السلام عليكم ورحمة الله ..
وصلت بالسلامة للصفحة الأخيرة .. الحمد لله .. من أول وأنا أقرأ الموضوع :09:
طيب .. أنا بأستعمل الدواء كمان .. بصراحة أنا خايفة منه مرة .. أمي من يوم ما سمعت عنه من بنت خالي على طول قالت لها أبغى , وهي أصلا كانت تبغاه لي ... :( .. قلت لها : لو مت ذنبي في رقبتك .. تقول : لا لا محتموتي خديه ..
أنا قبله جربت الردكتيل ( 10 غرام) .. أخذت منه ثلاثة علب وبديت في الرابعة .. مرة نحفت .. لكن .. وأنا قاعدة أتكلم مع قريبتي جات السيرة وعرفت إنها وقَّفته , وهي أصلا كانت دوبها بادئة العلبة الأولى , ولما سألتها قالت إن الدكتور لما سألته صرخ فيها من الفجعة , وقال : لااااااااااااااا هدي الأدوية خطرة على الدماغ ... والأفندية ما قالت لنا سكتت .. قلت لها : طيب ليه ما قلتِ لنا , قالت : إيش دراني , أحسبكم عرفتوا .. ... كان نفسي أديها بكس ..
المهم وقفته طبعًا , وأصلا كنت أعاني من بعض الإثار الجانبية منه , وهي :
1_ طبعًا جفاف في الحلق , أكيد كلكم عارفين , أحس لساني حينبلع من الجفاف , مرة تعبني , وقتها عرفت قيمة اللعاب :42:
2_ صرت عصبية جدًّا , يا ويل الي يغلط , صراحة أنا وقتها كانت عندي ضغوطات من عدة جوانب , والدوا كملها , ههههههههههههه بس أنا فرحت لإني خرجت حرتي .. بس جد عصبية لا تطاق .. مساكين أهلي ..
3_ أنا كانت عندي ضغوطات زي ما قلت , وهدا الدوا ما يقصر يخلي الواحد عنده اكتئاب , صرت حزينة وأبكي ..
4_ ههههههههههههه الدوا ضرب الممُرِي , أنا الحمد لله ذاكرتي جيدة , لكن الي لاحظته إن الدوا يخليك تنسي , هدا الكلام لاحظته على بنت خالي, وبعد ما مشيت في الدوا مدة لاحظته على نفسي , ومرة خفت , طبعًا لإن الدوا كل تأثيره على المخ .. عمومًا العمليات العقلية أحسها مو مثل أول ... يمكن بديت أوسوس بس اترعبت .
5_ الإعياء الشديد , من أي مجهود أتعب .
6_ خفقان في القلب .. بعض الأحيان أحس ضربات قلبي سريعة :09:
الدكتور الي سألته قريبتي قال إن الأطباء ناقشوا في المؤتمر موضوع الردكتيل والأدوية المشابهة , وانقسم الأطباء إلى مجموعتين , مجموعة معارضة , وهم الأكثرية , ومجموعة أخرى لا تجد حرجًا في استخدامها , سنفهم سبب المعارضة وأساس المشكلة لو عرفنا هدي الأدوية كيف تعمل ..
الأدوية هدي تقوم بالتأثير على المركز المسؤول عن الشهية في المخ , ليفرز هرمونًا يوحي بالشبع , طيب .. المشكلة الكبيرة مو هنا .. المشكلة هي : ما هو الدليل على أن هذا الدواء لا يؤثر على مراكز المخ الأخرى ؟؟؟ كيف عرفتم أن الدواء يتوجه لمركز الشهية فقط ؟؟ وما الذي سيمنعه من التأثير على المراكز الأخرى ؟؟
خصوصًا مركز الشعور , فهو شديد القرب من مركز الشهية :(
وهذا يفسر حالة الاكتئاب والحزن .....
لما وقفت الدوا الحمد لله رجعت طبيعية .. بس أعصب شوي بعض الأحيان :42:
طولت عليكم حبايبي :26:
تعبت مرة لازم أنام .. إن شاء الله أكمِّل المسلسل في المرة القادمة , وأنقل تجربتي مع فايتوشيب ..
أكتر شي مخوفني منه إن أحس راسي منمل كإنه يقشعر .. مرة كتير يجيني دا الإحساس .. والله إني مرعوبة .. كم مرة أقول لماما وأختي ( هم كمان يستعملوه) يستغربوا من كلامي .. على بالهم أوسوس .. أمي تقول لي قولي بسم الله .. كإني طفلة :22:
المهم عندها أنحف :(
رحلة غيم ورنوووود مع حبوب فايتو شيب ..نسأل الله ان يجبر خاطرنا ويحقق منانا وكل البنات
متابعة النقاش، صفحة 78