حلى للقهوة.

الحلى يبغى له تعب بس النتيجه👌👌👌 ويطلع لك كمية ثلجيها بالفريزر :
كاس حليب بودرة محموس ...
كاس سميد خشن محموس...
كاس جوز هند محموس ...
باكيت بسكويت شاي مطحون او 5 باكيت بسكويت اوريو مطحون..
كيس شعيرية باكستانية كسريها ناااااعم واحمسيها بربع زبده...
اجمعي كل المقادير مع بعض وحطي معاه علبة قشطة وملعقة طعام مو مليانه عادي شوكولاته بودرة وعلبة نستلة ..
واعجنيهم لما تصير عندك عجينه تقدري تعمليها كور ..
واذا ماضبط زيدي قشطه او نستله ..
لما تضبط ..بعدين كوريهم الحجم اللي تحبي ...
اذا تبغي شكلهم حلو غمسيهم بنستله وقلبيهم بجوز هند محموس(المحموس طعمه لذييييذ) او اذا حابه جوز هند عادي ...
او بسكوت مطحون او شوكولاته بودرة اللي انتي حابه ..
واذا حابه تحشيه شوكولاته مالتيزر ..
واذا الكميه كبيره قسمي بالعلب وغلفيه زيييين علشان مايتغير طعمه وبالعافيه ...

حلى سهل ولذيذ وطعمه مثل السينبون كل ما اخذه معاي لأحد الكل يسأل:
صينية المتحركه حجم كبير ..او صينية قزاز مربعه ..
تصفي فيه كروسان شوكولاته ميني تخليهم واقفات ..
تجيبي علبة نستلة كبيره وتخلطي معاها ملعقتين كبيره قرفه وملعقة كبيره شوكولاته بودرة وتصبينهم على الكروسان ووزعيه بالتساوي لما يغطيها كامله ...
دخليه الفرن من فوق ..لاتطولي وانتي واقفه عنده بس تشوفي لون الخلطه صار فاتح ..
بالخلاط علبة نستلة كبيره و8 حبات جبن كيري..تصبينه على الكروسان وتدخليه الفرن مره ثانيه لما تمسك الطبقة البيضاء ..
تزينيه بخطوط الهرشي وبالثلاجه ...
لما يبرد..
تفتحي الصينية ويكون تحتها صحن علشان لو كانت الخلطه سايله ...
وبالعافيه عليك ...

شكرالك الله يسعدك يارب

شكرا لك

احب اي شي فيه قرفه كويس اني دخلت الموضوع بجربها ان شاء الله

بس كيف احطها يعني مو مسدوحة اخليها طول قصدك ؟؟!