زوجي يشك فيني وطلقني ..... ارائكم الحكيمة

قرارك صح أبدا لاترجعي لو شو يصير هاذا أصلن ينخاف منه كيف تأمني ع نفسك وعيالك معاه.فكه منه

عيالك امانه برقبتك انتبهي لهم ولاتخلينهم عند هالرجااااال لايسوي فيهم شي
اهم شي تكفين لاتتركينهم له وادعي ربك واستغفري والله اكرم الاكرمين

لولا لطف الله ثما تدخل اهله...كاذا الصواب حبيبتي ..الله يسعدك ..كلنا نغلط بس حبيت انبه

كل شي ذكرتيه من سلبيات في حياتك الزوجيه سببه الاول تعاطي زوجك المخدرات والحشيش

وللاسف واضح حسب وصفك انه له مده يتعاطى بالسر لانه وصل مرحلة الشك وانه يتوهم الخيانه ومع الوقت راح تزيد حالته وممكن يتسبب لكم بالاذى او القتل .
والاوقات اللي تشوفينه فجأه معصب ويضرب ومنفس هذي اعراض انسحابيه لان جسمه محتاج يتعاطى عشان يهدأ يعني المخدرات هي اللي تمشيه وتتحكم فيه وبمزاجه وتصرفاته .

وحده متزوجه مثلك زوجها متعاطي وصبرت سنوات الى ان جاء اليوم اللي يتهمها بشرفها ومع مين ؟ مع اخوه اللي من لحمه ودمه خلاص مخه انعدم من المخدرات ووصلت بينهم انه رفع على اخوه السلاح من شدة ماهو مصدق الشكوك اللي في راسه ، واخر الصبر الزوجه هجت لبيت اهلها وتطلقت لان راعي المخدرات اذا ماتاب توبه نصوح من البدايه يدمر حياته وصعب التعامل معاه .
انتي في جميع الحالات وضعك صعب لان معك اطفال وحامل واهلك مثل اغلب الاهالي نظامهم اصبري واستغفري ومن الكلام المكرر ما عاشو اللي عشتيه من ضرب وسوء عشره وشكوك ويمكن مايدرون انك عايشه مع رجال يتعاطى

نصيحتي لك استخيري واطلبي الله ان ييسر لك الخير والصواب وان يصد ويمنع عنك اللي فيه شر لك ولعيالك وبإذن الله ربي يلهمك الصواب ويعينك عليه ويسخر لك اهلك ويحفظ لك عيالك .
وصارحي الشخص اللي تثقين فيه وبرزانته وحكمته وعقله من اهلك بخصوص ان زوجك يتعاطى وانك متضرره وخايفه على نفسك وعلى اطفالك وخذي منه الشور والرأي السديد اللي يعينك .



اسأل الله العظيم ان يشرح صدرك وييسر امرك وان يسخر لك ملائكة السماوات وجنود الارض وان يسخر لك خيرة خلقه وان يكفيك شر من به الشر والاذى .

ضربك
شكاك
خمير
محشش
وتبغين ترجعين له 😰؟؟؟؟؟
قولي حمدلله افتكيتي منه
ع طووول جيبي صك حضانه وصك ولايه
بيحلوون دمه وبيطلع كل بلاويه
والقاضي فوررا يسقط الحضانه عنه ويخليها لك