سالفتي اللي محيرتني مع زوجي .. 😭😭

اي حب ومسبب لك نزيف بترجعين
ارجعي بكيفك بس طلعي تقرير طبي بحالتك لأنه بيضربك مره ثانيه وعاشره
فمالك الا تشتكينه اذا مو متفاهم معك ولا فيه اي فايده يأدبونه انا لو مكانك ماارجع الا الضرب خط احمر عندي

ليه ماتتفاهمون بين بعض بدون تدخل الأهل
اذا دخلو الاهل كبر الموضوع!!

ياحريم لا تهاجمون الرجال انتو ماسمعتو من الطرفين وهي تقول انها تعصب وتصير نفسيه بالحمل!! بعض النفسيات مايتحملها الرجال
وبالنسبه للزوجه لازم تهدي نفسها اذا عصبيه او مضغوطه من الحمل او اي شي ثاني
اقري قرآن كثري استغفار حوقلي شغلي قران في بيتج

عندك اطفال ويشوفونكم وانتم تتهاوشون ويشوفونك وهو يضربك ؟ أنا شايله هم الاطفال ياعمري اللي عايشين بجو متوتر كله هواش وضرب طيب هو ليش مايقدر انك حامل الواحد يصبر على نفسية زوجته وقت الحمل تكون حساسه بزياده هو مو متعلم مايعرف ان هرمونات المرأه وقت الحمل مضروبه .. ياما اعصب على زوجي وقت الحمل ويصبر يقولي عارف مو منك من هرموناتك حتى يعتذر مع اني انا الغلطانه .. اما انه يمد يده عليك وانتي حامل الواحد يخاف يزعل زوجته وهي حامل حتى مايصير فيها شي كيف يضربها .. هو غلط بحقك وانتي ليتك دامك تعرفين ان زوجك مايقدر وضعك كان نفستي عصبيتك بشي غيره مو عشانه بس عشان اطفالك ترى لما الطفل يشوف خصام وضرب بين امه وابوه تتأثر شخصيته بشكل كبير بينكم ٩ سنوات عشره توك تقررين تروحين لاهلك .. الله يعينكم الحين بتكبر مشكلتكم وامك وابوك راح يحقدون على زوجك حتى لو راضاك ورجعتي والناس بتاخذ سالفتكم سيره يتسلون عليها اللي بيقول هي الغلطانه واللي بيقول هو الغلطان .. عموماً الله يصلح حالكم ويبعد عنكم المشاكل

انتي غلطانه بعد واضح من اسلوبك انه بعد عصبيه وتزيد الطين بله لذلك توصل للضرب بينكم


حبيبتي انتي الحين كبرتي الموشوع والموضوع لاكبر ماراح تلمينه


بعض المرات الحرمه نستعجل وتندم اسمعي كلامي وخلي ابوك يدق عليه ويجي وخليه يتفاهم معه وخلاص ويقوله بنتي ماتضربها غلطت تقدر تسوي اي شي الا الضرب


العناد راح يجيللك خراب بيتك وبالاساس الغلط عليك وعليه كلكم غلطاانيين وترا العناد وكبر الراس نهايته ندم


خلي ابوك يعزمه ويتفاهم معه وجهزي اغراضك وارجعي بيتك وحاولي ماتحارشينه وحاولي نفسيتك تكون هاديه ماتحارشينه وتزيدين الوضع بينكم
.الله يسخرلك