شاركي في النقاش

سجلي الدخول لإضافة تعليق.

التعليقات

244
  1. @rhab_alsbr

    لحكايتي بقيه
    احس مااحد فاهمني او انكم انتم الي فاهمين مو انا ؟ فيه تردد وشتات كبير عندي مو عارفه كيف افسره ؟
    اختي صدقيني حتى لو زوجك غثيث
    والله بزواجة بتغثين عمرك زياده
    وبتزيدين هلى همك هم
    وعلى قهرك قهر
    لا تخاطرين بعمرك وتقدمين على ها الخطوه
    اذا مره كارهته خليه زي الظل في البيت وماعليك منه
    كنه مهوب موجود
    مو لازم يتزوج علشان تلتفتين لنفسك وعيالك
    التفتي لنفسك وعيالك بدون زواجة ولا عليك منه
    والله انصحك من قلب وكنك اختي
    ترا والله زواجه هم وغثا عليك
  2. السلام عليكم تعوذي من الشيطان واذكري الله ترى ياما في البيوت مشاكل ومافي احد حياته كامله تذكري نعم الله عليك وانسي المساوء مافي احد كامل وبعدين حاولي تصارحينه تعلمينه بكل اللي بقلبك وكل اللي يتعبك من ناحيته واذا ماقدرتي تواجهينه اكتيها في رساله وتذكري يمكن حياتك احسن من غيرك حاولي تعيشين لنفسك شوي لاتكرسين نفسك طول اليوم له ولا تخلينه هو كل تفكيرك حاولي حتى لو كنتي بالبيت ترفهيني عن نفسك مثلا حاولي تخصصين ساعه في اليوم اقري فيها قران .. افتحي النت واستمتعي بالمحاضرات اللي بالنت وارجع واقول تذكري نعم الله عليك وابعدي عن الهموم ولا تهدمين بيت تعبتي فيه ولعل الله يحدث بعد ذلك امرا
  3. @asrarrrrr

    فهمتك
    نفس صديقتي خانقها بقوة وكارهته بكل احاسيسها وتتصبر عشان عيالها بس هي دايما تترك البيت وتروح لاهلها فترة ويرجعونها ونصحتها تتخذ قرار ياتتطلق وتعيش حياتها ياتعيش معه وتتكيف وتصبر
    انتي ماعندك مشاعر ناحيته فماراح تبكين بزواجه ولابيهمك دلعه للثانيه ولاسفرياته لها لانك بتتخلصين من حمل ثقيل يحل عن حياتك
    فاهمتك لاني سمعت صوتها باذني ومسحت دموعها بايدي ودعيت لها بصلاتي
    استخيري ياقلبي اولا
    وادعي ربك ادعيه يشرح صدرك بماشاء
    وماانصحك بهالخطوة مو لانك بتغارين او تبكين لا اخاف ينقلب عليكم وحش
    اعرف بعضهم يتزوج يكرة زوجته وعياله ويكرهم بحياتهم ويجي ينكد عليهم ويروح
    حاولي تتجنبيه بالبيت واشغلي نفسك عنه واكثري استغفار ودايما رددي اللهم اكفنيه بما شئت
  4. @alaabyr_altayfy

    انا على يقين انو مافي حب بينكم او على الاقل من طرفك ...
    هو يحبك لكن انتي لا مجرد تحصيل حاصل بنظرك
    لكن كوني على يقين ان الغيره نار حارقه لو كنتي ماتحبيه
    ممكن تزوجيه وحده وتحبه ويحس الفرق بينكم وبتغير عليك بكل شي
    انتي تقولي اهم شي مايقصر معك ومع اولاده طبيعي اذا حس الفرق يعطي كل وحده على قدر اهتمامها
    الرجل بطبعه يحب الاهتمام زي الطفل تمام ...يعني لما تجيبي لطفلك داده تاكله وتلبسه وتنومه ماراح يفقدك وزياده بيتعلق فيها ويصرف اهتمامه لها
    الرجل زي الطفل
    مادام مابراسه زواج لاتدخلي الفكره براسه الا اذا انتي بالعربي بايعه وماتفرق معك
  5. صاحبة الموضوع
    تدلل ياقمر
    ماتنلامين والله يابعض الرجال انهم موت بطيء للحرمه وانهم قتل للطموح والسعاده وكل شي جميل في هذه الحياه لذا اذا انت ماتفرق معك انه اذا تزوج انه بيبدا حياه جميله مع الثانيه ويعطيها كل شي جميل حرمه منك صدقيني هم احيانا يتغيرون غصب عنهم عشان يث…
    والله ماتفرق
    بس متردده
    مو ضامنه نفسي !
    اخاف شعوري كاانثى بالغيره اني اغار !
    داخلي صراع من الافكار !
    كيف اغار وانا ارتاح لو يغيب ساعه عني
    كيف اغار وانا ادعي الله يفكني منه !
    خايفه اشوفه عن جد تغير مع الثانيه
    واقول لنفسي ليش صبرتي
    ليش طولتي بالصبر
    ليش مااختصرتي على نفسك سنين من الالم والخذلان !
    دام هو قادر يعطي شي جميل لها ليش مااعطاني مثله !
    خايفه اشوفه سعيد ! يمكن مو غيره انه سعيد مع غيري حقد على رصيد من المواقف الاليمه والقهر !

تابعي تجارب أخرى من هذا القسم.