كيف التعامل معهم؟

السلام عليكم بسألكم.... هل الدنيـا تغيرت او الناس اللي تغيرو او اني توني اقوم من غفوتي واستغنوا او هو تكبُر او بس المصالح اللي تربطهم انا اليوم حاولت ازور ناس قريبين مني وبنفس الحي المهم اتصلت عليهم وقلت بزوركم قالو مشغولين طيب صح يمكن ماهم فاضين هذي مهي اول مره يصرفوني فيها واذا تفضلو واستقبلوني بيوم سرعان ماحس بالهون منهم ومن تصرفاتهم معي وارجع البيت وانا خاطري متضايق منهم ومن تصرفاتهم معي واستحقر نفسي واقول خلاص مني رايحة لهم مره ثانية، اول شيء بجلستهم معي على القهوة فيها استفزاز بكلامهم وتجريح بالكلام او تدخل الام وبناتها المطبخ ومااسمع الا ضحكاتهم كأني ماني موجودة او ماعندي احساس واذكر مره وانا جالسة مع امهم مسكت الجوال وراحت تتكلم مع صديقتها وتستفزني بالكلام قلت اطلع احسن لي اطلع دام مالي اي اعتبار والله اني وقفت عند الباب واقول مع السلامة مرتين وانا اردد نفس العبارة وهي كأنها ماتسمعني رجعت البيت وانا اقول توبه ماعاد اروح لهم واصغر نفسي.. وانا اذا زاروني ارحب فيهم واستقبل واقوم بواجبهم وافرح لجيتهم انا مدري هم مستغلين ضعفي مني فاهمه ليش يسوون معي كذا او انا ماأفهم وغبية..
الشيء الثاني من اختي اللي هي أقرب الناس لي اذا اجتمعت مع بناتها تهمل الاتصال ولاتفكر تقول لي تعالي عالقهوه معي انا وبناتي وتاخذ بخاطري وهي تشوف ان مالي احد بالدنيا غيرها بعد وفاة امنا الله يرحمها انتم ايش رايكم هل انا فاهمه الدنيا غلط او ان الطيب ماله قيمة وان القوي هو اللي يعيش هل اعاملهم بنفس الأسلوب واتركهم بحالهم وانا بحالي ايش اسوي الدنيا صارت تخوف وكلها مصالح اكتب لكم وانا بحزن وحسبي الله ونعم الوكيل قولو لي ايش اسوي او انصحوني....

6 تعليق 1,207 مشاهدة

شاركي في النقاش

سجلي الدخول لإضافة تعليق.

التعليقات

5
  1. @nsam_oyamns

    ياقلبي ما بين الخوات استأذن وعزايم متى ما حبيتي روحي لها تجمعت هي وبناتها روحي عندهم ومرات خليهم يجو عندك لاتسوو بينكم حواجز وحساسيه اما الأقارب لا عاد تروحي الا في المناسبات عشان ما تكوني قاطعه رحم
  2. @hdoaa_bard

    لاتزعلي ي عمري والله الناس كثير تغيروا صارت اخلاقهم ضيقه ومحد يستحمل احد حتى لو ساعة سواء اصدقاء او حتى خوات لاتتضايقي خلاص انسي ولاتتواصلي معهم مو شرط تروحي لهم شخص مااخترم وجودك مايستاهل انك تهتمي له بزياره او اتصال حتى وبالنسبه لاختك خفي عنها شوي يمكن تمر بضغوطات يعني مو شرط كل يوم معك او لازم تزورون بعض نصيحه ادخلي تحفيظ قرآن انت وبناتك او اشغلي نفسك بشي وطوري نفسك لان الناس تغيروا ماصاروا مثل اول
  3. @ghrob_althkr

    بدون زعل ياقلبي انتي مافهمتيها وحبو يفهمونك بطريقتهم
    مو لازم تروحين لهم اذا يضايقونك وش مجبرك عليهم؟ احس وقت الزيارات والعزايم الحين صار ثقيل لان محد فاضي وبالحقيقه اصلا مافي شغل بس نفسيت محد له خلق لاحد
    عزي نفسك واجلسي ببيتك واذا هم جو عندك ف من حسن ضيافتك وتربيتك تستقبلينهم بس بامكانك معاملتهم بالمثل عشان ماتتحسفين
    واختك حبيبتي مو مجبوره تناديك كل ماجو بناتها انا اذا رحت لامي مابي احد يجينا عندها الا بوقت حنا نتفق نعزم

    لاتسيرون حساسين الدنيا اسهل من كذا بكثير
  4. @fd_9

    غروب الذكرى
    بدون زعل ياقلبي انتي مافهمتيها وحبو يفهمونك بطريقتهم مو لازم تروحين لهم اذا يضايقونك وش مجبرك عليهم؟ احس وقت الزيارات والعزايم الحين صار ثقيل لان محد فاضي وبالحقيقه اصلا مافي شغل بس نفسيت محد له خلق لاحد عزي نفسك واجلسي ببيتك واذا هم جو عن…
    👍🏻

تابعي تجارب أخرى من هذا القسم.