والله شوي وأبكي من بشرتي الله يسعدكم ردوا علي 💔😭

جربي السدر وبس


تراه كنز مايدرون عنه البنات

جربت غسول هملايا
بس مافاد معي

طيب اعطيني طرق استخدامه

ولا الكل يقول السدر زين يوحد اللون ويصفي بس مالقيت طريقه استخدامه

لازم عناية مستمرة وروتين يومي

اولا تنظفين وجهك اقل شي مرتين يوميا عند الصباح وقبل النوم

وترطبين الصباح بمرطب خفيف

العصر تسوين ماسك مثل السدر مع حليب او زبادي عاد بكيفك وشوي كركم وشوي عسل وموية دافيه

وتخلينه يجف اقل شي ٥ دقايق وتغسلينه بمويه بارده


واذا جاء الليل اغسلي وجهك بغسول


نصيحه بعدي عن الصوابين لأنها تجفف وتسبب خشونه وتجاعيد مع الوقت

وقبل ماتنامين رطبي مرطب عميق شوي

الخيار مفتوح لك

بس افضل شي للهالات ولتوحيد الوجه وللنظاره
زيت اللوز وزيت جنين قمح
بس في الليل


والتقشير مرة بالأسبوع اختاري اي شي ويفضل يكون طبيعي مثل سكر وزيت وبرفق

لان الدلك الشديد نتائجه عكسية للاسف وحتى للجسم مايصلح

استمري أسبوع وشوفي النتيجه وخليه روتين طوال حياتك
برنامج سهل بسيط

وإنتي مع الوقت بتفهمين بشرتك وش يناسبها وش تحتاج وش الأشياء للي ماتناسبها وزي كذا بس انتي ادعي الله دايم قولي يارب وفقني لان التوفيق مهم

ومع الاستمرار على السدر نتيجة خيال لانه يوحد اللون ويبعد الحبوب والبقع وفوائد لأغنى عنها أصلا حتى للشعر يطوله بصوره خياليه تخيلي وحده تقول شعرها بالشهر طول ٤ سم وحتى مع السدر يصير كثير >> خرجت عن الموضوع😅
وإنتي حاولي تبعدين عن الأشياء الي مو طبيعيه توا الطبيعي وربي احلى احلى شي شوفي بنات ايام زمان كلن بشرتهم تلق لق
ليش لانهم مايعرفون غير السدر الي هو كنز أصلا حتى للجسم يصفي ويشيل البقع الحبوب والخشونة وحتى سمار الجسم سبحان الله وتعرفين ان ايام زمان ماكان عندهم السموم والبلاوي الي عندنا وكل شي صحي وطبيعي عشان كذا مايشتكون من بشرتهم وشعورهم

في النهاية هذه عناية خارجيه يااختي


لازم وتذكري قبل العناية الخارجي
عناية داخليه مثل شرب المويه لترين في اليوم ولو تأخذين علبة موية مثل دالا او نوفا يكون احسنً ليش؟؟؟؟ لان الموية ذي الرقم الهيدروجيني فيها ٦ او٧ وهذا مفيد للجسم احسنً من موية الكلور الي متعودين نشربها
المهم انا مجربه اذا استمريت على موية العلب بشرتي فيها نعومه ونظاره وارتواء عجيب
لازم علبتين الي هي لترين تقسمينه طوال اليوم
وعاد الخيار مفتوح لك حسب ضروفك يعني مو شي ضروري


ثانيا الرياضه وتحريك الدورة الدمويه وأثره على جمال البشره والشعر وحتى الجسم وحتى النفسيه سبحان الله
وبسيطه جدا مشي سريع ربع ساعه كل يوم
شوفي السهولة كيف ؟
ومع الوقت زيدي السرعه واركضي اذا عندكم مكان واسع بس على العموم لاتزيدين عن ساعه

ثالث شي هو الغذاء

اولا في غذاء صحي وفي غذاء عكس وكله سموم

طبعا أكيد انتي تعرفين الصحي والعكس

حاولي تتجنبين الأكلات الغير صحيه مثل الغازيات والشوكولا والشيبس <<دمار للبشره
وحتى الأكلات السريعة الي من المطاعم والأكلات المقليه بالمطاعم

يعني حاولي يكون أكلك من البيت صحي واذا تبين تقلين مثلا بطاطس او أي شي خذي زيت زيتون او ذرة او نخيل المهم زيت صحي وتبعدين عن الزيوت المهدرجة فيها بلاوي وسموم

عموما انصحك بقناة اسمها حياتي وردي تلاقينها بقوقل وباليوتيوب مرا مرا مفيد


اهتمي ايضا بالمشروبات للي تنظف الكبد مثل الشاي الأخضر او الكركم والزنجبيل والليمون

او عسل على الريق مرا ينظف الجسم وكنز من جد

وحتى زيت الزيتون كنز اذا تتحملين طعمه


في النهاية النوووم والراحه النفسيه


السهر عدو للبشره ولأبو كل شي


النفسيه الاكتئاب والحزن ودي برضو تقلب الشكل اعوذ بالله

يعني نامي اقل شي ٨ ساعات بليل لازم لازم

أسفه على الاطاله 🌷
ادعيلي ربي يوفقني ويشفي امي واخوي

ياقلبي سهل جدا جدا




الوجه عادي تختارين وش تخلطين معه او تبينه وحده بس سدر ومويه عادي مو مشكله بس اذا بتضيفين مكونات يكون احسنً


انتي اقري بالنت اكتبي السدر للبشره وشوفي تطلع تجارب تجنن

وحتى تقدرين تستخدمينه غسول بدال الصابون يعني تنظفين وجهك فيه بدال الغسولات


الجسم سدر مع حليب او سدر مع كركم او سدر مع حناء

عاد بكيفك يااختي تخلطين الي تبين المهم السدر مكون أساسي
عجييييب بس نتيجته شوي بطيئة لكن يكفي انه طبيعي وآمن ومتوفر سهل تحصلينه بالسعوديه خصوصا اذا عندكم شجره او عند احد تعرفينه خذي الأوراق وخليها تجف بعدين اطحنيها هذا افضل مية مرا من الجاهز لانه طازج وتضمنين ان مو مخلوط معه شي
برضو السدر شوي يجفف لازم ترطبين باي شي زيوت او كريم جليسرين او جلوسيد او اي لوشن

وإنا برسلك رابط للسدر للجسم اتبعي ألطريقه بحذافيرها
بس مانبي كسل

لازم اراده عاليه