السلام عليكم يابنات احلى منتدى ...............
انا حضرت خطبة العيد وكان يتكلم عن المغالاة والاسراف من الامهات عند شراء ثوب العيد لاولادها وبناتها .. وقال صار العيد هم وغم على بعض الرجال . . صار بعضهم يستدين علشان يشتري اغلى واحسن ماركة في العيد لبناته.
وفعلا لاحظت ان كلامه صحيح مية بالمية.. فوحدة شفتها بالعيد لابسة بنتها اللي عمرها 8سنوات فستان عادي ومهب ذاك الزود.. وتقول : والله اني اشتريته بألف ريال؟؟؟
وزوجة اخوي عندها ثلاث بنات صغيرات الكبيرة عمرها 10سنوات... اشترت لكل وحده فستان ب300ريال+ حذاء ب150ريال+ قبعة ب40ريال.... يعني مجموع ملابس بناتها الثلاث =1470ريال
ولاتحسبون حالتهم المادية ممتازة ... حالتهم متوسطة وعندهم ديون واقساط وغيره..
بالله هذا مهب اسراف.. فيه موظفين يأخذون راتب شهر بهذي القيمة؟؟؟؟؟؟؟؟؟؟؟؟
وعمتي عندها بنتين .. كلف فستان الوحدة منهن 600ريال.. يعني الاثنين ب1200ريال ....... وهي عليها تايير فخم تقول: ب3000ريال؟؟؟ مع انها لاموظفة ولازوجها حالته المادية زينه
انا احس إن الرجال بدوا مايفرحون بالعيد علشان هالشيء.. خاصة اللي حالتهم المادية ضعيفة وعنده بنات ويبغن يلبسن احسن لبس مثل باقي الناس
هالحين جاء سؤالي لكم: وش اعلى سعر تشترين فيه فستان بنتك للعيد؟؟؟؟؟؟؟؟؟؟؟؟
شاركي في النقاش
سجلي الدخول لإضافة تعليق.
التعليقات
120- صادقة اشوف بنت عمي بسادسابتدائي لابسة تنورة 450 وبلوزة 250 وجزمة ب200
غير الشراب والربطة اللي على شعرها والاكسسورات والساعة اللي مادري بكم
مدري شجانا لاحول ولاقوة الا بالله - ياقلبي اللي عنده خليه يوسع صدره ,,, بس مسألة أنها تضغط على زوجها والله الرجال عقلة براسة ويعرف خلاصة يقدر يقول لزوجته تخف شوي صرف ,, وبعدين بعض الرجال أهم اللي وراى حريمهم وبناتهم بالأسواق يدخل معاهم ويشوف الأسعار ويحاسب هو,,,
أعرف واحد ظروف الماديه تعبانه مرررررررررره وبناته بالعيد شويه اذا صرفوا 5000 ريال .. سواء فطر او أضحى ويكون برضاه ... - كل واحد المفروض يمد رجله على قد لحافه
- وش يسوي الواحد
احيانا يدفع الغالي في مقابل لبس سريع وزين
قريبتي شرت لبناتها الوحدة ب500 والجزمة 100
لكن تستخدمه طول السنة
لبس مرتب وانيق وباين انه مو اي كلام - احس هذي الاسعار خذتيها من ماركه او من غير ماركه في وقت العيد يعني كلش غالي
فآخذ من ماركه احسن
واذا كان للعيد خليهم يعني مو دوم بس اوقات العيد خليها ومادام القاضي راضي ولو زوجها متضايق كان تكلم حتى الرجال ودهم تكون بناتهم افضل البنات
وفيه رجال يالغاليه ما يحب دوخة الاسراق يدخلك محل ويقول اشتري باي سعر بس خلصينا
فتلاقين الوحده تشتري من نفس المحل الجزمه والشنطه والفستان بالرغم من المغالاة فيها بس وش تسوي ؟؟ بتخلص
والله يتقبل منا ومنكم صالح الاعمال
وطبعا فيه ناس عندهم ال500 عادي تشتري فيها بالساهل واي شي وناس ال500 تسوى ويجمعونها بالشهر
وحلو الوحده تكون سياسيه يعني تجمع وتشتري زي الناس من غير ما تحمل زوجها العبء مره وحده (هذا اذا كان ما عنده ) اما اذا كان راتبه زين خليه الله يخليه لهم
ومشكوره يالغلا على الموضوع
مواضيع مشابهة
تابعي تجارب أخرى من هذا القسم.