متردده شورو علي

ما انصحك ابدا.. رأيي من رأي اهلك.. وظيفتك عضي عليها بالنواجذ.. واصلا مين يحصل له الحين وظيفة حكومية براتب عالي ماشاء الله.. ياشيخه قولي الحمدلله انتي بنعييييم..
دام راتبك زين دخلي عيالك مراكز اطفال حلوة منها ترتاحين ومنها يستفيدون ويستانسون.. الحمدلله هالمراكز صارت موجوده بكل حي.. واستودعيهم الله كل صبح..

ومن قال ان ربات البيوت مريحات قلوبهم وراسهم.. لا والله ابد الا الريال يجي بالحسره احيانا هذا غير الطفششش والضغط اللي من الزوج واهله والبزارين.. توصلين مرحله تكلمين نفسك ههههه.. الوظيفة اقل شي نفسيتك فريش كل يوم تطلعين تشوفين الناس تلهين بسواليفهم تشتاقين للبيت وتتجدد النفسية مع الروحة والرجعه.. واذا تعبانه خذي لك اجازه هالفتره تريحين فيها مع عيالك وبيتك وارجعي للدوام بعد العيد..


لكن نصيحة اخت لا تفرطين بوظيفتك مهما كانت الضغوط.. ترى بهالزمن مايعز الحرمة الا راتبها.. محد مضمون مع الاسف واللي اليوم عسل معك بكرا ممكن يقلب علقم.. فلا تأمنين يا قلبي..

لاتفرطي بوضيفتك واجمعي فلوسك
ليه تشتغلي عشان تسددي ديون زوجك؟؟؟ ليه مايدور له شغل اضافي ويدبر اموره؟؟؟
وظيفتك لك اذا حبيتي تعطيه من طيب خاطر جزاك الله خير لكن تكرفي بس عشان تسددي ديونه ماانصحك
اولادك مابتغيبي عنهم طول اليوم كلها كم ساعه وترجعي لهم ووقت الويكند انت معاهم بالعكس ماهم محرومين منك
تعوذي من الشيطان ووظيفتك حكوميه لاتفرطي فيها لو قطاع خاص كان قلت لك ارتاحي مابينوبك الا وجع القلب
وكم وحده من ربات البيوت اللي تغبطيهم تتمتى وظيفتك لو تجيهم مارفضوها فابعدي هالوساوس عنك

السلام عليكم ورحمة الله و بركاته
وصباح الخير عليك و على عالم حواء ككل
إذا كانت عندك قناعة من العمق ان الله هو الرزاق ذو القوة المتين
اتركي شغلك بعد ان تؤمني مبلغ الديون و تسدديها
و اعتني بأهلك و أولادك


إن الله لما سلم القوامة للرجل فكان هذا لحكمة يعلمها سبحانه
و لان المرأة جسد ضعيف يتعب و لا يتحمل
ثم إن كان زوجك له راتب مناسب فلم تعملين و تكدين كل هذا القدر
و أولادك و تربيتهم و نشأتهم و صحتك و أمور كثيرة تفقدها الزوجة عند العمل
و توهم نفسها أنها حققت ذاتها و أنها بمالها لبت رغبات نفسها
و اللذي نفسي بيده لإن العمل للمراة ماهو سوى تعب و نصب و كبر قبل الكبر
و عمر قصير و صحة بالية و إن كانت هناك من تحتاج لهذا فلنجعله للضرورة القصوى
يسر الله أمرك و قدر لك الخير حيث يسعدك و اهلك

بس حلوه المشاوره واخذ اراى الاخرين بالذات المجربين

ايش وظيفتك؟