صبر تضحيه معامله سيئه وختمها بزواج على وهجر

حسبي الله ونعم الوكيل فيه وفي كل ظالم حسبي الله ونعم الوكيل حسبي الله ونعم الوكيل
يارب اجبر بخاضرك واجبر بكسرك يارب ويااارب الايام توريه انك كنتي افضل وحده فحياته يارب

لاحول ولا قوة الا بالله

فطوم الله يهدينا واياك ،،وش فيك ثايرة فعلا القصة استثارتك ،، وشكلك من النوع اللي تصرين على رأيك مهما وصحت لك صاحبة القصة وردود العضوات ( نقول ثور تقولين احلبوه ) طيب جاوبي خسب قصتها مو حسب فهمك انت ..

من ناحية اني اهمتك تتشمتين بها ماجبتها عبث .. ارجعي اقرأي نعليقك القاسي موب انتي اللي قلتيلها ( تستاهلين ) وش اكثر من كذا شماته ،، وهي جايه ما تبغى منكم نصايح اصلا ولا قالت لكم انا وين غلطي وهي عارفة انها تساهلت رغم انها صدمت به ماييخافظ على صلاته ،، وهي قالت لكم انها من جيل الطيبين مان الطلاق مرة صعب واكثر الخريم يصبرن على اكثر من كذا شدائد ولا تطلب طلاق وتشتت عيالها ،،هي حكت القصة لتحذر البنات من الوقوع في نفس غلطها

وثالثا: تعيدين وتزيدين انها راضية تعيش مع واحد زاني وعلى بلاوي وعلاقات .. طيب هي فهمتكم قالت مل ماشكيت فيه ( من المواقف اللي حصلت ) واجهته وحلف يمين انه ما سوا وصدقته لأنها تعظم الله والحلف بالله ،، وترى البنت اللي حاية من بيت نظيفطاهر تقيس الرحال على ابوها واعمامها وقالت انها كانت مغمضة جداا من اول الليل تنام وجايته عالفطرة ،، لا تقيسين على بنات الاي باد والجوالات ..

الصلاة عمود الدين وركنه الثاني .. ولكن الافتاء له ناسه واهله من الفقهاء وعلماء الدين .. مايجوز كل شخص عرف يكتب يفتي
لا تقولين حرام تعيش معه ،،وانه زواج باطل ما اجرأكم على الفتوى ،،

لو كان كافر وينكر وجوب الصلاة قولي لها حرام ،، وانا ما ابغى افتي حلال وحرام ،، ولكن قالت لك انه مرات يصلي ومرات لا ومرات يروح للجمعه ،وقالت اهله يصلون ،، في هالحالة تتوقع ينصلح حاله ،،،

ولا تفتون انها لازم تطلب طلاق وهي صار عندها عيال وبنات ،،، صلاته له وهو محاسب عليها


واخيرا ،، انا ما اهون عليها الموضوع مثل ما قلتي ولا اطبطب عليها ،، لأن موضوع زواجه انتهى له سنه وهي خرجته من قلبها وحياتها و تعايشت مع وضعها الجديد ،، وقالت لكن ان قصتها حطتها للعظه والعبرة

الله يجبرك اختي ويعوضك باولادك وييسر لك امورك

الله يكون بعونك ونماذج كثيره من زوجك حسبي الله على كل زوج مثله لايقدر النعمه الي هو فيها 💔

السلام عليكم ورحمة الله وبركاته
و عليكم السلام ورحمة الله و بركاته
حبيباتي صباح الخير أ و مساء الخير
ومساؤك أسعد أخية
انا عضوه جديده لكني متابعه وبشغف عالم حواء منذ أكثر من 18 اعرف العضوات اقرأ اتنقل بين تأخر الإنجاب والأسرية التي كانت سعيده ولكني لم أكن اكتب ولا ارد لكن يعلم الله بعض العضوات ما انساهن من دعائي......... طولت المقدمه
تزوجت من 25 سنه وكان زوجي أكبر مني ب9 سنوات بيئته غير بيئتي انا مجتمعي محافظ وهو مجتمع متفتح اخذني صغيره سكنت عند أهله يغلب على الطيبه أو السذاجة أن صح التعبير أرى مواقف ولا انظر لها إلا بكل طيبه انصدمت من زوجي انه يدخن ووعدني يتركه انصدمت مايصلي وأحيانا يجمع لحد مافي النهايه أصبحت صلاة الجمعه فقط وأحيانا الفجر هذه المشكله ارهقتني نصحت تكلمت هددت ولكن بدون فايده اقول لأمه وتقول والله الحرمه اللي متأثر على زوجها ايش فايدتها..........
الله يهديهم و يصلح بالهم
طيب الحرمه أخذت ولدك وهو قريب 30 بس ما ارد اتلقي الكلام واسكت وأحيانا اقتنع كنت ادرس يبهذلني مايخليني اذاكر يشقق دفاتري إذا خرجت من الجامعه يحلفني بقران عنده في السياره احلفي ماخرجتي مع احد وانفجع ايش تفكيره ذا عاد زمنا زمن الطيبين حتى جوالات مافيه واحلف
ما سبب تساؤلاته تلك ؟ هل هي غيرة أم مجرد شك ؟
كان دايم يضربني اول مره ضربني في شهر العسل تخيلوا نمت وقت...... واداني كف والله شفت النجوم من قوته مثل ماقلت لكم احنا ناس حياتنا بدائيه وانام في بيت اهلي من العشاء جاهله كنت وأول بنت اتزوج بعد ولد يعني حتى امي ربي يحفظها لي ما اعطتني نصايح مره والله جيته اغلب الأشياء ما اعرفها وكان كل ماضربني يترضاني وانسى واسامح كان الشهور الأولى يعشقني حتى لما اروح لأهلي بسرعه يجيني انا ماحبيته غير بعد 6 شهور وليتني ماحبيته
أحببتيه برغم أنه كان يظربك؟
أنظري هنا أسلوب الحنان و المسايرة و طلب العفو الذي كان يسلكه
يابنات لاتتعلقون بأحد كثير صرت احاول ارضيه وهو مستمر على غيرته الشديده وضربه مره جاني في الجامعه وقلت له شوف زوج زميلتي ونظرت انا وسب وضرب في لين وصلت البيت في الظهر والحرارة مره بعدين جاب اللي وضرب وضرب في لين دخت.......... وكل مره يضرب ابكي وامسح دموعي واقوم كان فيه طيبه معي يلبي لي طلباتي
لم لم تشكيه لأهلك لما ظربك أول مرة لتأديبه أو تأنيبه على الأقل؟
لأنه اعتاد على الظرب و لا راح يتخلى عنه و أصبح له مهنة يمارسها إذا غضب
إذا راق ايش تقولون بس يخرجني يمشيني يشتري لي بس كانت مشكلة الصلاه هي اللي مارقتني انصح ولا ما انصح استغرب من اهله ما احد يكلمه ولا أحد يقول وينك عن الصلاه كلهم يرحون للمسجد وهو المفقود ولا أحد يكلمه مرت الايام وجبت اول ولد والحمد لله مشت اموري واحسني انا وولده كل دنيته وبعدها تخرجت وصرت في البيت ايامي مثل بعضها وصار هو يسهر في الاستراحات مجرد ما اتصل عليه يجي ويمشينا تقريبا ليليا كان دايم يقول لي سبحان الله فيك نقاء وصفاء مامر على انت انسانه رائعه وكنت اقول وانت أروع بس لو تصلي وتترك ضربني يابنات والله بعض آثار ضربه تجلس شهور والمها أكثر تعبت بس اصبر كم مره جاتني وظيفه ويفصلني منها وارضخ لقراره وشاء الله ونقلت لبيت ملك والحمد لله وبعدها على طول وظيفه حكوميه ووافق وكان خير معين لي يمسك ولدي لأن دوامه بعد الظهر يساعدني يوديني مايقصر معي بشي صرت انا اجيب هدايا له اساعده في مصروف البيت والله يابنات احسه امي ابوي اخوي صديقي زوجي حبيبي كل شئ في حياتي لو يغيب يوم افقده يسافر برى مع أصحابه 10 ايام كأنها 10 سنين ولفت عليه (كان كل ماسافر يتزوج ويطلق إذا جاء) مدري كم زواجه.......... وانا مادريت الا متأخر
يا لطيف كم عانيتِ
صامدة الله يعوضك خير
اظطريت 2 سنه من زواجي اجيب شغاله فلبينيه ولاحظت من وقتها نظراتها لزوجي ومره خرجت أودى ولدي بيت خالته لوحده طفشان لقيتها تقريبا في حضنه وانفجعوا قال ايش تبغى تشوف في قوقل إرث بيتها تخيلوا...........
لقيتيها ...........؟؟؟ و ابقيتيها عندك ؟؟
. وانا من غبائي صفيت النيه لاحظت زوجي بدأ مايبغي ينام معي غير مره في الأسبوع أو الأسبوعين قلت مسكين جاه ضعف ولاتكلمت حتى ما أجرحه
عدت الايام ولدي كبر طلع عندي مشاكل ابغى اتعالج رفض يعالجني صرت انا اتعالج بفلوسي ولا ريال مايدفع بدأ يتغير غير في الاستراحات وخميس وجمعه سفر بدينا نبعد عن بعض احاول اتقرب منه يبعد احاول اعرف بس الرجال صاد كنت منشغله في الوظيفه وولدي والحمل والأدوية اسمع منه ومن أمه كلام جارح وامشي كأني ما اسمع عدت ايام وسنوات صعبه على بعدين ربي أكرمني من واسع فضله ❤ وجبت الحمد لله البنات والأولاد اللهم اجعلهم قرة عين لي
اللهم آمين و اسأله أن يسخرهم لك و يعوضونك تعب السنين
كل هذا وهو لم يساهم الا مره واحده ب1500 علاجي كان مكلف ومكلف جدا اسوي جمعيات ب30 الف كلها تروح ادويه وفنادق ومستشفى وهو يقول المفروض حتى بنزين السياره عليك والله كنت مره ماشيه في كورس علاج ورحت للمستوصف عندي ابره ومالقيت صرافتي ورفض يعطيني اترجاه تكفي يقول ما ابغى عيال......... مواقف كثيره ولكن كنت التمس الأعذار فيها له في المقابل كان يحب عياله بس ماادري لسانه دايم ما ابغاك تحملين ما ابغى عيال........ المواقف كثيره ولكن احاول ان اختصر بعد 24 سنه اذاكر لواحد من عيالي وأخذت جواله ابشوف قروب فصل ولدي وألقى كلامه مع اخوانه واخواته يخطبون له وحطوا في الف بلى وعله وهو زادت فلوسه ويقول يبغى يتمتع بالحلال لأنه دايم بالحرام يمتع نفسه انصدمت هو اعترف لي وقال كنت على علاقه بكل شغالاتك والله يابنات صدمه واذكر وحده من شغالاتي عجوز تقول لي على حركاته واضحك عليها اقول يتهيأ لك وانظر فيه واقول مستحيل يزني مستحيل مايخاف من الله مايخاف على بناته مايخاف على لما قالت لي الشغاله كنت حامل وله شهرين مايقرب مني واقول مسكين عنده ضعف
أعذرك والله
ليس من السهل انك تشكي بزوجك
اصلحه الله
جاني خبر زواجه مثل الصاعقة انت دايم في الاستراحات مانشوفك انت منت حق مسؤولية انت غير سفر وأصحاب انا وعيالي ماندري عنك انا اصرف انا الأم انا الأب انا الزوجه اللي فاقده الحب والحنان وانتظر رجوعك انا اللي من حبي لك نفسي اصلي عنك انا اللي افز من مكاني إذا تخليت تموت وأنت ماتصلي انا اللي تجرح في وتضرب وإذا جيتني فز قلبي لك انا سنين العمر اللي عشتها معك بحلوها ومرها ليه ليه الف سؤ ال دار والف كلمه وقفت في حلقي اصارخ واتكلم واتمنى يكون حلم يارب يكون حلم يارب يقول ماهو صدق تدرون ايش صحاني كف قوي منه ليه ترفعين صوتك على طيب انا مصدومه انا مفجوعه انا مثل الغريقه فجرها بوجهي انا كل ماسافرت اتزوج ولي علاقات كثيره هنا خلاص تعبت من الحرام ابغى زوجه بالحلال والله يابنات البس اتكشخ اصلا انا مقارنه عنده صغيره لكن ربي صرفه عني لحكمه يعلمها الله
آه و ألف آه
لا تعليق ............
حزنت بكيت أشعر بأم الوليد وهي اللي سجلت عشانها نفسي اكون عندها اضمها أهديها يابنات شعور صعب صعب ومر علقم
يابنات اي موظفه لاتعطي زوجك الا اذا كان محتاج الا اذا كانت نيتك خالصه لله غير كذا حب لا
يابنات لاتتعلقوا بالرجال لاتتعلقوا بهم حبي ربك ثم نفسك ثم اولادك
لاتربطي سعادتك بأحد
قوي نفسك قوي علاقتك بالله
تزوج وطار معاها يجي لعياله دار فيها العالم أعطاها كل شئ حرمني منه
وإذا قلت طلقني لاتخليني كالمعلقه قال عليك ديون سدديها وانا سنوات موظفه ماحسبت حساب ذا اليوم اصرف بالهبل عليه وعلى عيالي....... عيالي تعودوا على العز ذحين يرمي علينا مصروف بسيط يادوب يكفي وانا و رطت نفسي بالديون والقروض عشان اشتري أرض واشرد من حياة الذل
سبحان الله فجأه تغيرت حياتنا كنا وين وصرنا وين الحمد لله على قضاء الله وقدره
لكن يابنات مايؤلم نفسي ذكريات معه مدري ايش اسوي احس بحزن وضيق وإذا افتكرت تصرفاتي أحمد ربي انفكيت منه ولعلها خيره
وقع الفأس بالراس
الىن لا دموع و لا كلمات ندم و لا حزن
قفي و استعدي للحياة الجديدة و ما توقفت الدنيا عنده ولا عند غيره
قالوا ناس زمان : رضيت بالهم و الهم ما رضي بيا


الخير في ما اختار الله
و لو كان فيه خير كان تصلح و أكملتما المسيرة معا
تخلصي من ماضيك السيئ معه و ابدئي مع أولادك غدا أفضل
و توكلي على الله هو الذي يسهل عليك و ييسر لك
ما فعلتيه معه ليس غباءا و إنما فعل زوجة صالحة ترغب بالحفاظ على عشها الزوجي
انا أعطي زوجي المال إن احتاج و هذا عادي جدا
و بالتالي الخطا منه و ليس منك
ناكر للجميل و المعروف دعيه يعيش حياته بالطريقة التي يرغب بها
الله يفرج عنك و يحميك
لا تبكي و لا تكوني ضعيفة فيكفيك ضعف السنين