الي حصل مانسيته ذكرى اتعبتني

تقريبا مثل وضعي فقر وحرمان فالطفوله بس الحمدلله كنت متفوقه واعشق المدرسه واكره شي اسمه اجازه
لما دخلت الجامعه وصار عندي مصروف تفننت ف اقتناء الأقلام والدفاتر المزركشه وحتى شباصات الشعر والبينات لأنه هذي الأشياء كنت احصلها بصعوبه
كانت اقلامي والمقلامات وبينات الشعر مميزه وااايد وتجذب الكل، حتى كنت احط بينات الشعر حتى بعد زواجي بسنين وحده ع يمين وحده ع يسار كني طفله
والحمدلله فتره وعدت واحتفى هوس الشراء


خبرتج سالفتي عشان تعرفي هذي فتره وتعدي إن شاء الله
الله يخليلج عيالج وتفرحي بيهم

صادقه زمان كانوا المعلمات جبارات حسبي الله ونعم الوكيل
مو من طبعي اشيل علي احد فيه معلمتين الي الان اقول خلاص عفى عما سلف وابغى اسامحهم لوجه الله بس بداخلي كميه زعل عليهم يمكن لانهم ظلمونا واحنا اطفال لا حول ولا قوه
وحده منهم كانت تعذبنا نفس ما قلتي
والثاني كانت اداريه
وقتها كان مجلس الامهات وجات امي تبغى تستفسر عن شغله منها المهم نفخت علي امي قدامي وطردتها من الاداره قدام الناس
امي من الناس اللي بحالها مشت وطلعت ولا كلمتها بس حسيت بانكسار امي بذاك الوقت انها ماقدرت ترد عليها
والي الان قلبي شايل علي هالاداريه ما قدرت اغفر لها اللي سوته بامي

يابنت الحلال الاغلب عانى بالفتره هذي
قولي الحمدلله عوضت نفسي وعيالي ..
والله اذكر اني كنت شاطره ومتفوقه و يطقوني بعد !
تخيلي
يعني الاولى عالصف ومرات عالمرحله
وعطتني الابله كف بس نسيت اكتب واجب مره
و مره ابله ثانيه عطتني كف صفر اذني منه بسبب قالت لي كلمه مافهمتها هي من اصول ايرانيه و انا بدويه و قالتها بزمن مافي تفتح مثل الحين وكانت تبييني اجيب لها الشغله هذي و مافهمت قلت شنو شنو ؟
و يجيني ذاك الكف !!!
و زميلتها تعزز لها تقولي عيب تسالين الابله شنو شنو !
شفتي الظلم بس
وطبعا ما كنا نشتكي لان المعلم صح و انتي خطا ولهم اللحم وللاهل العظم و هالسوالف
والحين كبرت وتوظفت وصرت معلمه ونادر ما اعصب عالطلبه وما امد ايدي واحاول احتويهم

بقيت ببالي عقدة كان عيد وطلبت من ابي يشتريلنا
نوع من الحلويات كان من اغلى الانواع بس ابي كان قادر
واشترى نوع رخيص من الحلوى ولما احتجيت ضربني
بقيت عقدة ببالي كل عيد ﻻزم اشتري ها النوع من الحلويات
الله يرحمه يارب ويغفرله

بنات الله يسعد قلوبكم.. هادا شي من الماضي ومهما اثر فيكم في الطفولة... هادا شي راح في حاله.. عفى الله عما سلف... الله يسامح المعلمات كلهم كانو جاهلات... لكن احنا اللي حنتعب لو افتكرنا ايش سار وايش حصل ومهما كان لو مارحنا المدرسة كان ندمنا ندامة عمر... مهما انكسر الانسان في ماضيه يقدر يبني نفسه بلاش ضعف شخصية وسلبية ياجميلات كونوا واثقات ومتفائلات