صدمتين بوقت واحد اعتراف خوات زوجي واللي شفته بجواله 💔

الله يفرج همك

الله يرضى عليكم يارب على توجيهاتكم ونصايحكم انا والله ماني مرتاحه له بعد كلام خواته خصوصا اني تاكدت بنفسي وشفت محادثات قديمه قبل زواجنا ولسا مستمره العلاقات وغير هذا المخدرات اللي يستخدمتها صحيح ماشفت الكلمه صريحه بس واضحه من تصرفاته ونومه والله يابنات اقسم بالله ماكذب اني اشوفه يناظر جواله دايما ويبتسم ويضحك وانا محسنه النيه اقول شكله يسولف مع قروب اهله لان احيانا يوريني مقاطع مضحكه بقروب اهله انا منقهره على غبائي كل هالفتره
احيانا يشطح بدون موقف يقول انتي غير عن الحريم قلت وانت وش عرفكم فيهم ؟ قال اعرف بنات عمي وبنات خالتي وحنا صغار قلت بس طيب يتغيرون الناس اذ كبروا وسكت
كثير مواقف واضحه وضوح الشمس بس كنت مغيبه مدري وين عقلي مافكرت بكلامه وحللته الله يعين على هالدنيا وبلاويها

ياعمري الله يصبرك ويعينك ويكتب لك اللي فيه الخير ان شاءالله ..

بغض النظر عن ردك وطريقت كلامك لي
احب اقولك نعم فيه رجال يخافون الله ولكن اللي مايخافون الله كثيرر التقصير والبعد عن الله اصبح منتشر بشكل كبير والدليل شوفي كم في شاب يصلي الصلاه بالمسجد وكم في شاب نائم عن صلاه الفجر!!
وقتها راح تعرفين ان الكثير منهم ينسون رقابه الله لهم
حتى لو مهندس او دكتور انتي عبالك اللي منصب وعنده فلووس وله مكانه بالمجتمع معناها ماخان ولا يخون طول عمره !
تفكيرك محدود جدا في ناس مناصب اعلى من اللي ذكرتي وخانو زوجاتهم بعضهم ربي ستر وبعضهم انفضحو
وانا ما اقول خيانه يعني زنا ممكن مكالمه او رسائل او مواعده وغيرها
...
والله ثم والله لو ان كل زوجه خانها زوجها او غازل غيرها تطلقت لرأينا الاغلب في بيوت اهاليهم بدون ازواج هذا الواقع اتركي عنك كلام المثاليات اقسم بالله لو كل زوج كشف الله سره قبل او بعد الزواج مارأينا اي بنت تزوجت الا القليل

وشي اخير احب اذكره 🙂انا ضد التضحيه والصبر طول العمر على زوج خائن ولكن اذا كشفت الزوجه زوجها اول مره تحاول اصلاحه وتأخذ بيده للخير اذا كانت ترى ان فيه خير مثل زووجي
اي نعم غلط وارتكب كبيره ولكن باب التووبه مفتوح الحمدلله تاب واصلح الله حاله كثير
لو اطلب اي شي مايرد لي طلب فيه الخير الكثير ليش اتركه وانا بيدي اخذه للطريق الصح !
تقبلي ودي واحترامي وسامحك الله على اسلوبك وكلامك مازادني الا حب ودعاء لزوجي بالهدايه

شوفي اذا مخدرااات انفذي بجلدك ، المدمنين صعب علاجهم ..

وبعد فتره بيصرله مشاكل في الفهم والاستيعاب ويبدا شك وضرب وكلها مسألة وقت ..

الا المخدرات يابنتي بتعيشين في حجيم واطفالك رح يتعبون ..

الله يعوض عليك يارب ويفرج همك ..