بخاطرها

    امكن تقولك الشقه فيه مطبخ قولي اجل ابدله بفلوس وعطيها المكتوب ربي يرزقكم من غير لاتحتسبون
  2. @myooosh_4

    الله يجزاه خير يارب على وقفته وشهامته
    إذا تبين الرأي الأفضل فلوس لسبب الأذواق تختلف والفلوس يكون بحاجتها أكثر
  3. ماشاءالله تبارك الله
    والله انه رجال في وقت كثروا فيه اشباه الرجال
    الله يسعده في زواجه ويتمم عليه بالخير

    الفلوس مستحيل راح يرضي
    دامه رفض العزيمه كيف بالفلوس!!!

    بس فكرة المكيفات حلوه
    او الاجهزه الكهربائيه بشكل عام

تابعي تجارب أخرى من هذا القسم.