التجمع106 للمقبلات على الحقن المجهري واطفال الانابيب

الف الف الف مبروووووووك ياقلبي الحمدلله ربك كريم وربنا يتمم لك يارب وتسمعي نبضاته يارب

صباح الخير
الله يسعدكم وجزاكم خير ع الكلام الطيب صدق خوات الله يرزقكم بالي تترجونه منه وعقبال ما انفكت السبحه حبه حبه ربي يرزقنا ويرزقكم
طيب قصتي من بدايه المشواري مع الترجيع
اول شي مركز بنون مع الدكتور عبد العزيز الله يجزاه الخير
انا ولله الحمد سليمه والدكتور بس طلب مني هرمون الغده و هرمون الحليب صار عندي هرمون غده واخذت علاجه مع انه خلال اسبوعين سويت تحليل ثاني وصار طبيعي بس قال استمري عليه ؟؟؟ استمري نستمر الشكوه الله زوجي عنده قله في العدد مرررا نازل و ضعف الحركه مع العسل والفيتامينات نقول الحركه ارتفعت شوي بس باقي نازله هذي المشكله ولا مرا حملت ف قلت نتوجه للانابيب
يوم السحب طلع معي 7بويضات وتلقحو بس درجه اولي بس 4😩كنت فرحانه وحزنت لانهم نقصو 3 وهم درجه اولي المهم يوم الترجيع رجعو لي اثنين ونقلوني من سرير لسرير وارتحت ساعه بعدين طلعت بيتي 40دقيقه عن المركز اف متحمله الطريق
صرفو لي حبوب ناسيه اسمها بجيبه اذا قمت حبتين مده 10ايام
والتحاميل لين التحليل يعني 14 يوم
وفوليك اسد واسبرين
يوم ترجيع الاجنه كان يوم تبويضي العادي عندي برنامج الدوره وكذا المهم كانت تجيني مغوص وتعب بس كان كلو من السحب احس ومبيضي مرا كان يعوري اليسار واليوم الثالث كان كلهم اليمين واليسار يعوروني بس مو بقوه زي يوم يكون بس جهه وحده الحمد لله كنت اغلب وقتي منسدحه اول يومين الثالث اضطريت اروح المركز اجمد وبعيد وانا راجعه تعبت مرا حسيت بالم تحت السره شي ينبض يخترق بطني خفت بقوووه انو يكون قاعده اسقط او شي وحرقااااان وقرف كنت بالسياره راجعه وامي معي تدعي لي وتهون علي وانا احوقل واستودعهم الله واستسلم لو صار شي يعني مارح انصدم حسيت بالوجع هذا 3يوم ترجيع متي اوصل للبيت بس رجعت وانسدحت وابي انوم بس قمت اليوم الجديد 4 وانا بفراشي مابعد قمت وعالجوال يعني احس بنغزات ب صدري اليسار تقولي 5نغزات مع بعض وحكيت صدري من الوجع في الحلمه النغزات وصدري لين وعروقه باينه يعني غريب مو عادته هنا شكيت وجلست افكر وادخل قوقل واقرا عن نغزات وكذا وكنت انتظر يجيني مرا ثانيه نغزات عشان ارتاح واصدق لاني احس مدري شي وراح بدون ما اركز فيه بس ماجا وكان عندي الم بمبيضي الايسر ومنطقه الي تحت كل عروقها احس فيه وجعع ماقدر اضغط الحمد الله ماجاني امساك كنت مكثره مويه الفتره هذي اليوم الخامس مع نزول التحميله في مويه نازله يعني الكلوت اكرمكم الله رطب متعوده التحميله تنزل بس ما معها مويه زي ذا المره والصبح 9كذا طلعنا لبر اتنفس احس بنكتم من البيت مع اني يومين عند اهلي ويوم في بيتي وهكذا ومبيضي مازال يعورني واتوقع من السحب فعادي لحظت باليوم الخامس رائحه بولي اكرمكم الله هنا خفت لان قد جاني مرتين التهاب بول وبولي مو غامق فاتح كيف كذا انهبلت وعلي اعصابي وش اسوي موب زين التهاب ابد ينزل الجنين وانا توي ماقلت بسم الله واكتب بقوقل عن طرق وصار في ناس تعرف انها حامل من ريحه جلست افكر قلت يمكن بس للحين مو مرتاحه ابد اعراضي ماتبشر بخير اه صرت اتابع مسلسل عشان انسا وكنت كل الفتره ذي اقرا سوره الحمد سبع وايه الكرسي مره و استودعم الله وشعوري مو ياس ولا فرح بس كان عادي يعني وش اقدر اسوي اكثر كل شي ممكن سويته وكلت امري لله بيده لك شي وللحين ماشفت دم او افرازات ف مهون علي اليوم السادس مغص بالجهه اليمين ولون بول اصفر وفيه زي الرغوه بس خفيف وتروح بسرعه بس البول مو صافي زي امس والريحه اكرمكم الله ماش قريت بقوقل حاله البول للحامل وكذا الحمد لله فرحت بس قلت اصبري شوي ماتفرحين مرا تو الناس عروق صدري باينه مرا ولييين مرا صدري ومافيه الم ابد شفايفي ناشفه ع كثر مارطب بسرعه تنشف ونعسانه بس ابي انوم سابع يوم الفجر جاني مغص قوووووووييي قمت من النوم شد اسفل بطني بقوووووه ربي ستر مافي دم ولا شي اعوذ بالله من الشيطان الرجيم بس وطول يومي مافيني شي طبعاً مغوص المبيض تجي فتره كذا 10دقايق وتروح الايام الماضيه يعني مو طول اليوم فيني بس متعبه اليوم الثامن جاني تعب الدوره فخوذي وبطني وظهري يعورني بشكل كانها دوره ودي انسدح ع بطني متعوده وقت الدوره اضغط ع بطني احس يخف ع كيفي ههههه المهم وباليل المغرب كذا طلعت وخف بطني المهم مشيت ونسيت نفسي يعني مشيت يسرعه ابي اوصل للشي الي ابيه يوم رجعت للبيت وانسدحت بدت علي مغوص الدنيا واتذكر مشيي اه خفت خفت ع بطني باليوم الثامن وقفت تحاميل ع كيفي و جاني يباسه ماصرت اشرب مويه كثير وحليب وخيار 😩💔مدري ليه كنت اكلهم الفتره الي راحت بشكل كبير تاسع يوم جاني وجع دوره ابو 20دقيقه وراح 10يوم كنت واقفه كثير اشتغل عندي عزيمه شد علي بطني فجاا وجع فضيع تحت مكان الرحم بالضبط انهبلت قلت بس خلي استهتارك ينفعك الحين واحوقل واستودعم الله واقرا عليهم وادعي وانا منسدحه ابو ساعه قبل يجون ضيوفي وكنت يومي كله سهرانه بموت ابي انوم وواصلت من 7الصبح لين 4الفجر بدون قيلوله ولا شي بس انسدح بين فتره وفتره احاول اريح جسمي وكنت قايله لزوجي جب التحليل خايفه ابي اتاكد وجا ونسا يجيبه معه لين اليوم 11 وجع الدوره زاد علي من صحيت قلت لاني ارهقت نفسي امس فخوذي وبطني وصدري يعورني زي الدوره يوم جا الساعه 10باليل واسوي تحليل والحمد لله الحمد لله الحمد لله ماصدقت من الفرحه وماقلت لحد ولا رح اقول لين يتم ي رب يكمل لي فرحتي بحملهم تسع شهور من غير حول ولا قوه مني ي رب يكريم والحين باقي ع الدوره 3 ايام اعراضه قاعده تزيد بس الحمد لله الحمد لله الحمد لله ع هذي النعمه العضيمه الحمد لله دايماً وابدا الحمد لله والشكر لك ي ربي وهذي اعراضي الي جتني
كل يوم تحته نقطه اكتب فيها وش جاني وش حسيت فيه ان شاء الله ربي يكتب لكم الشهر الجاي ويبشركم بما فيه خير لي ولكم ي رب اهم شي التفائل وحسن الظن بالله وفالكم التوفقيك والتباشير الطيبه اللهم اني استودعك اجنتي فحفظم بعينك اليتي لا تنام 💕

الحبوب الي صرفوه حبتين مده 5ايام عفواً

ماشاءلله الله يتمم لك على خير يارب
وتسمعين دقات القلب يارب
بسالك
كيف يوم الترجيع هو يوم تبويضك
بديتي تنشيط من ثاني يوم دوره ؟

ماشاء الله مبروووك
Rfvf
يارب يتمم لك بخير ويقر عينك بتؤام صالحين سليمين
ارتاحي هالفترة وراعي عمرك ترى اول ٣ شهور هي اكثر فتره حساسة
استودعتك الله واجنتك يحفظكم من كل شرر