السلام عليكم
أول شي قبل لا ابدأ بالموضوع أتمنى الي عندها كلمة طيبه أو كلام يشرح الخاطر تكتبه والي ردودها فيها وقاحه أو تهجم توفر على نفسها الرد ، قلت كذا لأني اشوف فئه منتشره هنا على كل وحده تكتب موضوع يهجمون عليها
ابدأ بموضوعي :
أنا لما خطبني زوجي كنت رافضته ماكنت مقتنعه فيه وقلت لأهلي أسبابي وشافوا انها تافهه والولد مايستاهل انه ينرفض عشانها .. أبوي شخص ممشينا ع الصراط المستقيم ومع ذلك قلت انا مو موافقه على هذا الشخص جلس معايا أبوي يبغى يشوف اسبابي ومااقنعته اسبابي وكان يشوفني مااعرف مصلحتي وغبيه
وبحكم العادات والتقاليد انا كنت محجوزه لقريبي وابوي يقول مافي اسباب قويه للرفض وانه ممكن يصير زعل بين العوائل ..
انا وقتها كنت ضايعه وبين نارين وماني عارفه مصيري كنت رافضه لكن ماكنت قويه وأصريت انه ماتتم الخطوبه
كل الي سويته وكلت أمري لربي .. واستخرت ودعيت
كنت كل الفتره الي ماادري ايش مصيري فيها ادعي انه ربي يختارلي الخير .. لاني وقتها حسيت اني ضعيفه وانه اذا ابوي قوي فيه الي أقوى منه ..
المهم
مشت الامور وتمت الملكه وفي فترة الملكة بديت اغير نظرتي عنه واتقبله شويا لكن بالمقابل ماهو الرجل الي تمنيته للأسف
بالعربي مو مالي عيني ماني حاسه برجولته وهيبته مو تنقيص فيه لا والله انا اقول احساسي تجاهه
عدت الملكه وماحبيت شخصيته لكن كنت متقبلته شويا
عدت الامور على خير وتزوجت ..
الآن لي 7 شهور متزوجه تمر عليا فترات احس اني بوصل لمرحلة ممكن انفصل عنه
والي يخليني احس كذا احلامي !!
احلامي كلها كذا اتحلم اني اتطلق منه و اتزوج شخص وفي نفس الحلم حاااسه اني طايره ومبسوطه مع هذا الشخص وان اعترف لزوجي انه ماابغاه من اول يوم وارتاح نفسياً
لا تقولون عشاني افكر في الموضوع لاوالله
انا حياتي حالياً جميله مع زوجي للأمانه زوجي مافي زيه فيه كل المواصفات الي تتمناها اي زوجه ( طيب ومحترم جداً وماله بسوالف الشباب والخرابيط و يقدرني ويلبي طلباتي )
فيه اشيااااء كثير مو عاجبتني فيه بإختصار انا مو مقتنعه فيه وبعض الاحيان احس اني مو طايقته ( مزحه ثقيل وسامج ويستخف عقله وقاعده اتحامل على نفسي واجامل بس احس تعبت ) طبعاً مو هذي فقط اسبابي انا مااتقبلته نفسياً ،، الارواح جنده مجنده
ممكن تشوفون اني متبطره ع النعمه لكن والله العظيم انا هاجس الطلاق تعبني
اصحى من نومي اتمنى الي شفته مو حلم
اتمنى الاحاسيس الي عشتها مع الشخص الي في الحلم واقع
ادري بتقولون ممكن كنت تحبين قبل الزواج
لاوالله والعياذ بالله مستحيل اغضب ربي
بالمقابل تمر عليا لحظات حلوه مع زوجي وأحس اني مبسوطه وحياتي حلوه معاه وأقول خلاص انا حبيته لأني اغير عليه واتضايق اذا طلع من البيت
وأقول مستحيل اتطلق منه لاني عارفه وش بيكون مصيري بعد الطلاق والجحيم الي بعيشه
ماتستمر فتره الا ترجعلي الاحاسيس الي تضايقني واقول خلاص انا تعبت اتحامل على نفسي ابغى ارتااااااح
قسم بالله توصل فيني احياناً ودي اقولها في وجهه انا ماابغاك ياابن الناس
عجزت اعرف شعوري ناحيته 💔
ادري طولت جداً في موضوعي
لكن الي في نفسي اكثر
أتمنى ردود حكيمه تخفف عني وممكن حلول تساعدني اتخطى الي انا فيه ❤️
شاركي في النقاش
سجلي الدخول لإضافة تعليق.
التعليقات
93- العاطفه تقول مصدقته كل كلمـه قلتيهـا وسبحان الله المحبه من الله
بس المنطق والواقع والعقل يقول احمدي ربك انه انسان مستقيـم لاهو راعي مخدرات ولاخيانات
هذه اكبر نعمه ف الزمن هذه كل م سيطرت عليك هذه الافكار تعوذي من ابليس وحاولي تشوفين ايجابيته
عقلك الباطن خزنتي فيه كل الافكار السلبيه اتجاهه
لذالك مهما سوه ماتشوفينه
انصحك مثل اختي لاتخربين حياتك عشان افكار ممكن تتغير مع الوقت ارضي بحياتك وعيشيها الله يوفقكم ويسعدكم يارب
وبالنسبه للمزح والسماجه هم كذا الرجال دفشين ومزحهم غبي عادي اخذي الامور ببساطه
الله يألف بين قلوبكم 💜 - يعني خلاصة كلامك وزبده ماحبيتيه لوحبيتيه ماشفتي عيب واحد فيه ولو يذلك ويدعسك ماكرهتيه
حطي بالك ماكل البيوت مابنيه على الحب وهذا قسمتك واختيار الله لك ومافيه أفضل من خيرت الله
لو مافيه خير لك ماتتم الله بينكم أرضى بقسمة الله لك
واحد يحبك ويموت فيك ويدور رضاك أفضل من انت تحبيه وهو معذبك فدوه لضحكتي العاطفه تقول مصدقته كل كلمـه قلتيهـا وسبحان الله المحبه من الله بس المنطق والواقع والعقل يقول احمدي ربك انه انسان مستقيـم لاهو راعي مخدرات ولاخيانات هذه اكبر نعمه ف الزمن هذه كل م سيطرت عليك هذه الافكار تعوذي من ابليس وحاولي تشوفين ايجا…
فعلاً قاعده اعيش صراع بين العقل والعاطفه
وهذا الي متعبني
ماكتبت هذا الموضوع الا انه نفسيتي تعبانه اليوم وصحيت من الحلم وتمنيته كان واقع
لكن الحمدلله على كل حال- هذا الشيطان يوسوس لك يبغى يفرق بينكم
ياخوفي تطلقين ويجيك واحد تحبينه بس يخونك
تحبينه بس مايحترمك ويحترم اهلك
تحبينه وهو مدمن ومطنشك في البيت
وزوجك يتزوج اللي تسعده
وانتي في عذاب
انتي ماتقرين القصص في عالم حواء ماتشوفين مشاكل اللي حولك وتحمدين الله على زوجك
الايام ذي وفي عصر االتطور ماعاد فيه مثل مواصفات زوجك وكثرت الخيانات
واللي تشوفينه مزحه ثقيل
وش تبغين واحد ساكت يطنشك وسولف مع غيرك على النت واذا عصب عليك
اهانك وش تبغين
نصيحه نصيحه وانا اقولك من اخت اكبر منك حتى الزواج عن حب بعد فتره تطلع بلاوي الرجال مو الكل وتتغير المعامله
حافظي على بيتك وزوجك السعاده والحب في حسن المعامله والاحترام
اذا وجدتيها مع زوجك حافظي عليه
انا اعرف وحده تزوجت واحد عن حب وبتموت عليه واكتشفت انه يكلم بنات وصابره وتدعي كل يوم ورغم هذا وسؤ معاملته اتوقع بتنجن لو طلقها في اكثرمن كذا الله يسخره لها ويصرف عنه الحرام زهرة الاقحوان* يعني خلاصة كلامك وزبده ماحبيتيه لوحبيتيه ماشفتي عيب واحد فيه ولو يذلك ويدعسك ماكرهتيه حطي بالك ماكل البيوت مابنيه على الحب وهذا قسمتك واختيار الله لك ومافيه أفضل من خيرت الله لو مافيه خير لك ماتتم الله بينكم أرضى بقسمة الله لك واحد يحبك و…
صح كلامك زوجي انسان رائع بس مو بيدي هذي الاحاسيس
انا معاك بس انا تعبت اجامل
نفسي احبه حب حقيقي
وأتمنى اني اكون حابته بس هذي افكار سلبيه احس فيها
ماعرفت مشاعري تجاهه كل الي اعرفه انه مو الشخص الي تمنيته
مواضيع مشابهة
تابعي تجارب أخرى من هذا القسم.