طيب وايش قررتي؟
حتكملي معاه ولا مع بندر؟
انا سبق ورحتله زي ماقلتلك وهو هادي ويسمع واقترحت عليه نعمل منظار عشان نعرف سبب فشل العمليه ما رضي وقالي مارح اغير بروتوكولك اللي كنتي ماشيه معاه مع الدكتور السابق
فحولت عند بندر وشايله هم البهدله معاه ومع مستشفى الحبيب لما رحت لبندر قالي بيعمل تحفيز للرحم وتحوير مناعي والامر بيد الله من قبل ومن بعد علما انه ماعندي مشكله ظاهرة غير انسداد الانابيب فجاه من دون سبب ظاهر رغم اني اعمل كل سنه مرتين فحص مهبلي عشان عندي وسوسه من الالتهابات وخلال ال٩ سنوات اللي راحت ما اصبت بولا التهاب لكن ما ادري ايش سبب انسدادها كمان لاحظت في عملياتي السابقة انه الاجنة نسبه عاليه منها مضروبه يعني يطلع معاي اجنة وينقسمون لليوم الخامس بس لما نعمل فحص كروموزومي يطلع عدد كبير منهم بيهم خلل ورجعو السبب انه بويضاتي مش كويسه مع انه الهرمونات ماشاء الله سليمة والمخزون مناسب لعمري الحمدلله ولكن الجودة 👎🏿 مع اني ماني دبه ولا عندي الحمدلله تكيسات ولا اكل وجبات سريعه الا بالنادر ولا اشرب غازيات الا بالمناسبات ولا اكل دجاج والله شي يحير
وباخر محاولة الظروف تهيأت والاجنة كويسه اللي رجعناها وعملنا كل الاسباب لاصق للاجنه وليزر وابر سيوله وكورتزون وبيبي اسبرين ومثبتات ووو ولكن النتيجة وحدة سوينا او ما سوينا مافي حمل لانه الله ما اراد لو اطلع السما وانزل طالما مو رايد فخلاص
عندي ردة فعل غريبه ولما اذكر تجاربي ابغى اصيح ومااقدر اعمل عمليات ورى بعض اخس جسمي يطول الين يرجع لطبيعته اخر عمليه عملتها معاك مابين مارس وابريل الى الان الدورة مانتظمت ياخذني ٤ دورات او ٥ الين ترجع زي ماكانت وماحب اخذ ادويه لتنظيمها يكفي الكمية المهولة اللي بناخذها خلال العمليه اللي الى الان ماندري ايش اثارها حتكون علينا بالمستقبل
اسفة اذا طولت ونرجع للسؤال بتكملين مع بندر ولا مع الشهراني؟
التجمع 110 للمقبلات على الحقن المجهري واطفال الأنابيب
متابعة النقاش، صفحة 183