مصدومة ومجروحه ولاعارفه شسوي

قلت لأهلي عن كل شي لان ابوي انصدم من رسالته واصلا لازم يدرون بعد كل اللي صار

الله يهونها عليك يااارب

ابوي قال ماراح اخليها بصبر يومين واكلم ابوه انا عشان الموضوع مايصير فيه لبس وعشان يعرفون ليش طلقك وان العيبه منه
ابوي كان وده يكلم ابوه من اول ماطلق لكن قال ابي تهدا اعصابي ماودي اتطاول على ابوه وهو ماله ذنب وابوي عصبي شوي

زوجك يهتم لسمعته كثير وهالشي خلاه يقرر هالقرار الصعب ويضحي فيكم علشانه ..زوجك خاف يتدخلون اهلك ويكلمونه بالسالفه او عنده خوف من تدخل او معرفة ابوه او اهله ..في رجال مايحبون تنهز صورتهم او احد ياخذ عنهم موقف او يهزائهم او يشوفون نظرات احتقار من اهل زوجته او اهله ..انتي اعرف بزوجك واعرف بالرساله الي ارسلتيها كيف كلمتيه بنبره فراق او بنبره تهديد وان فضيحته بيدك ..استعيني بالله زوجك راح ينهار ويحس بخطاه ..نصيحه ابعدي عن التفتيش ماوراه الا الهم ..تظل علاقات الرجل استكشافيه مع الفتن مو مبرر له طبعا بس لو وازنا بين الضرر من انك تغضي الطرف او تكتشفيه طبعا غض الطرف عن التفتيش والهم اريح ﻻ تهدمي بيتك بهاالطريقه ..الله نهى عن التجسس ﻻنه ممكن يبدا لك اشياء تسوئك منه ..استهدي بالله زوجك راح يحس بخطأه وراح يرجع ..الله يالف بين قلوبكم وﻻحول وﻻ قوة الا بالله ..

والله ماني عارفه كيف اصبرك واهدي عليك ومابيدي الا الدعاااء لك عسى الله يفرج همك
لاا تزعلين نفسك الرجال اللي كذا ماااعليه حسساافه
وانتي موقفك موقف قوه مو موقف ضعف انتي الصح وهو الغلط راكبه من راسه لساسه
حسبي الله بس مدري ايش اقول لكن والله حسيت فيك ومن كلامك جاتني الغصه
اسأل الله يكون بعونك ويقويك ويريح بالك ويسعد قلبك ويزيل همك وينصرك على من ظلمك
اكثري من الاستغفار والدعاء وقولي حسبي الله ونعم الوكيل
وكلي امرك لله وحده من يستطيع تفريج همك وحل امورك كلها
ما ادري ايش اقول لك اكثر لكن كلنا هنا اخواتك اذا حبيتي تفضفضي وتطلعي اللي بخاطرك كلنا جنبك وندعيلك ونقويك 💜