اهل زوجي نرفزوني
السلام عليكم بنات مثل ماكتب بالعنوان امس الفطور كان عند اهل زوجي ومدري ليه كنت متردده مية مره لأروح لهم بس عملت بأصلي وسويت بيدي طبق وقهوه وشاي ورحت لهم وانا بعادتي ماأروح يدي خاليه انا لي سنه متزوجه "ولسه ماحملت" ماعندي اطفال "لي سنه" هذا الشي الي مجننهم لدرجه اخته تقوله بنزوجك من قبل اسبوع وامس قاعده تغيضني بالكلام تتكلم مع حريم اخوانها تقول لهم يا ام فلان "توها والده من شهرين" تقول لها لازم تحملين حنا نبي نكثر ذريتنا وتكلم الثانيه نبي عيال جيبو لنا نحب البزران<< كل هالكلام نغزه لي بس انا من النوع الصامت عندهم ولو ماأكون صامته كان قد تهاوشت معاهم من قبل الزواج والأم الله يهديها تقولي طلعي من الدوام نبي عيال << طيب ولدكم راتبه على قده ولو قعدت بالبيت ادري اني بقعد بدون مصروف وهي لو شيصير ماتعطيني ولا ريال انا مابي منها شي الله يخلي لي اهلي بس من الغبنه امس رجعت البيت اصيح من القهر يعايروني بالعيال ليه!! قررت من بعد امس انا ماأروح لهم واتمنى مايجوني كثر التنقز يقهر بس علشان ارضي نفسي ابدعي عليهم بعيالهم والله يحرق دمهم زي ماحرقوني
