قصة توبتي + أنقذوني فأنا شبه ميته

اسمعيني ي قلبي اول شي الحمدلله انك تبتي وعرفتي الطريق الصح ويارب يثبتك
ثاني شي لازم تسامحين نفسك ي ختي الله سبحانه يسامح احنا ي البشر ليش مانسامح
سامحي نفسك وحبيها ولاتعاقبينها
بالعكس انتي تبتي مفروض تهنين نفسك وتكافئينها وتشكرينها
وبعدين ترا الشيطان يوسوس لك ويخليك تفكرين غلط وتعيشين بهم وغم انتي خلاص تبتي واي رقم يجيك عطيه حضر مثل ماتحسنت علاقتك مع ربي حسني علاقتك مع نفسك وقولي سامحتك ولاتقسين عليها
وبكرا أن شاء الله تتزوجين وتنسين الماضي ذا وانتي اخذتي درسك وخلاص
وربي اكيد بيستر عليك لأنه يرحمك أكثر من نفسك
وبسسس

أنا لاحظت شي في كلامك مدري يمكن استنتاجي خطأ لكن فكري في كلامي بعمق
أنت تركتي هذا الطريق خوف من الله ولا من الفضيحه؟؟؟
ترى بينهم فرق كبير جدا يمكن انت تعتقدين انك تبتي لوجه الله وخوف منه بس في الحقيقه انت خايفه من الفضيحه لدرجة الرعب من كل رقم غريب
راجعي نيتك حبيبتي وتوبي لوجه الله فقط
ساعتها فقط راح تحسين براحه لان ربي يفرح بتوبة عبده ومستحيل يفضحه


بعدين احب اطمنك ربي ستير ومايفضح عباده ابدا الا اذا تمادوا ليردعهم أو اذا هتكوا ستر غيرهم فيهتك سترهم جزاءا وفاقا

يقال سرق أحد الرجال فأخذوه الى عمر بن الخطاب رضي الله عنه ، فقال الرجل : أقسم بالله هذه أول مرة
فقال عمر : كذبت إن الله لايفضح عباده من أول مره

انا انصحك تتخلصين من الشريحه عشان يخف عليك الظغط النفسي والخوف
فكري في اي عذر وقوليه لاهلك حتى لو تقولين الجوال ضاع بكبره
والله محد بيشك فيك بس انت من خوفك تحسين كل الناس بتنتبه لك

اقرأي في اسماء الله الحسنى الستير الغفور الرحيم
بتتغير نظرتك لموضوعك تماما

اقرأي هذا الموضوع فيه عزاء لك ولكل تائبه

وحده من خوياتي زمان,,قالت أنابنت رجال,,والله يقـول(فلا تزكوا أنفسكم هو أعلم بمن أتقى)

خففتو عني همي كثير دايم الشيطان الله مابيسامحك وتولدت عندي عقده من الذنب

من المؤكد اني تبت لوجه الله لكن صار عندي عقده نفسيه رفضت أسامح نفسي وشكرا مقدما

الحمدلله أن الله يحب التوابين ويحب المتطرفين
اختي ياليت اتغيرين اسمك ليه امسميه نفسك الماضي الأسود. .غيره باسم جميل يدل على التفاؤل وحسن الظن بالله