زواج زوجي 😊

اختي انا من جد خايفه اغتر بثقتي او تخوني هالثقه
15سنه فيها مالله به عليم من الخذلان و الكسر
الكل يقولي اصبري بيتغير و بيفك عنك كل ماكبر
بس الصبر مر على صاحبه
معقول اعيش ب آلم و عمر يضيع و مشاعر واعصاب تستنزف مقابل انه مايتزوج ويحل عني ؟
حاولات انفصل عنه كثير بس والدي رفض
قلت له بوجهه انا اكرهكك بس هو راضي يعيش معي وهو متاكد اني اكرهه
تصرفاته وصلتني لهالشي
عايشه ع امل جواي اني اصير ارمله
او انه لو ابوي بعد طولت العمر توفى
اول قرار باخذه اترك هالانسان

احس مااحد فاهمني
او انكم انتم الي فاهمين مو انا ؟
فيه تردد وشتات كبير عندي مو عارفه كيف افسره ؟

احس وجود ولدي الكبير وبنتي معي بيكون نقطة دعم قويه لي لو ضعفت ؟
اتصبر فيهم
اعطيت كثير وخلص ما بقى عندي شي اعطيه له
معقول لو دورت ع راحتي اكون بكذا اخرب بيتي ؟
معقول اني لو جلست ببيتي اضحك مع اولادي و اتنفس بدون خوف و توتر وقلق من المشاكل والتدقيق
بيكون شعور الغيره اقوي منه !
طيب ليش اغار وانا ارتحت
تناقض مخيف

شوفي ياختي صحيح ان بعض الرجال فرقاهم عيد ..لكن ياختي انتي ما تضمنين شيصير لو تزوج ..اوكي انتي تقولين مو راح اغير ولا شي بس ما تضمنين زوجته اللي بياخذها انها اهي اللي تغار منج وتقلب حياتج جحيم وتشيش زوجج عليج .. وتزيد بينكم المشاكل ويصير ما استفدتي شي من الموضوع كله .
واهم شي فكري من ناحية الصرف والسكن هذا كله راح يقل عليج لان فيه بيت ثاني يطالب بالعدل .
وبعد اللي يذبح اكثر لما تشوفين زوجج اللي كان مأذيج وغاثج شخصية ثانية مع الزوجة الثانية دلع وصرف وسفر ..لاني أؤمن ان تعامل الرجل يختلف من زوجة لزوجة حسب شخصيتها وتعاملها معاه
فكري عدل

قبل سنه تقريباً كتبت العضوه روان العثيم موضوع بنفس محتوى موضوعك
طفشت من زوجها و فكرت تزوجه
راسليها وشوفي اذا زوجته فعلاً او لا واستفيدي من تجربتها اذا سوتها.