تجمع مطبقات برنامج اندلسيه دودي لعلاج التوحد

اسفه حبيبتي تاخرت في الرد
بس التجمع صار له فتره ماحد يشارك فيه ف صرت ما ادخل كثير
بس تذكرتك ودخلت
بالنسبه للاكل ركزي على تمارين الشم والذوق في المرحله الاولى
ماشاء الله تبااااارك الله مفعولها قوي
لانها تبرمج الهضم وحاسة الذوق والشم من جديد وتنفتح شهية الطفل

بنتي كانت تحب اصناف معينه فقط
تحب البطاطس والرز الابيض
والحين اللهم لك الحمد كما ينبغي لجلال وجهك وعظيم سلطانك
تاكل زيها زي الاطفال الطبيعيين
اصناف كثير ومتنوعه اللهم بارك

اهه اوكيي بس شو لازم اعطيها ثشم وتتذوق مثلا وكيف صارت تاكل اصناف اخرى تعمقيلي فب الشرخ الله يخليكي. وكنت عايزة منك تشرحيلي برنامج صن رايز لانه فادك فب اختفاء السلوك التكراري

سن رايز انا جربته قبل لا اعرف ببرنامج اندلسيه
وهو سهل جدا ومفيد جدا ايضا من بعد الله سبحانه
فكرته انك تتقبلين طفلك وما تحاولين تغيرين فيه اي شي
بالعكس تصيرين انتي نسخه من طفلك
تجلسون في غرفه بسيطه خاليه من المشتتات يعني اي شي يلفت انتباه الطفل
بس حطي فيها كم لعبه بسيطه
وحطي فيه مرايه يشوفها الطفل
لان المرايه تساعدهم على التواصل

وكل يوم ادخلوا الغرفه هذي على فترات واقضوا فيها اوقات
تقلدين فيها كل تصرفات طفلك وتفرحين اذا تواصل معك وتصفقين له وتحتفلين وتشجعينه

شكرا حبيبتي وما تغيبيبي افيديناا الله يخليك عن تجاربك بالمرحلة ١

بالنسبه للتذوق والشم
التذوق اربع مرات في اليوم
في كل مره ذوق واحد
لمدة دقيقتين
مره مالح( قليييييل ملح او اذا يحب شيبس الخل الملح شوي خطي وسوي تعابير بوجهك تبين انه الطعم مالح وقولي يوووه مالح او اي شي اهم شي عبري عن الطعم حتى لو ما يفهم )

مره حلو ( مثل العسل وقول اممممم حلووووو)

مره مر ( مثل القهوه او الشوكولاته السودا )

مره حامض ( مثل الليمون )
وهكذا اهم شي وقت الذوق التعبير ملامح الوجه

كل ذوق مره واحد ف اليوم
مره صباح مره ظهر مره عصر مره ليل
ولا تعطينه اكثر من طعم في نفس الوقت هذا غلط

والشم نفس الشي
كل مره يشم شي اربع مرات ف اليوم
بعد ما يذوق عطيه شي يشمه
مثلا نعناع ورد بصل بهارات
اهم شي روايح مختلفه