صدمتين بوقت واحد اعتراف خوات زوجي واللي شفته بجواله 💔

هذي مو نصيحة محب خذيها ببالك .. هذا اوﻻ ثانيا حافظي على بيتك مافي بيت بدون مشاكل تماسكي وفكري كيف بتحلين مشكلتك ..اذا خواتك زوجك مره ثانيه تكلمو معك اقطعي معهم هالسالفه قولي انا بحلها معه وهالشي بينا وراح نحل مشاكلنا الخاصه لحالنا ..انتبهي تدخلين خوات زوجك بحياتك واضح البنات مراهقات .. الله يفرج همك ..

خواته تصرفهم غلط بغلط صراحة واضح مراهقات ولا عندهم حسن تصرف
وبالنسبة لزوجج اقولج ان اغلب شبابنا الله يهديهم مبتلين بالسوالف هذي قبل الزواج .. الرفاهية والفراغ وعدم تحمل المسؤولية خلتهم يمشون بهالطريج . لو الوحدة تبي واحد ما عنده علاقات وخرابيط جان كل البنات ببيوت اهاليهم ماحد تزوج .
اهم شي بعد الزواج يبيله فترة على ما يطلع من هالجو ويدخل في جو الزواج والمسؤولية .
اهم شي ان ماتكون سوالف كبيرة توصل للزنا والعياذ بالله او المخدرات وغيره هذي ما ينسكت عليها .
عسى الله يهديه ويسخره لج ومايشوف غيرج يارب العالمين

ماهن مراهقات وحده عمرها 26 ووحده 28
زوجي شخص غريب بشكل ماحد يتخيله يجي يقولي امي تغار منك ومصدوم من ردت فعلي اني اقوله وش تغار عليه انت طول وقتك نايم او برى
شخص غريب مدري وش عنده اول زواجنا قالي امي وابوي واهلي خط احمر ومستحيل اتغير عليهم تخيلوا هذا باول اسبوع اقسم باللي خلقني وخلقكم ربي يشهد على كل حرف تكتبه عشان تعرفون وشلون غرابته قلت اصلا انا اعرف حدودي واللي بيتغير عشان زوجته ذا مافيه خير
انا عارفه انه من نوع اللي يبيني اغار وكذا ويستفزني
قالي تصدقين اني احسك واحد من اخوياي انهبلت من رده طبعا عصبت عليه
اليوم الثاني يقول تصدقين ماعرفت السعاده الا بعدك انتي طيبه ويشهدون لك اهلي ماهو صاحي شخص غريب جداً انا الاي مستغربه من الاعتراف حق خواته مصدومه

اولاً لاتسمحين لأحد يدخل حياتك الخاصه
ثانياً انتبهي تفتشين جوال زوجك ياما سويتها جابتلي مشاكل ووجع راس ولا تنحل المشكله كذا
ثالثاً حاولي تغنيين زوجك عن مجموعه البنات الي بجواله سواء بالفراش وغيره وكوني نمبر1 بحياته
رابعاً لاتواجهينه وادعيله واحكي له قصص كسوالف عاديه مثل سالفته وابتكري نهايه مؤلمه من بنات افكارك 😂✌
خامساً اعرفي ان او 5سنوات من الزواج هيه الاخطر كون الزوجين مايعرفوا اسلوب الحياه الزوجيه او يفهموا بعض
اتنمنى لكي التوفيق والصلاح في حياتك

لا لا بالعكس مرره عسل بس انا دايما اسمع ان مرت الاخو يكرهونها هذولي لا مره معاي ويقولون كل شي قدامي حتى يمدحون لبسي وشكلي قدام اخوهم هذا باول الزواج يحرجوني مرره واستغرب صراحه الى يوم اعترفوا لي الشهاده لله ماشفت ولا موقف ضدي
يعني مره رافعيني فوق
موقف بعد صار مع اخته اكبر وحده عندها بنت بالمتوسط قالت لي وش دخلك ورفعت صوتها بقوه لانها ضربت اختها كف يعني وانا قلت عيب عليك ليش سويتي كذا ؟من باب انقهرت جت امها اللي هي اخت زوجي اجبرتها تعتذر مني يعني جد انا تغيرت نظرتي عن خوات الزوج بس دايما الاشياء الجميله ماتكتمل اكتب لكم ودمعتي على خدي يارب فرجك
اي صح معليش اعذروني كلامي وراء بعضه تذكرت قبل شهرين توفى ابوه وشفت باشعارات الواتس اب مكتوب عظم الله اجركم حبيب قلبي وكنت محسنه النيه انه صديقه تخيلوا يوم اعترفوا لي خواته رحت افتش وبحثت بالواتس حقه بنفس الكلمه اللي شفتها قبل شهرين عشان على طول اعرف من مرسلها لقيتها بنت ومحادثات بينهم بس كنت متوتره ماقريت كل شي