مواقف يوم الولادة او البنج 😣😣😣😣

ههههههههههههههه انا ولادتي كانت ١٣ / ٦ العام
نزلت سدادة الرحم وانا بالشاليه مع امي وخالاتي
واعلمهم قالو يووووه توك توك يوم رجعت البيت
عالفجر جاني طلق واسولف مع اختي واقوم واقعد
ومن قو البراءه اقولها انا فيني مغص مدري هو طلق ولا
غازات .. اظن كان يجيني كل نص مدري ربع ساعة
المهم ان ابوي كان موجود وقلتله يوديني وراحت معي
اختي اللي اصغر مني بسنة .. وكنت امشي وهي تروح
وترجع لي وعلى هالحال الين اشتد الطلق واسجد
واقول يا رب يا رب وكل ما شافتني اختي سويت نفسي
عادي وان مافيني شي واني انا القويه ماني مثل غيري
😂 وشافتني الممرضه قالت فاتح ٤ يالله ولاده
واروح للسرير واسولف مع القابله عاااادي يوم جاني
امر الله وانا اتلوى يمين يسار واحس اني ابي اهج بس
مدري وين اروح وكنت اسولف مع القابله عادي والحين
اقول انتم ما تحسون ( ما عطوني البخار اللي يريح
يتمططون ) المهم اني رحت غرفة العمليات ورجلي
عاكفتها عشان احس انها تريحني كذا شوي < خرطي
بس عاد انا حسيت كذا
وبالاخير يا طويلات اقول لا تهايطن مثلي واخر شي
عمليه 😂😂😂😂😂😂💔

الله على الاكشنات في الولاده 😥😥
انا بولادتي الاولى كنت صغيره وما افهم شي من الدنيا حتى الولاده ماعرف امي الله يخليها لي كانت تلمح لي من بعيد لانها تعرفني خوافه
المهم وقتها كنت ادرس وكان يوم اربعاء واختباراتنا النهائيه يوم السبت
كنت غايبه فقمت بعد الفجر اذاكر ولما فتحت الكتاب احس بالالم ما اهتميت شوي يزيد عرفت انها ولاده وادق على زوجي كان بالشغل ويجي مفجوع
طبعا بعد ماجربت الولاده عرفت ان الالم مايذكر ولاشي عند الطلق
المهم واقوم احط مكياج واخذ كتبي معاي في شنطه المستشفى على بالي الولاده سهله وبجلس اذاكر 😂😂
وادخل المستشفى كل سستر تشوفني تقول انتي جميله جايه حاطه ميك اب ولبس حلو ومتعطره حتى جسمي مرطبته
ولما زاد الطلق ااااه بس والالم وبكريه اتوقع الحاره كلهم سمعو صراخي واجلس على هالموال من ٩ الصباح ماولدت الا ٥ العصر بطلعت روح
وياليت في تصوير لمنظري بعدها كاني طالعه من حرب المسكره سايله على خدي من البكاء وشعري نافش لفوق وعيوني ورمانه من البكي والتعب منظر لايوصف
المهم ولدت بسلامه ورحت للمدرسه اجباري اختبر السبت نهائي ومافتحت ولاكتاب ههههههههه
والحمدلله نجحت وبنتي الحين بالجامعه الله يزقني برها هي واخوانها

أما انا اول حمل لي توأم المهم وحام وتعب بالسابع وانا نايمه كبس علي مويه أفكر اني بتبول على نفسي من ضغط بطني سكتت وخجلت أسأل حدة نمت الصبح نفس الحالة وبكشف ونه دم صرت برجف ويروح زوجي وينادي اختي وامي ورحنا طبيب قال ولادة مبكرة لاكن المايه كويسه والاطفال كويسين ارجعي عالبيت خذي مصل ودوا بلكي يتوقف الولادة مارضيت رجعنا دكتور ثاني قال مشفى ومصل توقيف ولادة المهم رحنا وحطينا المصل واستقر وضعي طلعت البيت باليل رجع الدم والا امي تقول بعرف دكتور شاطر بنروح له رحنا عمل سونار قال يخرب بيتكم ليش ساكتين الحرمه بتموت معاكم لل٨ تقررو عمليه مايصح حتى ولادة تنزف والضغط عالي ورح احطلها دم لبين ماتقررو بس ازا ماعملتو العمليه تروح الحرمه زوجي وامي وافقو وانا المهم دخلوني العمليات ضربوني ابرة البنج بظهري اجا الدكتور مسك المشرط وبقعد حيلي واصيح طلعوني طلعوني دكتور جن وحطلي منوم انا بهالحالة بحس لاكن مااقدر اتحرك المهم بدي ارجع وختنقت عايزة انادي مااقدر عايزة اقول خلص انتهيت ماحسيت الا انا برة وامي تقول البنت ماتفيق ليش بس من المنوم استفراغ وجع راس ولهل حين دوار دهليزي معاي القيصيريه الثانيه ستهديت بالرحمن سبحان وتسبيح وصلاه على النبي ماحسيت بشي والله يخونه علينا

بسم الله شلونكم بنات انا جديده عليكم بسم الله انا بولادتي الثانيه معاي سكر حمل بعيد الشر عنكم
فبعد عدا مراجعات قررت الدكتوره دخول وطلق صناعي مع العلم انا باخر الثامن تو الناس علي
دخلت وانا مافيني لا طلق ولا الم ولا اي شي بعد الدخول ارسلوني غرفه الولاده حطو لي تحميلا طلق صناعي وردوني لجناح على ما يحمي الطلق بس للاسف ما صار طلق نوموني بلمستشفى خوفن يجي لي طلق في وقت متاخر مع تنضيم السكر طبعاً
ثاني يوم ارسلوني ثاني مرا غرفه الولاده واخذت تحميلا ثانيه ورجعوني لجناح طبعاًي بنات زوجي ما فارقني خوفاً علي وع الجنين يواسيني قعدت اتالم الم في الحوظ بسيط جداً بدا يشتد علي فحصوني قالت اثنين سانتي ما ندخلج بعد يبيلج بعد دكتور رايح دكتور جاي فحص والم داخلي وبعدني اثنين سانتي زوجي قرر نطلع نروح خاص بس رفضت وقلت نصبر قال نطلع نتفسح شوي واردج اخذني زوجي مطعم ههه وعقب فكرت انه في شي اسمه خروح يسهل الولاده ياب لي زوجي خروع من الصيدليه اشربه بقيت اموت من الدهن والثقل اللي فيه طبعاً خرافات ماسوا ولا شي انا قاع اطلق بسياره ورا بعض وبالم واصارخ ورافع رجولي واطلق من الالم وزوجي ع طول ردني للمستشفى دخلوني الولاده ثلاثه سانتي واطلق موووت احس البيبي بيطلع خلاص ما عطوني بنج ولا حتى ساعدوني بشي وتمر علي الدكتوره وتطبطب ع رجولي لسى كمان لسى كمان بدا صوتي يختنق ويتغير واحس اني بموت واللي يمر علي يقول دي بتعمل ايه دكمان ليى وقت عليها ثلاثه سانتي مش هتولد قلت بولد بيطلع بيطلع محد يرد علي طبعا اقولها بصوت مخنوق مبحوح وانا اطلق ارفع راسي واطقه وبديت انزل من السديا من كثر الطلق حامي جا الدكتور فحصني قال اربعه سانتي لسى كمان قلت طلع طلع قعد يضحك ولا عطاني بال غطاني بشرشف ابيض وانا اقلت اءءءءء جي بصوت ينرفز والدكتور قال دي بتعمل ايييه قال ارفعي الشرشف سستر رفعت ولا قعد يصارخ ولاده ولاده ولاده باربعه سانتي ازاي كده وجو الدكاترا و ولدوني واهم خايفين يقولون شي مو طبيعي ولاده ب اربعه سانتي لان انا من كثر التحاميل طلق صناعي تو طلع علي حاااامي وايد ومالم ف شقيت نفسي من الطلق شق ولادتي الاولى القديمه هذا كله خطى من الطلق الصناعي جداً متعب واهمال الدكاترا للمولود الثاني

لا اتوقع زاد بسبب الخروع يحمي الطلق بس مايفتح الرحم