تعبت من تقصير واهمال زوجي لي ولاولادي ساعدوني

السلام عليكم جميعا
انا مغتربة من شهر واستقريت ببلد زوجي مو هذا المشكلة المشكلة انو متزوجين صار لنا 14 سنة ونص الحمدلله ربي عطاني قدر كبير من الجمال احمده واشكر فضله هاديه ما احب المشاكل اخاف ربي واصلي واقوم بواجباتي بالبيت وبزوجي واولادي وعمري ما اهملت نفسي حتى اهله اعتبرتهم اهلي واحبهم وهم يبادلوني نفس الشعور ولله الحمد واحب التغيير ساعة رومسية ساعة شقية ساعة فرفوشة باختصار متجددة في كل شي((((( زوجي ما يهتم فيا ولا باولادي ومع الناس العكس تماما يعاملهم بمحبة حتى بنات واولاد اخوانه واخواته يدللهم ويقلهم كلام جميل ويعاملهم بلطف وانا عمره ما دللني ولا غازلني مع اني قلت له في بداية زواجي اني احب المغزلة احب يحسسني اني انسانه يدللني والله ابويا واخواني كل ما يشوفوني يمدحو فيني ويغازلوني وهو لا اولادي يعاملهم بقسوة بالكلام والناس الثانيين بلطف ليش اش سويت له عيشته ملك اصحابه واقاربه يحسدوه لان عنده زوجة مثلي انا اسمعهم بنفسي بيته دائما نظيف اولاده شاطرين بالدرسة واخلاقهم كويسة ومؤدبين شاطرة بالمطبخ اكرم ظيوفه واهله ابوه يعزني اكثر من بناته ما في مناسبة نسيتها اعياد ميلاد ذكرى زواجنا احسه ناشف معايا مرة بنت اخوه جابتله شاي قلها يا سلام الشاي حلو بس اذا قلبتيه باصباعك حيصير احلى قدامي قلها كذا راح طالع فيا لانه المفروض يقول الكلام دا لزوجته من قبل 14 سنه قلت له ماشاءالله تعرف تطلع كلام حلو وين مخبيه من زمان تعرفو اش قال انتي تغاري منها....
من قهري لاول مرة قلت له انت مجنون؟ انا اغار من بنتك بنت اخوك تصير بنتك وعادي جدا تدللها بس ليش حارمني من دلالك سنين والله اكلمكم ودموعي عخدي
واذا كنا مجتمعين مع اهله ما يعبرني اتكلم الكل يسمعني ويطالعني باهتمام الا هو لاو يقاطع كلامي واذا ناديته ما يسمعني يحرجني كلهم سمعوني اناديه يروحه يقو لو له زوجتك تكلمك لكن اذا غيري ناده يرد بسرعة دايما احضنه ابوسه عمره ما بادر
في البيت دايما تعبان ونعسان نشغل فيلم خمس دقايق نام مع اهله واصحابه يقعد لثاني يوم ما ينام ويكون نشيط
واذا طفح الكيل ادخل غرفتي ابكي بحرقة واذا دخل يسوي حاله مستغرب اشفي ليش تبكي تعبانه احد زعلك.. ساعدوني والله خايفة اكرهه على قد ما كنت احبه واعزه بديت اعوف الجلوس معاه والكلام معاه صرت لما يجلس جمبي اقوم لما يكلمني ارد بكلمة استغفرالله حتى ما احب اطالع في وجه ما ابغا اكرهه مهما كان ابو اولادي وزوجي بس اش الحل عطشانةحب واهتمام وتقدير حتى في الفراش مقصر هو حاسس اني بديت ابعد عنه وهو بدا يحن ويقرب حاسته خايف يخسرني هو عارف نفسه غلطان بس ما في قبول ماني قادرة قلبي يعورني شاورو عليا الله يسعدكم واسفة طولت عليكم والله مالي الا الله ثم انتو