عمري 16 وبشرتي مره تعبانه

انا كان فيني حبوب واستخدمت صابونه كلين كلير البيضاء واستخدمت ماسك الزبادي
وقشر البرتقال تحطيهم بماء دافي وتفركي وجهك من الجهه البيضاء بلطف
خففوا لي الحبوب بشكل كبير
حاليا استخدم ماسك الزبادي والشوفان رووعه انصحك به
والخلطه الثانيه ملعقه نشا ذره وملعقه حليب مجفف وشوي مويه ورد اخلطيهم وسوي لوجهك بتصفي وترطب وخففت لي اثار الحبوب

الله يعينك والله انا عمري 23سنة وقبل الدورة تجيني حبة او حبتين وتقعد لي بوجهي وتروح وتترك اتر 😭😭😭حاسة فيك بس سويت شي نفع معي سويت زيت الشاي من بودي شوب سعرو تقريبا 40 ريال وقناع الطين الاخضر من لوريال متوفر بصيدلية النهدي اول شي اغسل وجهي بالغسول حق الوجه بشرتي انا مختلطة وبعدين انشفو بفوطة حق وجهي بشوي شوي بعدين احط على الحبوب القناع الاخضر ويوم يجف اغسله واحط زيت الشاي من الاحسن بليل قبل النوم سوي كذا

شوفي لا تركضي ورا منتجات و انتي ما عرفتي اساسيات روتين عنايه با البشره الاساسي و اهم شي انه يكون مناسب لبشرتك و انا بقولك الروتين الاساسي إلى لازم كل بنت تسويها لبشرتها انا مثلك بضبط بشرتي دهنيه و كانت كلها حبوب من اول ما بلغت

اول شي الغسول
لا تستعملي صابونه لنه تنشف البشره و تخرب حاجز البشره و حاجز البشره ذا اذا خرب بصير بشرتك حساسه من اي شي و يطلع لك حبوب من اي شي فا حاجز البشره راح يحمي بشرتك انا ما با اجبرك على نوع محدد تقدري تبحثي بنفسك على غسولات ثانيه مخصصه للبشره الدهنيه في كثير كويسين و اهم شي انك ما تفرطي بستعمال الغسول اكثر من مرتين في اليوم و هي الصبح و اليل و الصبح غسليه بشكل خفيف

المرطب
المرطب مهم مهم مهم جدا للبشره حتا لو بشرتك دهنيه لازم ترطبينها بس اختاري مرطب جل و ابتعدي عن الكريمي لن الجيل يرطب و ما يترك اثر دهني مثل الكريمي رطبي في اليل لم تخلصي من غسول وجهك

واقي الشمس
انا قلت لك انه رطبي وجهك بليل بس مب معناته ما ترطبيه في الصبح بس واقي الشمس مب مخصص لترطيب واقي الشمس مهم مهم مهم للبشره للوقايه من اشعه الشمس لن اشعه الشمس ذي وراها بلاوي كثيره على البشره خصوصا سالفه الحبوب بس انتبهي تشتري واقي شمس مش مخصص للبشره الدهنيه و انا يعني انصحك با واقي شمس مره جميل للبشره الدهنيه و يندمج بسرعه اسمه يوسرين اهم شي يكون مكتوب على العلبه oil control يعني انه مخصص للبشره الدهنيه و روحي اليوتيوب و شوفي شلون تستعملي واقي الشمس لنك اذا ما عرفتي تستعمليه ما استفدتي شي
و الواقي شمس الصبح يحتوي على مرطب فا اذا حطيتيه الصبح مب لازم تحطي مرطب بس لو ودك تحطين عليه على كيفك


في بعد التونر و السيروم و المقشر و الخ و الخ بس قبل لا تستعملي ذولا اهم شي تعرفي الاساسيات و اهم اهم شي تروحي دكتوره جلديه و تحافظي على اكلك و شربك للماء و اذا تحتاجي اي مساعده ثانيه انا موجوده

اي صح و نسيت اضيف شي مهم انه اذا حطيتي واقي شمس الصبح اليل تغسليه لنه يوقي من الشمس و اذا خلتيه لليل المسام بتنسد