سالفتي اللي محيرتني مع زوجي .. 😭😭

انا ماني خايفه من الطلاق لأني ماغلطت في قراري وقبل كذا صار نفس الشي وعطيته فرصه يتعدل . الطلاق موب عيب ولاعمره كان نقص للمرأه .. اللي تطلقت هذا نصيبها من الدنيا وماعو دليل انها فاشله او انها موب كفو للزواج . بعض الطلاق يكون طلاق شرف افضل من انها تجلس ذليله في بيت زوجها .. .. بالنسبه للزواج :. يعني لو رجعت له وهو ما اعتذر وقال عني اهنتها وضربتها ورجعت عشان ما اتزوج عليها .. بيكون افضل ؟؟؟؟ يمكن يكون افضل للبعض .. بالنسبه لي انا مستحيل ارجع له بسبب خوفي مايتزوح علي او بسبب خوفي ما اتطلق .. اولا واخرا الكرامه فوق كل شي .. واذا الوحده شافت الغاط من زوجها وسكتت عليه تستاهل يصير فيها كل شي . انا قررت اني احسم المسأله هذي ي ارجع معززه مكرمه وراسي مرفوع وقلبي راضي .. او احلس ببيت ابوي لو ياخذ علي ثلاث .. موت العز ولا حياة المذله .. ايه انا احبه وهو يحبني وبيننا عشره واطفال بس المفروض التنازل والتحمل والتعاون والاحترام مع الوقت يزيد ماينقص ..

يااختي احسك تحسستي من الردود وزعلتي،


محد يفهم المشكله مثل راعيها فلاتاخذين بخاطرك من الردود اللي ماهي فاهمه او مستنقصه وخذي اللي يفيدك..
بالنسبه لمشكلتك اعتب عليك انك ماضربتي الحديد وهو حامي المفروض اول ماضرب وجاك نزيف تروحين لاهلك لان المماطله اعطته صوره انك راضيه والان انصدم لانك ساكته فتره طويله وماانتفضتي في الوقت الصح..


الشي الثاني اذا عارفه زوجك حبيب وطيب وبينكم حب وعشره اكييد تعرفين وش اللي يستفزه ويخليه يمد يده، لاتتعذرين بالعصبيه، عدلي من نفسك واخطاءك في رجال مايستحمل طولة اللسان ورفعة الصوت..


مثل مو انتي حابه يتغير حاولي بعد تتقدمين معاه خطوه وتتغيرين للافضل علشان حياتكم تستمر..


والله يرده لك رداً جميلا ويسخره..

انا ي قلبي لما جاني نزيف تنومت في المستشفى اهلي مو عندي بنفس المدينه وكمان اهله يعني مالي احد غيره .. بعد ربي .. عشان كذا اضطريت اصبر وابوي لما قال بيجي ياخذني رفضت خفت عليه من الطريق والتعب وهو كبير سن .. وقبل اجي لاهلي بيومين تهاوشنا ومد يده .. جيت لاهلي وانا زعلانه ماكنت راضيه عليه .. وهددته وانا في البيت قلت له لوً غلطت علي او رجعت تمد يدك ترى مالي رجعه .. اخذ كلامي بالمهزله وسكت وجينا لاهلي واحنا متهاوشين ومن دخلت لاهلي وانا ساحبه عليه .. .. بالنسبه للردود اللي تجي موب في محلها .. المفروض تحط نفسها مكان اللي طرحت المشكله وترد رد اخت لاختها ..

ياعمري الله يهونها عليك اي والله زوجك لازم يتادب واسمك زعلتي ازعلي زعله علشان يتوب يمد ايده عليك وهو اذا يحبك بيجي يطيب خاطرك ويراضيك انتبهي تتنازلي وترجعي اذا م رجعك هو الله يرزقك باللي تتمنيه

الله يفرج همك وهمي ووالديني واهلي والمسلمين