💕التجمع ال 40 لامهات وحوامل التوائم 💕💕

من فين الاقيه لو تعرفي وتتوقعي بكم تقريبا الواحد لاني مااقدر انزل اجلس الف بالاسواق اريحلي اعرف مكان معين اروحله ع السريع لاني باضطر اخذهم معايا

بكل مكان فيه بسنتربوينت و بيبيز ار اص و كل محلات الاطفال..
انا حقات بناتي من شيكو من المحل نفسه وغالين والله ب ٨٠٠ تحسفت عليهم لو يرجع فيني الزمن شريت شي ارخص لان كرسي المواليد غالباً تضطرين تغيرينه بعد سنه لانه يكبر عليه..نصيحتي لك لاتتعدين ٤٠٠ ريال..

وبدال ماتنزلين بالاسواق اطلبيهم من ابلكيشن ممز ورلد يوصلونه لك ب ٣ ايام وتتفرجين عالخيارات وتقارنين بينهم وانتي ببيتك

تنقلاتي مع بناتي عباره كأني ناقله لبيت ثاني صعبه صعبه صعبه صرت اكره اطلع من البيت في رمضان تدرين مافطرت في بيت هلي ولا مره انا حاطه في بيت هلي كراسي لهم
وبالنسبه للكار سيت ماخذيته الخدم يشيلون البنات وأحسه يسوي زحمه في السياره
ومن كثر الأغراض اللي خذيتها لبناتي ماعاد ابي اخذ شي البيت صار عباره عن ستور اشتري واخزن وقسم بالله في أغراض جديده بكراتينها مابطلتها وشاريتها بمبالغ مب بسيطه بنات تعوذوا من الشيطان خفوا سوق انا نص الأغراض ابتلشت فيها مادري وش اسوي فيها

عنهم مارضوا الناس انا نفس القصه بس بين بيت هلي وبيت اهلهم وحتى اللحين في رمضان مرتين بس رحت لعمتي وهلي ولا مره فطرت عندهم لان بيتهم شوي بعيد وماحب الطريق الطويل مع الزحمه وصياح في السياره انعزمت كذا مره عاد وحده شافتني في بيت هلي قالت تعالي انتي والبنات تعذرت بخصوص اني اجيب البنات المهم شفتها ماقتنعت سلكت لها قلت خلاص جيتها وخليت بناتي عند امي قامت تتشره وليش ماتجيبينهم قلت انا جاية ابي اتقهوى على راحتي وابي اتعشى على راحتي ابي اسولف مابي أتقيد بتبديل ولا برضاعه وبناتي حتى المكان يستنكرونه بقعد أسكتهم طول الوقت طلعاتي محدوده جداً والمجمعات مرتين وديتهم مره وديت وحده والمره الثانيه ثنتينهم المره الاولى طلعت من عيني الله يحفظها تسوقت قامت تصيح تبي حليب ورضعتها وخلصنا دخلت مطعم بتغدا الشيخه الله يحفظها سوتها تكرمون طلعت للحمامات ورجعت بتغدا بناتي متعودين ينامون في هدوء تعرفون المطاعم والمجمعات ازعاج قامت تصيح تبي تنام مب قادره قلت خلاص بطلع ماقدر والله وطلعت
انا اللحين أفكر في العيد وش بسوي معهم ماقدر أطلعهم أولاً بناتي يستنكرون وبسم الله عليهم ثنتين الله يحفظهم احنا في العيد تجمعات بشكل يومي
وبالنسبه لوضعي مع زوجي
وقسم بالله كانج تتكلمين عن وضعي مع زوجي انتي تدرين شليت أغراضي في غرفة بناتي وأنام هناك مع بناتي حطيت لي سرير واللحين أقول ابي تلفزيون في الغرفه عندي يقول ليش بتقعدين طول الدهر هناك 😂😂والطلعات ماعاد فيه طلعات ودلع اخر مره رحنا مطعم وانا حامل 😂
تمشيه معه نسيتها اول بشكل يومي
الله يسخرهم لنا يارب ويهدي بناتنا ويبارك لنا فيهم

😭😩هذا ومعك شغاله
انا افكر اقدم ع شغاله عشان تساعدني ويصير في وقت لنفسي وزوجي 😂 لالا اوفر الوضع الناس مفكره من الاساس ماروح الا بالمناسبات ولا اطول عشانهم وعشاني بس شكل الوضع اكبر من كذا الله يعين ☺️ويجيبهم بالسلامه ي رب
قاعده اقرا باليوتيوب امها توام ماشاء الله في وحده عجبتني وبحاول اقتدي فيها واقلدها بس فعلاً ارتاحت في تربيتهم لانها ضاغطه ع عمرها في البدايه بحاول اجيب اسمها او قناتها باليوتيوب