ام زوجي وعيالها بهذلوني

ياحبيبتي خليهم ينزلون ويقعدون عندهم مصير العمه وبناتها يطفشون خاصة اذا تمشيتي وطلعتي بينقهرون
ماادخل بنيتهم لكن مافيه ام تحب عيال ولدها بقوة عيال بناتها اقرب
بس المسألة تصنع قدام ولدها بتشوفين بكرة تطفش منهم
لاعاد تنزلين مع عيالك خليهم ينزلون ويخربون عليهم وانتي استانسي

شايفه هاذا كله وساكته ؟؟؟ ليش طيب
اللي يطنشك طنشيه واذا تأمرو عليك قولي عيالي وانا ادرى فيهم ماابي احد يتدخل
وماتبينها تدور عيالك نزليهم لها كل يوم لحالهم وانبسطي واطلعي مع زوجك مطاعم واسواق وتمشيات صدقيني راح تهاوش وتقول ضفو عيالكم

كبررررررررري دماغك..... احسني ظنك ......
لما تأمر بناتها بمساعدتك بارضاع الاطفال او التغيير لهم من باب الرحمه فيك وإنم تتفرغين للجلسه معاها
رمي بعض الكلام الي أنت تفسريه انه استفزاز ممكن تكون من النوع الي اي كلمه تجي على باله ايقولها والحساس يتعب ويفسر
تهميشهم السلام عليك!!!
ليه أنت أول ماتدخلين ماتحطين عينك في عين ام زوجك وتبتسمين وتنطقين السلام وتسلمين على رأسها
المفروض الداخل يبادر بالسلام
تقولين يبسون ولدي وانا جالسه على السرير ماسلموا علي
ليه لما اقبلو على ولدك ماوقفتي عشان يسلمون عليك وهليتي فيهم
الاولاد متعلقين في ابوهم وعمانهم هههههههه هذي كل جده تقولها والحلو فيهم طالع على عمانه والشين لخواله
سلكي.......وكبري دماغك
داخله معاهم حرب بارده ومتلفه اعصابك ليييييييييش
ماننكر حبك لاولادك....ولا ننكر حب جدتهم واعمامهم لهم
والله انك ماتعلمين الحب الي تكنه الجده لاولاد اولادها بالذات اول فرحه لها حبهم ابدا مايزول حتى لو كبروا يضلون المفضلين عندها
حتى لوربي رزقها بأحفاد ثانين سيظلون اول فرحه واول حب وولع
بس انت لا يوسوس لك الشيطان ويهول لك الامور انت شايله في نفسك وداخله تحدي ماراح انولكم عيالي
وأكيد كل هالقهر واضح في تعاملك.....
وهم كمان شرهانين عليك استكثارك دخلت الاطفال عليهم وأنك ناويه تقطعينهم من عيالهم
عشان كذا صادين عنك وقلوبهم
التعليمات ولاتقصين ولا تقولين للاطفال هذي كل جده أو أم أو اخت كبيره او زميله راح تعطيك من هذه التوجيهات لانها تقولها من باب المحبه والميانه فلا تكبرين الامور ...اسمعي وابتسمي وسوي الي يعجبك
هدي هدي .....الحياه ابسط من كذا
استغلي مبادراتها في مساعدتك في الاطفال لتعيشي ساعات راحه مع نفسك وزوجك....بما أنك متأكده انهم فعلا بين ايدي امينه

بصراحة وكلمة وحدة انت فضييييييييعة وعندك سوء ظن مو طبيعي قريت موضوعك مالقيت شي يستدعي كل هالحرب النفسية اللي عايشتها كل كلمة وكل حركة عندك لها تفسير ثاني ماتحسني الظن ابدا ابدا والله الله يعينهم عليك وعلى سوء ظنك مقدمة السوء في كل حركة يسوونها يالطيف الطف ارحمي نفسك تعاملي باريحية حاولت القى شي يأيد نظرتك لاهل زوجك مالقيت غير انهم مساكين فرحانين بعيالك يبغو يساعدونك بس انت ميبسة راسك وتتعاملي كأنك في حرب

اللي يقولون ريحي نفسك ونزلي لهم العيال وانبسطي وارتاحي اخذتوا الموضوع ببرود طيب صغار ما ابي انزلهم وبعدين؟ مااشوف علقتوا على عدم احترامهم لي وانا داخله بيتهم ولااحد فيكم قال شي وكأن اللي سووه عادي جدا ولدي مسوي عمليه وبنتي جايه من المستشفى واكون ببيتهم ويدخلون ومايسلمون انتوا تعاملوا اللي يدخل بيتكم بهالطريقه ؟ كيف مسلمات وهالجزئيه ما استوقفتكم في الردود ؟ هل انتوا كلكم اهل زوج عشان تشوفونه عادي؟ غريبه والله
وبالعكس انا مو داخله حرب كل المسأله انهم صغار وما ابيهم ينزلون لوحدهم