كيف أنقذ اخوي..ليل نهار افكر فيه

وعليكم السلام ورحمة الله.الله يهديه ويرده ردا جميلا.اخوي كان قريب من صفات اخوك الله يهدي الجميع يارب وتعب أبوي الله يرحمه وامي وانا اكثر وحده كنت تعبانه على حاله والله ابكي وادعي له ولا شفته ع حاله قلبي يتقطع عليه لأن والله عندي احسن اخواني كلهم يخدم الكل ويحب الخير.لكن صحبة السوء غيرته وقامت امي اشتكته الشرطه بقضية عقوق وانسجن كم شهر وتعدل وطلعته وكم شهر ورجع لنفس الحاله حتى تمر علينا ايام وتصل للشهر وماندري وينه.وبعدين اشتكته مره ثانيه وانسجن وجلس ثلاث سنوات في السجن وكانت امي مرره قاسيه في الفتره ذيك ماتبقى تسمع سيرته وهو تعب في السجن وتبهذل وكنت اتواصل معاه وازوره.تعدل وحفظ اجزاء من القران أنضم لحلقه تحفيظ في السجن حافظ على صلاته سبحان حتى وجه تغير نور وكان يبكي جيبيلي امي اشتقت لها خليها تكلمني وتسامحني عرفت غلطي وخلاص اناتبت لربي وربي شاهد علي توبتي..حاولت في امي نعفي وتتنازل لكنها مرره مصممه إن يجلس مكانه والحمد لله بالدعاء طلعته وعلى طول طلب الزواج وزوجناه الحمد لله والشكر تغير وصار ماضي له مايبقى يجيب سيرته وعنده ولد ربي يحفظه له...

الله يرحم امك ويغفرلها ويعفو عنها والله لايضيع عليك تعب... هذي أقدار الله لو ايش مكتوب لازم ترضين فيه بس ماتوقفين محاولة! اسجدي لله الحين واطلبيه عونه ورحمته وعفوه اساليه اذا سعيك في محله او لا اسأليه توفيقه واستخيري وأبدي البحث وانتبهي يشغل الموضوع بالك ويهمك عادي مهمة بحث عادية اعرفي وينه ،، روحي لمكانه كلميه قولي ما ابي منك شيء بس بقول لك كلمتين ، كلمتين بس وبعدها عِش حياتك مثل ماتبي وخلي نفسك تتكلم تكلمي عنك وعنه وعن اهلك وعن الحياة وكيف إنكم عائله غصب عن الي مايرضى حتى لو فيه قصور من جهة الاخوان مايبرر تغير اخوك وخروجه من البيت قوليه اذا انت مستغني احنا مومستغنين قوليله ان العائلة تتقبل أفرادها بسيئاتهم وحسناتهم ، والله يأختي الكلام أعمق من كذا بس خلي نفسك تنفك وبعدها قولي له اذا ربي رايد لك خير صدقني بترجع لنا واذا غير كذا فأنا ماراح امل من الدعاء ...

الله يهديه و يصلحه
ادعي له بالهداية مالك الا الدعاء .

ياعمري عليك اسال الله العظيم يرده اليكم رداً جميلا والله ذكرتيني بعمي اخوي ابوي الله يرحمه عمي هذا كان عايش عندنا ف بيت ابوي مع جدتي اللي هي امه وام ابوي وطبعاً له اخوان عماني كثار هو عمره الحين ٣٠ سنه توظف عسكري بعذ ماتوفى ابوي وتعرف له على ناس خوال من السمر وضرب صحبة معاهم هو وولد عمي لانه بنفس الوظيفه صرنا مانشوفه اخذ له شقة ب اسم واحد من السمر هذولا الله يوفقه لعب فيه لعب كان ياخذ راتبه وقروض وديون وبطاقات وبلاوي على حساب عمي تقولين انه ساحره مسوي له عمل يعني دمره تدمير حاولو عماني يجيبوه مره واثنين وثلاثة حتى انه حساباته توقفت من كثر الديون وانسجن وقال انا تبت وخرج من السجن بعد ٣ سنين ورجع لوظيفته بوسطاته لجل امه المسكينه اللي هي جدتي والله لو تشوفي وضعي جدتي وبيوم من الايام اخوانه صاروا ماعاد يهمهم وين راح وش سوا خلاص الكل عليه من نفسه وبس تخيلي ان جدتي اسنتجدت بولد حارتنا ووداها لشقته وسحبته مثل الكلب واخذت كل صرافاته وحطته عندها وجابت له سواق يوديه دوامه ويجيبه قطعت علاقته ب السمر هذولا والله لو جدتي ماانقذته وقتها كان اتهموه انه هو اللي قتل ولد عمه الكلاب السمر من حقدهم قتلو ولد عمه استغفرالله صارت مصايب ومشكله وتحقيقات لولا الله ثم جدتي كان ضاع اكثر والحين مايروح مكان ف بيت قدام عينها والمسكينه ماسكه راتبه تصرف عليه والباقي تسدد ديوانه منه والله لو تشوفينه هو تبكي من حزنك عليه اندمر بعذ موت ولد عمه صابته نفسيه بس حاله وف البيت وامه ترعاه حتى بقالة ماتخليه يروح وهو عمره ٣٠ رجال بطول بعرض امه ترعاه وتقوم فيه بدال ماهو يقوم فيها نصيحة انقذي اخوك خلي لو زوجك ياخذه يبلغ عنه وعن الشلة لاتخلينه بين ايدهم تكفين كل مااتذكر دموع جذتي احس بكلامك وش كثر تعانين 😔😔😔😔💔ربي يهديه ويصلحه ويرجعه لكم اخوك يحتاج علاج

الله يهديه ويتوب عليه