هل ارجع لطليقي

شكرا لك على الرد مع احترامي لوجهة نظرك لكن اذا متخانق مع مرته ويبي يغيضها زي ماتقولين يروح يتزوج وحده ثانيه مو يرجع طليقته

لا انصحك بالرجعه للاسباب التاليه
اولا غير مسئول وقليل احترام ومرمطك للمحاكم حتى تطالبي بحقوقك
والشي الثاني لا ينفق حتى بعد حكم المحكمه كيف بينفق وانتي عنده
والشي الثالث ما قام بمسئولياته وانتي الوحيده بذمته كيف بيقوم بها وعنده غيرم
والشي الرابع وقح في اسلوبه ورده كليك بعد ما طالبتي بالنفقه
والشي الخامس اهو ما بادر انتي اللي اتصلتي وهذا اكبر غلط سويتيه بيقول تبيني واخذه زيارت الاطفال عذر واساسا ليش تكلميه
واخيرا انتي الله رزقك باولاد مو بنات ما ياخذهم الا برغبتهم اهم يعني مو بنات متى ما كبرو اخذهم
ونصيحتي لك الله انعم عليك بوظيفه واطفال بحضانتك العمر كله ومرتاحه البال ايش تبي بالبهذله والمشاكل
وصدقيني مرح يتعدل واكبر دليل اسلوبه معك
وانتي تقدري تربي عيالك احسن تربيه من غيره اساسا منشغل باللي عنده
واخيرا لا تتصلي عليه مهما كان ما انفق المحكمه تدليها الزياره ان جاء كانا بها ما جاء بسلامته وجوده مثل عدمه

كلامها صحيح مليون بالمية
مافيه اب عنده احساس ورجوله مايسأل عن عياله ولا يلبي طلباتهم
هو شافك توظفتي وشلتي نفسك وعيالك ومو محتاجته قال اخليها تجي وتصرف علي بعد
لالالالالالالالالا ترجعين وتندمين عيالك بيكبرون ويعرفون الصح وانتي ماقصرتي معهم ولا حرمتيهم من ابوهم هو مايبيهم خليه بكيفه ولاتدورينه اذا حب يسأل عن عياله يطب الباب او يدق على راعي البيت ويستأذنه
وروحي للمحكمه واطلبي نفقة وكمان تعويض عن السنين اللي راحت
ولاتتساهلين بشيء ........ تكفين ترا والله شايفين من هالنوعيات قسم مايهمهم عيال ولا حريم يبون القرش باللي هو فيه

حطيت نفسي مكانك واحترت
اذا تحسين بداخلك باقي شي له ارجعي له
بس لاتضغطين على نفسك
واهم شي شروطك تكون شقه مؤثثه بالكامل
ومصروف شهري
والعدل
والمؤخر مهم عشان يحسب الف حساب

جزاك الله خير