صبر تضحيه معامله سيئه وختمها بزواج على وهجر

(( ختمها بزواج وهجر ))
وش كنتي متوقعة ؟؟
انه يكافئك على تضحياتك الي ماطلبها والي اساسا بغير محلها ؟؟
انتي جاهلة بامور كثير اولها ان الرجل مايحب الانثى الي تهين نفسها + تصرف عليه بعد ..
وغير وغير وغييير يبي لك تثقيف كامل شامل ..
لكن الحلو انك لسا بشبابك ..
الحلو لسا موظفة ولسا بصحتك ولسا قدامك عمر بعون الله تعوضين نفسك فيه ..
خلاص اذن حطي خطة لحياتك الجاية ، من الحين كانك عازمة على الطلاق اسعي به
منتي عازمة تبين تقعدين على ذمته اقعدي
لكن انسي انه يرجع لك ، تقبلي فكرة نسيانه وانه خلاص برا حياتك
بعدها يجيك كل خير لانك ان طلعتيه من حياتك راح تبدين حياة جديدة
تعيشينها بطريقتك بدون ضغوط وتسوين الي نفسك فيه ..

اتقي الله انت واللي قبلك لا تجيكم حوبتها

حطت قصتها للعظه والعبرة وانتم شمتانات

فيها ،، وهي ماقالت انها عارفته يروح للحرام وصابرة ،، الا قالت يوم عرفت انه بيتزوج وواجهته صارحها وقال كنت وكنت وكنت ولذلك صارت صدمتها اقوى على عمرها اللي مضى وهي محسنة الظن

ما ادري وش سر تشفيكم فيها ،، حتى لو كنتي زوجة ثانية وانقهرتي مثلا يوم عرفتي قديش حرقة زوجته الاولى وكان الموقف يمس نفسيتك وكرامتك ايضا مالك حق تتشمتين ،،، عالاقل تخيلي زوجك راح تزوج ثالثة وش يكون ردة فعلك ،، اول ما تقولين اني كنت محسنة الظن فيه واني رضيت به رغم كذا وكذا وتصفين عيوبه ..

واللي تقول كيف تخلين روجك عند الخدامة وتروحين للدوام .. كل الموظفات كذا وين يعتي توديها ؟؟ ما في يدهم غير انها مثلا تقولها لا تنظفين هنا في الصاله وخليك بقسم الضيوف او عند الكوي ...
يا بنت الحلال حتى الغير موظفات يروحن مشاريرهن وزياراتهن والشغالات في البيت لو بغاها الزوج بسهوله يلقاها ،،، الزوج ليش بهيمة ثايرة مايعرف الحلال والحرام .

لا وتقول لها عاد وش نفعتك الوظيفة هذاك مديونه ،،، الا ما نفعها بأمر الله الا وظيفتها والديون بسبب ثقتها فيمن استغلها ولأنها احتاجت علاج ،، وللان في صدمتها وظيفتها هي اللي ساندتها وداعمتها بفضل من الله


اللهم اجعلنا مفاتيح للخير مغاليق للشر ولا تجعل حاجتنا عند خلقك ولا تشمت فينا عدوا او ظالما

.......(قل خير او اصمت) ....
طرحت موضوع منتهي للفضفضه وقمتم بهجوم عليها يكفي من الهم مافيها ويكفي من الجرح ماتشعره فلا تزيدوا الموضوع بردود قاسيه فليست كل القلوب تستطيع التحمل

الصدق اعتبري الفلوس اللي صرفتيها عليه صدقه لوجه الله
ثانيا اسجدي سجود شكر انه طس عن وجهك وخصوصا انك موظفه يارب لك الحمد الله يزيدك عز يارب
اما هو اتركي امره ع ربي والله ان الله شايف وعارف وبتدور الدنيا ع راسه ويطيح طيحه مايقوم منه ساعه الظالم اشد من المظلوم
كل امر ربي خير خليه يطس وانشالله لو يعطيها النجوم طنشي ابو طبيع مايجوز عن طبعه ويمكن ربك يسلطها عليه الله ينصرك ويعزك ويجبرك ويقويك
ويجي اليوم اللي يطيح عند رجولك
بعد كلامك
اشوف ان زواجه نعمه وربي وعسى ان تكرهوا شيئا وهو خير لكم

عمرها ١٦ اكيد فيها شي او داخله على طمع والا اهو شايب ما تنظر له وحده فيها ذرة عقل