نفس الوضع بنتي بالمتوسط و اعطيها شغلات بسيطه و يجن جنونها و تصارخ و تحلف انها ما تسويه و عندها استعداد اكنس و انظف و هي تتفرج على التلفزيون مافيه احساس ! و هذا بنتي ماعندها جوال.. حتى لما نعزم احد ما همها الا لبسها و شعرها و مسكرتها و طوووول اليوم مشاكل مع اخوانها وتسلط على اخواتها الصغار بشكل مو طبيعي و قاعده على المرايه الين يقربون الناس يجون و لما اقرب اشطب البيت تقول امي ايش اساعدك و انا عاد مخلصه !!! بس بصراحه شديت عليها بقوه و صرت ما اكلمها و لا انفذ طلباتها و حرمتها اللاب توب و بعدين تعدلت .. صح مو كل الشغل تسويه بس صارت ٤٠ في الميه تسوي معاي وهي قاعده تتحلطم بس عادي و لاعاد اتنازل عن حقي في البر ! خصوصا اني انا اللي قايمه فيهم و في مصاريفهم و لبسهم واكلهم و طلباتهم لان ابوهم بخيييييل مو راضي يصرف عليهم اي تقصير في حقي على طول حرمان و اذا ساعدتني ادلعها دلع على كيفك والله جيل مررره صعب بنات اختي جوا قعدوا معاي كم يوم لان امهم مسافره و هن كبار خريجات جامعه و في الجامعه و الثنوي والله يابنات فوق اني مستضيفتهم في بيتي صرت لهم مثل الخدامه ياكلون و يخلون وراهم و قاعدين على النت الين جات امهم بعد اسبوع والله لو كنت ادري انهن كذا ما استقبلتهم هدو حيلي وجع!
بصراحه يعني احسك انتي مدلعتهم شوي يعني و اذا ب الجامعه ؟ تخافين منهم ! و الا محترمه ناسظ ماهي محترمتك ومقدره تعبك ؟! بكل بساطه شددي عليهم هاوشي خليهم يتحركون و كمان احرميهم الجوالات وهم نايمات اسحبي الجوالات و قفلي عليها و اذا صحوا يدورونها قولي و الله ماخربكم غير هالجوالات و الحين مافيه جوالات وهذا شكل البيت اذا شفت البيت نظيف ب اعطيكم الجوالات و سوي لهم جدول كل يوم خلي وحده تطبخ ووحده تغسل و قسمي شغل البيت عليهم كل وحده سلميها شغله اذا انتي ساكته و بس تخوفينهن بالدعاء م راح يتعدلون شدي عليهم و بيتعودون ع الشغل ارجعي ربيهم من جديد
البنات شدي عليهم وخوذي النت منهم بالقوة ومارسي قوتك انتي مسؤوله في البيت وفي الحديث (والمرأة راعية في بيت زوجها ومسؤولة عن رعايتها) راح يسألك الله عنهن..
الطلريقة هذه ماتخرج لنا بنات صالحات للزواج وفتح بيت وتكوين اسره عشان كذا الطلاق كثييير بمجامعاتنا من التربية على الدلال واللامسؤوليه