تناقضهم ولقافتهم وصلت لبنتي

بكون صريحة معك واتمنى ما تزعلي
المشكلة مو بخواتك المشكلة فيك انتي ما حد حط السكين برقبتك وقالك قصي شعرها غصب انتي اللي اخذتي برايهم مع انه كان شعرها عادي بالنسبة لك
وبعدين شلون تخلين الكوافيرة تقص من نفسها المفروض قبل لا تبدا توقفي عليها وتفهميها ايش تبغي وشلون شكل القصة اجل جالسة تتفرجي عليها وبالاخير الكوافيرة الله يسامحها مدري ايش
على كل اذا تبين تزعلين ازعلي على نفسك
المرة الجاية فكري انتي هل هالشي بيناسب بنتي اذا ايه توكلي على الله

يااختي لابد التدخلات من جميع الناس اهل أو اهل زوج يتدخلون قصير سمين ابيض اسمر اكلهم لبسهم شعورهم
انتي لاتعطين مجال يتكلمون فيه وغيري الموضوع وقولي يطول يتغير ان شاء الله
لاحقه علا الطول
وطبيعي انا بنتي اربع سنوات ونافش وزي الكيرلي معذبني مره ولمن اربطه يصير كان مافيه شعر ابدا ولو تفكه ينفش بقوه
يبي قص اطراف وشامبو خاص مناسب وحناء وزيوت واهم شي الماء والسلطات الغذاء
اعتقد فعلا بناتنا من نقص الغذاء الصحي الصح وقل شرب الماء والشيء المفيد
وسبحان الله الشعر خلقه ربي بس يبي صبر وعناية واهم شيء العافيه الشعر باذن الله يكبرون ويزين
لابد مضايقات بس صدي عنهم

الله يرزقنا فضاوتك ..واضح ان خواتك يدارون خاطرك عشان ماتزعلين .. لكن مابين بعينك تدورين الزعل دواره ..الله لايرزقتي خوات مثلك نفوسهم شينه وماهي راضيه مثلك اذا على شعرتين سويتي سالفه اجل كيف الامور المهمه

الحين انتي استشرتيهم وهذولا خواتك اكيد مايبغون لك الشين وبالأخير تتهمينهم بالتدخل واللقافه


ياكثر مااشير على اختي وانصحها واخاصمها اوقات عشان اطفالها ياويلي اذا بتقول عني زيك
لما قريت العنوان ابدا ماجا ببالي انك تقصدي اخواتك ياعالم الاخوه في خطر😩
لما صورتي بنتك بعد ماطال شعرها ومدحوها بالطويل لأن ممكن فعلا تحسن شعرها مع الاهتمام والزيوت وصار مبين احلى بما ان القصه ماطلعت مظبوطه عليها ويمكن بالغو شوي بالمديح من باب رفع معنوياتك كأم وانتي اخذتيها بزعل والموضوع مايسوى