كيف ابين لها اني ما اقصد
عندنا وحده بالدوام لطيفه لطيفه مررررره ومؤدبه جدا وام عيال ماهي صغيره بالعمر تقريبا ٤٦او اكبر لكنها بارده جدا وعلى اقل من مهلها والمشكله تحبني مررره واذا شافتني تسلم علي وتضمني بس تطول تسلم وتسأل وكذا وانا انسانه حاره جدا وعمليه وفي الدوام تركبني عفاريت احب اخلص كل شي وانجز ودايم طبيعتي مستعجله سار لي مع هاذي الادميهً موقفين زعلتني من نفسي لانها جدا مؤدبه ولاعمرها تغلط عاى احد طبعا الموقفين بدون قصد الموقف الاول جايه انا مدرعمه بأوراقي ابي اكلم وحده هي كانت تكلمها وكنت مستعجله جدا فجيت عندها وااكلمها بالموضوع ولا انتبهت لوجودها وانا بنص الكلام ومندفعهً الا اطالع فيها تبتسم وتمد يدها لان حضرتي ماسلمت عليها ولاصافحتها وقلت يوه معليش ما انتبهت لك والمره الثانيه كان عندها شغله تتطلب منها تكون فريق عمل وتكلفت بذا العمل متأخر فكانت زعلانه وجاتني قالت ابي تكونين بفريق عملي انا وقتها عندي ضغط شغل مو طبيعي من غير ما اناقشها او اقول في ايش قلتلها لا لاطبعا تفاجئت مني قالت ليش بصوت واطي قلت لاني منضغطهً مرره وعندي الف شغله قالتلي بكل هدوء الله يعينك وخرجت لمن رجعت البيت افكر ياربي ليش انا كذا حرام الادميه لطيفه وعسل وانا دفشه معاها فكيف اوصل لها اني من دفاشه مو مستقصده لاني لاحضت انها سارت تتجنبني اول كانت لازم تمر علي وتسلم وتبتسم لاشافتني وتقولي انا احبك لله وهذا اللي مزعلني
