مواقف وقصص في طواريء الولادة.. !

هي بعد ما رجعت من الحمام خلوني تحت الملاحظة زي ماقلتي
بس اللي ذكرته فوق كان بعد ماطلع راس البيبي ع طول...ع طول بدأت تخيط ما عطتني فرصه ترجع لي روحي وطولت ف الخياط مررره لأني انشقيت يمكن ٧ غرز ومباشرة أول ما انتهت خياط قومتني للحمام غصب عني عشان اغير ملابسي والله اني رحت للحمام وانا ارجف من الضعف والتعب اللي فيني ما خلتني ارتاح لو دقايق بس بعد ما خلصت مني تماما رجعتني السرير وتركوني فترة تحت الملاحظة ما أظلمهم


بس رسالتي للقابلات ..تخيلي إنك انتي اللي في هالمكان وتعاملي زي ماتحبين لنفسك

لاحول ولاقوة الا بالله انا يوم اني بكريه دخلت معي الممرضه الحمام مدري اني بدوخ عقب الولاده اقول لها استحي اطلعي قالت لازم علشان مافيه دوخ الله يجزاها خير وقلت طيب خلك وراء الباب قالت طيب مافيه سكر باب خليه مفتوح قلت طيب وصادقه بغيت ادوخ بس تمسكت وناديتها الله يعافيها ساعدتني الله يسخرهم لنا

انا بصراحه حبيت موضوعكم ويتكلم عن شيء عشناه والبعض اكيد اخذ منه موقف يا إما سلبي أو إيجابي ....


انا اللي بذكره انا الحمدلله مريت بمراحل ولادات فيها الحلو وفيها المر ...
بس سؤالي انا الحين حامل والله يسهل علي ان شاء الله اضطريت اروح للطواريء وانا بالشهر الخامس كنت اعاني من صداع شديد فقط بس بحكم اول حمل لي توائم بسم الله ماشاء الله وعندي مشاكل بهرمون الحليب كانت استشاريتي اللي اتابع معها توصيني بشيئين مهمين اللي هم اذا حسيت بصداع اروح للطواريء ع طول وان ممنوع علي الكشف المهبلي خوفا علي من حدوث ولاده مبكره والاستشاريه كانت كل موعد لي تراقب فتح عنق الرحم عن طريق السونار


ولكن للأسف رحت الطواريء وذاك اليوم صادف انه كان بقسم النساء والولاده اخصائية ما انساها طول حياتي دخلت عليها اشرح حالتي ولا تناظر فيني للأسف وعلى طول قالت ع السرير سوت لي سونار والله الشاهد يا دوب حطته ع بطني وقالت يالله بكشف كشف مهبلي انا هينا رفضت حرصا على حملي ولأني ماشيه ع كلام دكتورتي ولأنه للأسف كنا بإجازة العيد حق رمضان يعني مستحيل اقدر اقابل دكتورتي الا بعد العيد .. هينا هي عصبت وتناظرني وتقول انتي هينا تحت مسؤليتي انا ومالها دخل استشاريتك بس اذا بتمشي ع كلامها انا اوقع اخلاء مسؤوليه والله حتى ما نتظرت مني الرد وقعت على ملف المتابعه حقي ورمت علي ورقه اوقع فيها رفض الفحص ..


هينا الخطأ على مين ؟؟
احس انقهرت من ردها وطريقة تعاملها معي وانا جايه تعبانه والله كان خاطري ارفع فيها تقرير بس وكلت امري لربي وقلت والله ما انسى الكلمه اللي قلتها مع اني ضد الدعاء على احد بس بطريقتها والله يوم طلعت قلت يارب تنحط بنفس الموقف وبنفس الاسلوب اللي انحطيت انا فيه عشان تحس فينا ..😂😂😂
ياسمين او اي وحده تعرف بقوانين المستشفى تقولي معي حق والا انا الغلطانه لأن ماعمري انحطيت بموقف وهالموقف اثر فيني صراحه وودي اعرف الغلط على مين ؟؟

هي معاها حق بس اسلوبها غلط
لانك بالوقت الي تشوفك فيه هي مسؤولة عنك واوراقك تكون باسمها وبما انها اخصائية راح يسألها الاستشاري المسؤول عنها عن الحالات اللي شافتها باجتماعهم اليومي.. اما الاسلوب كل شخص واخلاقه واحيانا يجيهم ضغط من كثر المرضى الي يجون ويرفضون الفحص طيب اذا رافضين الكشف ليه تجون؟

رفع
للتوعية والفائدة