عطونا افكاركم للضيوف المفاجئين برمضان الله يسعدكم

مرحبا صبايا
كل عام وانتم بخير وتقبل الله منا ومنكم صالح الأعمال 🌙
عطونا افكاركم لإعداد مائدة اذا جو ضيوف مفاجئين للفطور برمضان يعني مثلا عرفتو الظهر كيف تتصرفون ؟ هل تطلبون من مطاعم ؟ وايش نطلب ؟
لأن غالبا الوالد يحيه ضيوف كثير وبشكل دايم ولايقول لنا الا متأخر ويزعل اذا قلنا شي
وايش فيه افكار جديدة مميزة للسفره الرمضانية مثلا اي شي فكره او طبق او شي مفاجئ
وشكرا مقدما 🌹

6 تعليق 1,469 مشاهدة

شاركي في النقاش

سجلي الدخول لإضافة تعليق.

التعليقات

6
  1. @aaoatf_trky

    كل عام وانتي بخير وصحه

    ياختي الجود من الموجود

    واذا عارفين ابوكم من النوع اللي يعزم فجأه او يجونكم ضيوف فجأه بشكل مستمر احسبو حسابكم كل يوم زيدو الكميه

    ان ماجاكم ضيوف تسحرو به لا ترمونه .

    وترى من الظهر في وقت تزيدون الكميه المشكله لو قبل الاذان بنص ساعه يجيك خبر انه في ضيوف هنا جد الربكه والحوسه على اصولها ومافي حل الا اننا نقدم لهم فطورنا كامل واحنا البنات ناكل اي شي على رواق .

    وغالباً الرجال الكبار اكلهم شوربه وسمبوسه ولقيمات مع الطبق الرئيسي مثل هريس او مرقوق او ايدامات وكلها ممكن تجهزينها من الظهر مثل ماتجهزين للبيت

    اما المعجنات والمقبلات والصواني مو مهمه لا تضغطين على نفسك

    والافضل ان فريزركم مايخلو من الكبه المحشيه واقراص الكفته وستيك اللحم وصدور الدجاج المتبله وقت الحاجه تلقينها اسهل شي بوجهك وتوفر عليك وقت .

    كذلك انواع العجين الجاهز من السنبله وامريكانا وغيرهم تحشينه اي حشوه متوفره عندك سواء لحوم او خضار او اجبان او قشطه او مكسرات او شوكلاته و 10 دقايق بالفرن وهي جاهزه .

    حتى الكنافه اذا اشتريتها قطعيها وافركيها بالسمن او الزبده واقسميها نصين واحفظيها بالفريزر وقت الحاجه تستخدمينها .
  2. صاحبة الموضوع
    عواطف تركي
    كل عام وانتي بخير وصحه ياختي الجود من الموجود واذا عارفين ابوكم من النوع اللي يعزم فجأه او يجونكم ضيوف فجأه بشكل مستمر احسبو حسابكم كل يوم زيدو الكميه ان ماجاكم ضيوف تسحرو به لا ترمونه . وترى من الظهر في وقت تزيدون الكميه المشكله ل…
    شكرا جزاك الله خير
  3. @thany28

    هلا حبيبتي .. فيه البيتزا اسرع شي ترصين حبات من رغيف الخبز في صينية مدهونه بقليل جدا من زيت الزيتوت وتضعين على الخبز كاتشب ثم تونة ثم فلفل رومي مقطع مربعات صغيرة ثم زيتون اسود مقطع حلقات بدون بذور طبعا ثم جبنة مبشورة

    وتوضع في وسط الفرن وهوه بارد عشان ماينشف الخبز
    وتشغلين شعلة الشواية وتتركينها في الفرن لمدة ٥ دقايق فقط لين يسيح الجبن وبالهناء والعافية
  4. @alshhrorh_alyzabth

    مرا صارت لي
    وسلقت مكرونه بسرعه 10 دقايق تقريبا او اكثر شوي لين استوت ماخليتها تطول عشان ما تذوب وبوقت المكرونه تنسلق قصصت البطاطس مكعبات ب القطاعه وكميه قليله مو كثيره عشان الوقت وقليتها ع السريع وهي تنقلي قصيت بصله وثوم وحطيتهم ب الطاوه وشلت البطاطس وحططيتها ع البصل والثوم وزدت عليهم شوي من موية المكرونه وحطيت بهارات وماجي فتته عشان بسرعه يذوب وصفيت المكرونه وحطيتها عليهم وعندي بقدونس مفروم ومفرزن اخذت كميه وحطيتها عليهم وقلبتها ولين تسبكت وقدمتها مع الفطور


    وترا الجود من الماجود ومو لازم يكون اصناف كثيره
    وبوقتها مكنت مسويه الا شوربه وسمبوسه وسويت المكرونه بسرعه وخلصتها بسرعه اخذت نص ساعه او اكثر شوي
    وقدمتها
  5. @alshhrorh_alyzabth

    وفيه عندك مرقوق كذابي
    جيبو دجاج طازج من البقاله وقصصوه ارباع
    وقصصو خضرتكم البطاطس والجزر والبيدجان والكويه وحطوهم كلهم مع بعض بقدر الضغط ووقتيه ربع ساعه ويكون كل شي مستوي
    واذا استواء وقبل تقدمونه قصصو الخبز العراقي او خبز الصاج وحطوه عليه ورشي على وجهه بقدونس وقلبوه وقدموه
    ومثلا لو عندكم كبه مجمده طلعيها وخليها تفك عن الثلج لو شوي
    وهي تفك عن الثلج اطبخي بقدر مرقه لبن وجميد لو تحبونه وحطي بهاراتك وملح وحركيه لين يفور وحطي وشوي نشاء عشان يثقل
    وبعدها اقلي الكبه وسقطيها ب البن وخليه يغلى على نار هاديه او متوسطه نص ساعه وخلاص

تابعي تجارب أخرى من هذا القسم.