فيه أحد مر بنفس حالتي

مو اجبار
لكنه رضوخ اكثر من انه اجبار
انا مااصريت لاني خفت اندم اذا رفضت وانا ماادري كيف شخصيته قلت ادعي ربي وهو الي يختارلي

ومافسخت الخطوبه لانه صرت افضل بكثير من قبل ، قبل كنت اقول مستحيل اتزوجه ووووو
لكن بعد ماشفته نقول فيه قبول بنسبة 40‎%‎

اما بالنسبه للشخصية اوكي كانت فيه اشياء مضايقتني في ايام الملكه
وبرضو عطيت نفسي فرصه قلت مستحيل بعرفه مزبوط او حتى تبان شخصيته في هالفتره
فهذا الي خلاني اكمل

اشكرك على ردك
ربي يسعدك كلامك جداً جميل ❤️

مافي انسان كامل ياقلبي واذا تبين رايي ارضي بنصيبك دام انك وافقتي عليه خصوصا اذا كان زوج ناجح بنسبة ٧٠ في المئة

فعلا زي ما قالت الأخت اللي فوق
احمدي ربك مهب راعي مخدرات ولا يدخن ولا فيه بلاوي ومصايب الدنيا..
اذا مو عاجبك بعض الامور فيه نصيحة تقبلي شخصيته وتقبليها ، زي ما هو يمكن شايف فيك اشياء ماتعجبه بس تقبلها
اذا هو يصلي و يقرأ قرآن و لا يعنفك و لا يقلل من قيمتك وقدرك ومستواه المادي يعيشك حياة كريمة ، فتقبليه و اذا جتك أفكار مثل هذي


استعيذي بالله من الشيطان الرجيم ، واحمدي ربك على هذا الزوج الصالح
و ادعي ربك يحببك فيه و يرضيك فيه
كل الأفكار السلبية من الشيطان ! فَ زي ماقلت استعيذي بالله منه
و لا تقولين بتقبله عشان اذا تطلقنا بعيش في جحيم
لا تقبليه عشان نفسك ، عشان تعيشي حياة سعيدة وجميلة
و لا تنسي ان الحياة الزوجية لا تخلو من المشاكل
لذا لا يأثر فيك اذا تهاوشتم لا قدر الله
ولا تخلي الشيطان يوسوس لك
و الله يسعدك يارب ويرزقك بالذرية الصالحة و يألف بين قلوبكم 💕

والله عندي كلاااااااام كثيييييير ودي أكتبه لكني عجزانة ههههههههه:)
أحس لازم أكلمك مكالمة ثم بعدها بتحبين زوجك وبتحبين الأرض اللي يمشي عليها بإذن الله:)
على العموم إذا فضيت رديت عليك ان شاء الله الله يوفقك ويسخر لك زوجك ويحبببك فيه ويجعلكم أسعد خلقه..